Yeremi 32:22 - BII BILA

²² Má ke nda lɛŋnde nɔm óò mɛnalan fuɲaa ndaa mamaa le nda yɔngoo len, lɛŋnde cɔlua a tɔlɔɔlan la naŋ nin taw-taw len pɛɛn.

Yeremi 32:22 Referans Kwoze

Fulaa 13:5

Lelan, lɔ́ɔ́ Mɛlɛka lueinin niaa o lɛŋnde Kanannda, Hitiia, Amoriia, Heviia a Yebusiia nin-ndo, lɛŋnde o yiilu fuɲaa niaa mamaa kpemaa le nda len yɔngoo len, lɛŋnde cɔlua a tɔlɔɔlan la naŋ nin taw-taw len, la bɛnda mì la tosa kafoo ho o paangii pilɛi he nin.

Fulaa 3:8

Le hee, i tol le nda solio o sanga kon nin Esiptea o ba, a le nda yɔ̀ɔ́ o lɛŋnde bɛndule kɛndɛ-kɛndɛlen nin, o lɛŋnde cɔlua a tɔlɔɔlan la naŋ nin taw-taw len nin, o lɛŋnde Kanannda, Hitiia, Amoriia, Perisiia, Heviia a Yebusiia co icali nin-nden nin.

Yeremi 11:5

O kon, i peelunin kpema yáà yiilu fuɲaa niaa mamaa le nda lɛŋnden yɔngoo-o, lɛŋnde tɔlɔɔlan la naŋ nin taw len pɛɛn, maa mɛɛ niaa co cɔu hau nuaa-yɛ.›» O kon mí muli aa: «Amiina Mɛlɛka!»

Tɔŋ miingua 1:8

La tofa vɔ, i yɔngu niaa lɛŋnde len, la luɛi lenin mì la hɛlu len. Lɛŋnde len Mɛlɛka yiilu fuɲaa niaa mamaa Abraham, Isaak a Yakɔb kpemaa le nda len yɔngoo nda cuavaa ndaa imamaa le fɛɛn a fɛɛn ni.»

Fulaa 3:17

Lelan ya dimi ni aa i co niaa soli o mɔnɛi ken nin, mì yɛɛ niaa o lɛŋnde Kanannda, Hitiia, Amoriia, Perisiia, Heviia a Yebusiia nin, lɛŋnde cɔlua a tɔlɔɔlan la naŋ nin taw-taw len pɛɛn.

Esekiɛl 20:15

O lɛŋnde veselɛilen nin bɛɛ, yáà heelu baa ni, mí mɛnalan nda maa i lueinin nda o lɛŋnde yáà ke nda len nin ten, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpede naŋɔɔ len.

Esekiɛl 20:6

Paale len, mí heelu baa coocoo, mí mɛnalan nda le nda faŋaa o lɛŋnde Esipte len nin, le nda yɔɔ o lɛŋnde ya mɛɛndian le nda len nin, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpow naŋɔɔ len.

Nehemi 9:15

Má ke nda ɲɛdiaa fula o halataala-o le yima va nda nɛiyo-an, má soli mɛnndan o pow kpovaa nin le bolola vesɛila va nda lan. Má viam nda le nda lɛŋnde nɔm óò yiilu nda kpemaa le nda yɔngoo len hiɔlɔɔ.

Yosue 21:43

Nuaa Mɛlɛka ke Israɛlla lɛŋnde ndóò yiilu fuɲaa ndaa mamaa kpemaa le nda len yɔngoo len ni. Má sɔla len, má cal lenin.

Yosue 1:6

Lueinun yoomuan ma sim yili, kani nɔm tosanin ni mì vannda ha sɔla lɛŋnde ya yiilu fuɲaa ndaa kpemaa le nda len yɔngoo kɛ́ɔ len.

Tɔŋ miingua 8:1

«Tɔŋnda ya co niaa yɔngoo hau lan kpow, la kindin mì la bii lan, mì la kela lecoo, haliko mi la va yoomu, mì la kui taw, mì la hɛlu lɛŋnde Mɛlɛka yiilu fuɲaa niaa mamaa kpemaa mó mɛnan le nda len keo len.

Tɔŋ miingua 7:13

O kaolanin niaa, mò dɔw niaa duaa, mò vangala niaa, mò dɔw hɔ́aa niaa duaa. O dɔawnin ɲɛm niaa vanin váà a tɔlɔɔ-on duaa: kandɔɔ maalon, rɛsɛnndon, kɔ bii a olivieela niaalan. O vangalanin cɔlua niaa taw: nawva, saa a cuinnda, mà kui o lɛŋnde o yiilu fuɲaa niaa mamaa kpemaa mó mɛnalan nda le nda len yɔngoo len nin.

Tɔŋ miingua 6:23

Kɛ naa, mó soli naa lon le naa cuuo nanu a le naa lɛŋnde o yiilu fuɲaa naa mamaa kpemaa mó mɛnan le naa keo len yɔngoo.

Tɔŋ miingua 6:18

La tosa ɲɛ co o sandaa a o kɛndɔɔ Mɛlɛka o hɔl-lo, haliko mi la sɔla dɛnɛ kɛndɔɔ, mì la hɛlu lɛŋnde kɛndɛle Mɛlɛka yiilu fuɲaa niaa mamaa kpemaa, mó mɛnan le nda len yɔngoo len.

Tɔŋ miingua 6:10

Lɔ́ɔ́ Mɛlɛka Hala niaa lueinin niaa o lɛŋnde o yiilu fuɲaa niaa mamaa Abraham, Isaak a Yakɔb kpemaa le niaa yɔngoo len nin-ndo, la komalnin kobila bɛndula kɛndɛ-kɛndɛla niaa tengul te lan ndon.

Tɔŋ miingua 1:35

‹Vanaa lanila kalua ha, o pilɛ bɛɛ ci lɛŋnde kɛndɛle ya yiilu fuɲaa ndaa mamaa kpemaa le nda len yɔngoo len te.

Kundalan 14:30

la luei o lɛŋnde ya mɛnan mí yii kpemaa le niaa kɔlan kɛsio lenin-nden nin te few. Fɔ Kalɛb, po Yefune-o a Yosue po Nun-ndo co luɛyɔɔ lenin ni.

Kundalan 14:16

‹Mɛlɛka ndóò tiwba le vannda ha lueiyo o lɛŋnde o yiilu nda kpemaa mó mɛnan-nden nin te, lelan o kei nda bololan kili o lɛŋnde veseleilen nin nuaa ni.›

O Kandɔɔ 50:24

Mɛɛ piɔ́m ndɔɔ va le tiiyaa, mó dimul yungu ndɔɔ aa: «I co hunɔɔ vu, kɛ Hala melnin niaa le. O co niaa hunɔɔ soli o lɛŋnden nden nin, mò yɛɛ niaa o lɛŋnde o yiilu sindɛ Abraham, Isaak a Yakɔb kpemaa le nda yɔngoo len nin.»

O Kandɔɔ 24:7

Mɛlɛka Hala co o halataala-o, o faŋa ya yungu nuu ikɛi a o lɛŋnde nilen nin-ndo, o soo o ya lo mó cuel-la kpemaa, mó mɛnan maa o co cuavaa nia imamaa lɛŋnde ya co len nin-nden yɔngu-o, o co nɔm mɛlɛkanɔ ndɔɔ vomɔɔ laci, haliko ma nɔla le lanɔɔ yilɔɔ lon, mà hin a ndu le po nuu.

O Kandɔɔ 13:15

Lɛŋnde n co len cɔu len, i co nɔm nden yɔngu niaa cuavaa nɔmaa imamaa le fɛɛn a fɛɛn.