Yeremi 32:17 - BII BILA

¹⁷ «Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

Yeremi 32:17 Referans Kwoze

Luke 1:37

Kani ɲɛ-ɲɛ kindu a Hala le.»

Yeremi 32:27

«Ya Mɛlɛka, ya co Hala le ɲaa yoomaa kpow ni. Vɛ̀ɛ̀ dɛnɛ pum co, o kendu a ya-o?»

O Kandɔɔ 18:14

Yɛɛ nɛ kendu yɛ a Mɛlɛka? Tuma ya keinin o nɔm ndo ɲinasiaŋ-nde, Sara vialunin hɔ́ɔ́ piaandoo.»

SƐBƐ YƆB-O 42:2

«I sinà maa a tiwba mà tosa dɛnɛ súú-súù ka, maa ɲɛ-ɲɛ pala nɔm le tuula nɔmndan peeloo le.

Matie 19:26

Mí Yeesu tofa nda, mó dimul nda aa: «Vanndacieea nɔla ken tosa le, kɛ Hala ndu nɔla dɛnndan kpow tosaa.»

Fulaa 20:11

Kani o palɛi ndii ŋɔmpum bɛngu, mí Mɛlɛka cɔaw halataalaa, lɛŋnden, mɛmma ihɛllan a ɲɛm co lenin-ndon kpow, kɛ o paale ŋɔmmɛwndɔlen coo, mó pɛngi. Lelan ndu Mɛlɛka dɔw paale pɛngiaale len duaa ni mó dindi len.

Yeremi 27:5

Ya toosiaa lɛŋnden ni, vanndacieea a visia kɛ́-kɛ̀ co o lɛŋnden coo a kpaaya ni bɛndoo a á yoomuma nima bɛnduan. Vana ya yeema pɛ, i ke ndu len.

Luke 18:27

Mí Yeesu muli aa: «Dɛnɛ vanndacieea nɔla tosa loo, Hala ndu bumba kon tosa le.»

2Masaa 19:15

Mó piɛi Mɛlɛka aa: «Mɛlɛka, Hala Israɛlla, nɔm co icali mɛlɛkaa kanda ɲɛm Hala-on-nda tɛɛn-ndo, nɔm pilɛ kpé co Hala le masɛi kpow o lɛŋnden coo ni, nɔm soli halataala a lɛŋnden ni.

Esai 45:12

Ya cɔw lɛŋnden ni, ya pila cɔw vɛlɛ vanacieo lecoo ni, ya ni, bala nilan la tondu halataalaa ni, ya pila toosiaa kpaayala co lenin-ndan kpow ni.

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Condii lisai 102:25

O kon, mí yonda aa: «Éé Hala nuu, kialu palɛi nii yoomuɛi tɛɛn te, nɔm Hala fɛɛn-fɛɛndo!»

Yeremi 51:15

Mɛlɛka cɔw lɛŋnden a kpaaya ndɔɔ. O cɔw ceendo a taasi ndɔɔ. O tondu halataalaa a kɔlkalu ndɔɔ.

Nehemi 9:6

Nɔm pilɛ kpé co Mɛlɛka ni. Nɔm tosa halataala bɛndoo a loeon kpow ni, nɔm cɔw lɛŋnden a ɲɛm co lecoo-on kpow ni, mɛmma ihɛllan a ɲɛm co lenin-ndon kpow bɛɛ nɔm toosiaa ni. Nɔm yɔngu ɲɛm cɔwnun-ndon kpow yoomoo ni. Ɲɛm cɔwnun coocoo o halataala-on kpow n co vulan baŋɔɔ nɔm o labɛngunin.

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

Daniɛl 2:22

Ndu soli sɔɔn yingilɛiyon a sɔɔn viannanndon ceen ni, ndu sina ɲɛ co o ɲumndan nin-ndo ni, kani ɲɛ-ɲɛ co o viannan ndu o hɔl te.

Yeremi 51:19

Kɛ vana bɛndu Yakɔb-o co maa piɔmaa kan te. Ndu cɔw ɲɔɔn kpow-vo ni. Ndu nɔ polama Israɛlla ni. Diola ndɔlan aa Mɛlɛka-Nɔ-Kpaayaa-Kpow-vo.›»

Yeremi 1:6

Mí muli aa: «Éé! Maalii Hala, i cee sɔɛi le, kani cuaambɔɔ ya co ni.»

Yeremi 14:13

Mí muli aa: «Éé Maalii Hala! Vanaa-tɛɛngaa-diom Hala-a ndaa co nda dimullo aa: ‹Fɛɛn bɛɛ la sinanin ɲɛ co cɔwvo a yima fofolan-ndo le. Kɛ Hala kenin niaa kɔlɲulu kpeekpeiyo o fondaa ho.›»

Dɛnnda kiilaa 17:24

Hala cɔw lɛŋnden a ɲɛm co lenin-ndon kpow-vo, ndu co Vana bɛndoo o halataalaa a o lɛŋnden coo ni, o cel o cɛila-halala vanndacieea cɔw lan nin te.

Dɛnnda kiilaa 15:18

o cɔm vannda tuula ndɔlan kabi sindɛ-o pɛɛn.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Sakari 12:1

Sɔɛi Mɛlɛka dimi a Israɛlla o kɔɔ-e. Nuaa Mɛlɛka, o pɛngɛla halataala-o, o cɔw lɛŋnden mó cɔaw yoomu vanacieo-vo dimi ni aa:

Esai 44:24

Nuaa Mɛlɛka, o co vana baŋaa niaa-o, o toosiaa niaa kabi o volɔn niaa-o dimi ni aa: «Ya Mɛlɛka, i tosa ɲɔɔn kpow. Ya pilɛ kpé tondu halataalaa ni. Ya pilɛ kpé pɛngɛla lɛŋnden ni.

Esekiɛl 11:13

O kon, telen ya va diom Mɛlɛka kon tɛɛnguuo-o, mí Pelatia po Benaya-o vu. Le hee, mí (ya Esekiɛl) del lɛŋ o kuumbuan o kɔl coo, mí koŋul coocoo kpélén aa: «Éé Maalii Hala! Vɛ̀ɛ̀ a yeema ma cii Israɛlaa tɔ̀a lo yoomu-a diw?»

Esekiɛl 9:8

Tuma nda va vannda diwvo mí lo ya pilɛ kpé-o, mí del lɛŋ o kuumbuan o kɔl coo, mí koŋul aa: «Éé Maalii, Mɛlɛka! Vɛ̀ɛ̀ má tuisi kɔltuw nɔmndo Yerusalɛm coo, má siow Israɛlaa tɔ̀a lo yoomu-a diw kpede?»

Yeremi 4:10

Mí yonda aa: «Éé! Maalii Hala, a kei vannda ha a Yerusalɛmnda baa o mundu, má dimul nda aa la sɔlanin kɔlɲuloo, nduyɛ, cɛɛluuo tuŋ mɔɛi cɔwve co nda ni.»

Marke 10:27

Mí Yeesu tofa nda, mó dimi aa: «Vanndacieea nɔla ken tosa le, kɛ i co lende a Hala le, kani ɲɛ-ɲɛ kindu a ndu Hala le.»

2Masaa 3:18

Ken co ɲɛ-ɲɛ Mɛlɛka o hɔl te. O co vɛlɛ Moabua malɔɔ niaa o ba.

Condii lisai 136:12

A kpaayaa ndɔɔ a á yoomuma ndɔan o soli nda ni, kani kaola ndɔɔ nɔ lamɛɛlu le.

Esai 59:1

Ɛ-ɛ, Hala bumba vana ciindiaa le, nile ndɔlen bɛɛ le co lebaŋulɛi kpíŋ le kɛɔ tueyɔɔ le.

Yeremi 21:2

«Ɲuna Mɛlɛka le naa, kani Nebukanɛsar masaa Babilɔn co naa hinullo a cɔwvo, bɔɔle mì Mɛlɛka tosa dɛnɛ kaamaa le naa, mì Nebukanɛsar kalaa kɔɛ naa levil polon.»

Yeremi 33:3

‹Veelu ya, mì mulul nɔm, mì cɔm nɔm dɛnnda bɛndulan, dɛnnda viannanndan, la n sina le lan pɛɛn.›

Daniɛl 6:20

Idiiyo púŋ, mí masaa can a kiltan, mó kɔa o soon yàlàá sondoo.

Sakari 8:6

Ya Mɛlɛka-Nɔ-Kpaayaa-Kpow-vo co sɔɛi ni tuŋ. Te vanaa tɔ̀a lonin o vanaa kan tɛɛn-nda ce pɛ maa dɛnɛ kon nɔlanin tosanndo paale len te, bàà mì ya Mɛlɛka ce vɛlɛ maa o nɔlanin tosan te? Ya Mɛlɛka-Nɔ-Kpaayaa-Kpow-vo co sɔɛi ni.

Kundalan 11:23

Mí Mɛlɛka ɲuna ndu aa: «Mò va maa hiwvo ba Mɛlɛka-o hiw bingilen ni? Nɔm pila co cɔ sisa te sɔɛi nii co peelɔn, te i co peelɔn te.»