Yeremi 32:39 - BII BILA

³⁹ I yɔngunin nda kɔl pilɔɔ a yiyan pilɔɔ, haliko ma vo ya lɔ́ɔ́-lɔ́ɔ̀ le mɛɛ nda sɔla dɛnɛ kɛndɔɔ le nda pila a le cuavaa ndaa nda a makɔɔ yɛ.

Yeremi 32:39 Referans Kwoze

Dɛnnda kiilaa 4:32

Nda kpow aa nɔ kɔl pilɔɔ a yiyan pilɔɔ. Vana-vana ve dimi le maa le ndu pila ɲɛm ndɔn co ni, kɛ le nda kpow ɲɛ vana-vana va ni.

Nsaŋ 17:21

Màá nda kpow a va ɲɛ pilɛ maa nɔm, Pua, a co o ya nin, mì ya i va o nɔm nin, maa nda bɛɛ va o naa nin, haliko mi ceendo laalan maa nɔm vem ya ni!

Esekiɛl 37:25

A calnin o lɛŋnde ya yɔngu sindɛ Yakɔb vana baala nuu len nin, lɛŋnde fuɲaa ndaa va icali nin-nden pɛɛn. Kandɔɔ a nda pila, cuavaa ndaa a cuavaa ndaa mamaa, a vanin icali o lɛŋnde len nin le fɛɛn a fɛɛn, nduyɛ David vana baala nuu vanin simlacinɔ ndaa le lɔ́ɔ́-lɔ́ɔ̀ ni.

Esekiɛl 36:26

I yɔngunin niaa kɔl sɛnɛiyo, mì luei niaa yiyan sɛnɛiyo nin. I solinin kɔl co o kala maa pow-vo o dialun niaan nin, mì luei kɔl co maa ivisi-o niaa o n'dial.

Hebreea 10:20

O kumbil naa nɛi sɛnɛiyo, o kiyɛiyo, keiyo o kola landaa, dialun ndɔn pɛɛn.

Nsaŋ 14:6

Mí Yeesu dimul ndu aa: «Ya co nɛiyo, toɲaa a cindaa ni. Vana-vana kue o Pua lo le, te o co mò kei a ya le.

Yeremi 32:40

I yiinin kpema fɛɛn-fɛɛndo a nda. I mulul-lɛnin nda kɔɔ le. I tosalnin nda dɛnɛ kɛndɔɔ mì tosa ma vo ya o kɔlta ndalan nin, o kon a kue lɛnin ya levil te.

Talelan 23:17

Páŋalà vanaa lahakia le, kɛ nɔ siòòŋii Mɛlɛka-e lɔ́ɔ́-lɔ́ɔ̀.

2Dɛnnda lemasalan 30:12

O tàndá Yuda-o nin vɛlɛ, mí Hala tosa ɲɛ vannda o lakɔl, mí nda kpow a cɛl ɲɛ ndu Mɛlɛka sɔɔ masaa a vanaa bɛndua va ndu o ba bɛngu-a o lasondo le nda dimullo-o.

1Korɛntea 7:14

Kani vanapɔnɔ nɔ laalan too sɔɔnguu Hala ikɛi laa ndɔ kɔɔli, mì vana pɔnɔ ndɔ co vana laalan too sɔɔnguu Hala ikɛi laa ndɔ kɔɔli. Kɛ te i yɔŋnun lende le, cuavaa vanaa ŋiɔŋaa kan a siŋnun maa vanaa nɔɔlɛi Hala o hɔl, nduyɛ a diandaa nda co ni.

Dɛnnda kiilaa 13:33

o cii ndu peelu le naa a mingi o mingi Yeesu yoomu fulaa vanvílɛ́iya tɛɛn-ndo, naa cuavaa ndaa imamaa pɛɛn, maa mɛɛ o co o sɛvaa o Sɛbɛ condii lisɛi nin bolle ndii ŋiin yɛ aa: ‹Nɔm co po nuu ni! Kandɔɔ hau, ya co fuɲa nɔm ni.›

Esai 35:8

A busanin nɛiyo, nɛi bɛndoo o lɛŋnde len nin, a kenin nɛi kon diolan aa: «Nɛi diandaa.» Vana nɔɔlɛi keinin o nɛi kon coo le. Le yungu Mɛlɛka-o daama o vanin ni, vanaa vanin keiyo o nɛi kon coo-a, hali diɔmnda a luusiannin te.

2Korɛntea 13:11

Sisa yɛ puapilɛa nia, la lɔl kɛndɛ! La handu kɔltan o baala kɛndɔɔ coo, mì la lueinan yoomuan vellaa-velle, mì la va o kɔlɲuloo nin. O kon Hala nɔ kaolaa a kɔlɲuloo o ba-o vanin niaa ikɛi.

Rɔmnda 11:16

Nduyɛ, te kunda tase ɲɛdiaa co pɛ o diandaa, mɛɛ o diandaa ɲɛdiaa tɔu bɛɛ co ni. Te puundun yɔmndon co pɛ n'diandaa, mɛɛ n'diandaa lɛwvon bɛɛ n co ni.

Dɛnnda kiilaa 9:31

O kon mí vanaa Krista-aa va Yuda, Kalile a Samari-a kpow sɔla kɔlɲuloo. Mí Hala Kɔl-Diandaa tosa má sɔla yoomuan, má hindu, a va kelaa o nɛila Mɛlɛka lan coo.

Dɛnnda kiilaa 3:26

Le niaa Hala cuu vana ndɔ baalaa ni. O cuu ndu haliko mi vana-vana mal kela ndɔ vɔɔndo, mì la sɔla duaa.»

Dɛnnda kiilaa 2:39

Kani ciɛi Hala cua-e co le niaa a le cuavaa niaa, i co vɛlɛ le vanaa co levil-la kpow a le vanaa-vanaa sɔlanin veeloo Hala naa o ba.»

Esekiɛl 37:22

I siinguunin nda vanaa-mangalaa-isɔɔa súú pilɛa o lɛŋnde (ndalen) nin, o pembon Israɛl coo, a ve lɛnin súúla sala tiɔn te, a ve lɛnin a piɔvannda o masɛi ndii ŋiin bɛngu le.

Yeremi 6:16

O Mɛlɛka dimi-o co hoo ni aa: «La sim-ndɔ o nɛilan coo mì la mɛɛndian, la ɲuuniaa vɔ le nɛila masindɛlan, ɔ́ɔ̀ o va nɛi kɛndɔɔ-o, la kɔ lecoo, mì la sɔla pɛngio le kɔlta niaalan! Kɛ má muli aa: ‹N kuenin o nɛi kon coo le.›

Esai 52:8

Diom kpalilaa nɔmnda co tueinɔnndo! A co diomndo heeloo kpélén, a co yondaa vóólun-vóólunn vellaa-velle, kani a co Mɛlɛka cɔu muungoo Siɔn a lahɔl vakpa.

Condii lisai 128:6

mà ce cuavaa poaa nɔmnda vialunin-nda. Màá Israɛlla sɔla kɔlɲuloo!

Condii lisai 112:1

La lisa Mɛlɛka. Dɛnɛ kɛndɔɔ co le vana nɔ siòòŋii Mɛlɛka-e-o, o dɔawnun ɲaale taw o tɔŋnda ndɔlan biyɔɔ nin-ndo!

Tɔŋ miingua 5:29

Te ndáà lo niko pɛ o yiyan kɛndɔɔ ho coo, mì ndáà biilu ya a bɛɛlen, mì ndáà kela lepalaa-lepala o tɔŋnda nilan biyɔɔ nin, ɲɔɔ ndóò naŋnin bɔɔ, haliko mi nda a cuavaa ndaa imamaa ndáà sɔla dɛnɛ kɛndɔɔ le lɔ́ɔ́-lɔ́ɔ̀.

O Kandɔɔ 22:12

Mí mɛlɛkanɔɔ dimul ndu aa: «Hol poombɔɔ baa le. Yɔŋ ndu ɲɛ-ɲɛ vɔɔn te. I sina nihau válán maa a nɔ siòòŋii Hala-e, kani a túŋ ya pole nɔmnde pilɛlen nden te.»

O Kandɔɔ 18:19

Kani i hɛli ndu le cuavaa ndɔa imamaa a vanaa co o ba ndɔɔ bɛngu-a vomɔɔ mà kela o nɛi Mɛlɛka-o coo, mà tosa dɛnɛ sandaa, mà kelu yamɛi o sandei nin, haliko mi peelu kpema ya yiilu ndu Abraham-ndo.»

O Kandɔɔ 17:7

Kpema ya yii hoo-o co va naa tɛɛn naa nɔm, a naa tɛɛn naa cuavaa nɔmaa imamaa le fɛɛn a fɛɛn, haliko mi va Hala nɔmndo a Hala cuavaa nɔmaa imamaa nɔm kɔɔli.

Tɔŋ miingua 6:24

Le hee, mí Mɛlɛka Hala naa dimul naa le tɔŋndan ndan kpow biyɔɔ a le siòòŋii ndɔɛi nɔu, haliko mi n sɔla dɛnɛ kɛndɔɔ, mò ke naa yoomoo mɛɛ o co vɔ naa ndu yɔngoo hau nuaa yɛ.

Condii lisai 86:11

Éé Mɛlɛka! Pɛɛku ya nɛila nɔmndan, mì kela o toɲa nɔmndo coo. Ke ya kɔllo ndu pilɛ kpé, haliko mi vo diola nɔmndan.

Esai 65:23

A bɛpɛla lɛnin fondo fúú le, a vilu lɛnin cuawva a buulanndo le nda cɔu vuo a lende le. Kani a siŋnunnin vanaa Mɛlɛka dɔw duaa-a, mì cuavaa ndaa va nda ikɛi.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Tɔŋ miingua 6:2

La nɔ́ siòòŋii Mɛlɛka Hala niaa, mì la bii tɔŋnda ndɔlan a silala ndɔla ya co niaa tɛɛngullo lan o palɛi niaa nɔ le tosaa o ceendo coo-e kpow nin. Tɔŋnda lan la co le niaa pila, le poaa niaa a le poaa niaa imamaa. La bii lan pɛ, la viow yoomu.

Yeremi 24:7

I kenin nda sinapɛngoo, mà bii bila maa ya co Mɛlɛka ni. A muungunin ya o ibuŋ a kɔlta ndalan kpow. O kon a vanin vanaa nia, mì ya i va Hala ndaa.

Esekiɛl 37:24

David vana ni baala vanin masa ndaa ni. Nduyɛ nda kpede, vana manda n'saa ndu pilɛ nda nɔnin ni. A kelanin o pɛɛkula nilan coo, mà bii silala nilan, mà tosa mɛɛ la dimi yɛ.