Yeremi 32:19 - BII BILA

¹⁹ A nɔ bɔɔ tuula bɛndulan, la n peelu a kpaaya bɛndoo lan pɛɛn! A nɔ hɔlten o kelala vanndacieea coo. Mɛɛ kela vana-vana co yɛ n bii vanndacieea ni, mɛɛ kɔmnde dɛnnda ndalan le co yɛ.

Yeremi 32:19 Referans Kwoze

Yeremi 17:10

Mí ya Mɛlɛka dimi aa: Ya co vana ca o kɔllo nin di-o ni, i sina yiyannda viannannda co o kɔltan nin-ndan. Le hee, i tiwba mi bii vana-vana mɛɛ kela ndɔɔ co yɛ, mɛɛ dɛnnda vana-vana la co yɛ.

Matie 16:27

Kani Po vanacieo co hunɔ̀ɔ̀ o biilu Fuɲa ndɔ-o nin a mɛlɛkaa ndɔa, o kon o dɔawnin vana-vana vɔ́ngɔ̀ mɛɛ dɛnnda ndɔlan la co yɛ.

Esai 28:29

Mɛlɛka-Nɔ-Kpaayaa-Kpow-vo o ba kon bɛɛ fula ni, sila ndɔɔ naŋ o tueyɔɔ, kɔlkalu ndɔɔ co o bɔɔ.

Condii lisai 62:12

Ɲɛ Hala dimi mì tuɛi ndu lɔ́ɔ́-lɔ́ɔ̀-o co ni aa: «Hala nɔ kpaayaa ni.»

Dɛnnda cɔɔmuanndan 22:12

Tofa vɔ, i co hunɔɔ sunsun, i co hunɔɔ a vɔ̀ngɔ̀la nilan, le vana-vana mingullo mɛɛ dɛnnda ndɔlan la co yɛ.

Yeremi 16:17

Kani i nɔ hɔlten o kela ndaa kpow coo, kela ndaa co o viannan ya o hɔl te, hakila ndalan la co ya o hɔl kpendekele.

SƐBƐ YƆB-O 34:21

Kani Hala nɔ hɔlten o kela vanacieo coo, o co foofola ndɔlan kpede mɛɛndianndo.

Dɛnnda cɔɔmuanndan 2:23

I tuisinin cuavaa ndɔa piɔ́mndo coo. O kon, kundala vanaa laalannda kpow a sinanin maa ya co vana yaasiaa yiyanndan a kɔltan-ndo ni. I mingulnin vana-vana o niaa tɛɛn mɛɛ dɛnnda ndɔlan la co yɛ.

Hebreea 4:13

Ɲɛ-ɲɛ co o viannan Hala o hɔl te. Ɲɛm o toosiaa-on kpow n co ndu o hɔl vakpa. O kei dɔ́ɔ́ pɛ hɔlten, o ce kpede. Nduyɛ, o ndu lo naa n dɔawnun kona ni.

Nsaŋ 5:29

mà fula. Vanaa tósa dɛnɛ kɛndɔɔ-a cannin mà muungu yoomu, mì vanaa tósa dɛnɛ vɔɔndo-a muungu yoomu le yamɛi ndɛi kiolɔɔ, mà yaala nda.

Yeremi 23:24

Vɛ̀ɛ̀ vanndo nɔla vionnɔnndo nɛɛ yililia pum mì bumba ndu cɔu?» Sɔɛi fula Mɛlɛka o sondo-e co hee ni. «I co nɛɛ-nɛɛ fee, o halataala a o lɛŋnden coo, vɛ̀ɛ̀ la sina ken te?» Mɛlɛka ɲuna lende ni.

Esai 40:13

Nɛ̀ɛ́-nɛ̀ tuu yɛ yiyan Mɛlɛka-o le ndu silaa yɔngoo?

Esai 9:6

Tofa vɔ ɲɛ o tosanin-ndo: masalen pɛngɛlaa mì le kui, vana co o kpɛŋɛ lemasa David-o coo-o a masale ndɔlen kɔlɲulu nɔ lamɛɛlu loo yɔngoo, yoomuan masale ndɔlen lueiyo a len simio yili, a dɛnɛ sandaa a sakpoyɛi, kandɔɔ sisa háá le fɛɛn a fɛɛn. Dɛnndan ndan Mɛlɛka-Nɔ-Kpaayaa-Kpow-vo tosanin a dialun fulaan ni.›»

Talelan 5:21

Siná maa Mɛlɛka co kelala vanacieo cɔu válán, o co dɛnnda ndɔlan kpede cɔu kpendekele.

Efɛsea 1:11

O yiinan naa n yiinan a Krista-o, mí naa bɛɛ n sɔla hɛlio. Mɛlɛka ndóò cii nin dɛnɛ kon tosa le naa mɛɛ o tuu yɛ. Mɛlɛka kon pɛɛn, ó tosa dɛnndan kpow mɛɛ hɛnan ndɔɔ co yɛ-o.

2Korɛntea 5:10

Kani naa kpow, mɛɛ mì n kɔ sim kpendekele o fonda kialaa n'yama Krista-o, haliko mo kelu naa iyama a pilɛn-pilɛnnda, mì n sɔla o vana-vana nɔ le sɔlaa-o, o va o kɛndɛ, o va o vɔɔn, mɛɛ naa n kela o ceendo coo yɛ.

Vana Kɔlkaloo 12:14

Kani Hala co hunɔɔ yamɛi dɛnndan kpow kiolɔɔ. Hali dɛnnda viannanndan o, la va lakɛndɛ, la va lavɔɔn.»

Condii lisai 34:15

Kpakpala dɛnɛ vɔɔndo, ma tosa dɛnɛ kɛndɔɔ, nuwviaa kɔlɲuloo, ma kela ndu kɔɔli.

2Dɛnnda lemasalan 16:9

Kani Mɛlɛka co hɔlten keelaa o lɛŋnden kpow coo le vanaa kaola ndu a kɔlta ndalan kpow-va malaa. Maa diɔm n tosa dɛnndan o sɔɛi he nin ni. Lelan, kandɔɔ sisa háá le fɛɛn a fɛɛn nin, cɔwlan la cuunin nɔm coo le.»

1Masaa 8:32

yaŋnun ndu diom nɛɛ n co o halataala-a, mà cɛn, mà kelu yamɛi vanaa nɔmaa baalaa tɛɛn, mà yaala vana nɔ dí loo, mò sɔla sanga o bɛnda le sɔlaa-o, mà ke vana nɔ dí-o dí ndɔɔ.

Fulaa 15:11

Mɛlɛka, hala kuɛɛ co yɛ maa nɔm o halaa tɔ̀a tɛɛn? Nɛ̀ɛ́ co yɛ o diandaa maa nɔm? Kpúlúnkùma tosa sɔɔn tɔ́ɔ́ bɛndon-ndo n co ni. Nɛ̀ɛ́ tosà yɛ kaamaalan maa nɔm?

SƐBƐ YƆB-O 34:11

Mɛɛ vanacieo tosa dɛnndan yɛ, lende o sala ndu ni, mɛɛ vana-vana kela yɛ, lende o mingul ndu ni.

Talelan 8:14

Baala nuu co vanndacieea silaa a nda kanalanndo ni. Ya co dɛnɛ sinaa ni, ya nɔ kpaayaa ni.

Yeremi 21:14

Sɔɛi fula Mɛlɛka o sondo-e co hee ni aa: «I simulnin niaa mɛɛ dɛnnda niaalan la co yɛ, mì mal bundɛla niaalan yin, mì yinnden le lom bundɛla lan balɔɔ sɔ́.»

Daniɛl 2:45

Le dɛnɛ kon cɔmndo n ce powvo sɛmbaa a ba ndɔ o pembei ni, mó cui cilinnde, daɲɛi, puulu loamaa, volin humbon a sianion. Hala bɛndoo cɔm masaa ɲɛ yɔŋnunnin-ndo. Lɔma n sɔl-lan ma co man ni. Kɔlɔ ndɔɔ kpeekpei co vɛlɛ hoo ni.»

Condii lisai 92:6

Aa Mɛlɛka! Mbɔ̀ dɛnnda nɔmndan la co labɔɔ, yiyannda nɔmndan la yingila.

Condii lisai 111:2

Dɛnnda Mɛlɛka tosa lan la co la bɔɔ, vanaa kaola lan-nda co kɔllo keelaa lecoo.

Esai 59:18

O mingulnin vana-vana mɛɛ o tosa dɛnndan yɛ. O mingulnin vanaa simul ndu-a kɔltuwvo, mò yɔngu yaamɔaa ndɔa ɲɛ nda bɛnda le sɔlaa-o. O salanin lɛŋii co o mɛnndan kɔngɔ-e mɛɛ dɛnnda ndalan la yɔŋnun yɛ.

Yeremi 25:14

Mì Babilɔnnda bɛɛ luɛi o ba masaa kpaayaa bɛngu a o ba vanaa-mangalaa-isɔɔa kpaayaa bɛngu. Mì sala nda mɛɛ dɛnnda ndalan la yɔŋnun yɛ, mɛɛ dɛnnda nda tosa a bala ndalan-ndan la co yɛ.»

Sakari 9:1

«Yoongu Mɛlɛka-o. Sɔɛi Mɛlɛka-e tiiya o lɛŋnde Hadrak len nin, i sim o kobio Damas coo. O co ko polama Israɛlla coo le Mɛlɛka nɔ hɔlten te, o nɔ vɛlɛ hɔlten vanndacieea kpow coo.