Yeremi 32:15 - BII BILA

¹⁵ Kani diom Mɛlɛka-Nɔ-Kpaayaa-Kpow-vo, o co Hala Israɛlla-o dimi-o co hoo ni maa vannda piandu vɔnin cɛilan, yondolan, a nakɔla n'rɛsɛnndan o lɛŋnden nden nin.»

Yeremi 32:15 Referans Kwoze

Sakari 3:10

Paale len, la veelannin vellaa-velle le calle a kɔlɲuloo o tumnda n'rɛsɛnndan a o voosoei bɛngu. Ya Mɛlɛka-Nɔ-Kpaayaa-Kpow-vo dimi lende ni.›»

Yeremi 30:18

O Mɛlɛka dimi-o co hoo ni aa: «I co niaa mingi o fonda niaa paandoo, niaa yungu Yakɔb-o, ɲííye vanin ya a calta ndalan, kobi kɛ́-kɛ̀ minginin tangulɔn o foofola ndɔlan coo, cɛila sɔvɛ-sɔvɛlan la muungunin o fondala ndalan.

Yeremi 32:37

I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.

Yeremi 31:24

O kon vanaa co yondolan nin-nda a vanaa co o kobila Yuda lan nin-nda, vanaa vàá a vanaa mandaa n'cɔlua a calnin latulu o lɛŋnde len nin.

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Yeremi 31:5

Má mingi nakɔla n'rɛsɛnndan soli o pembon Samari coo, o kon mì vanaa lanakɔa de lan tɔnɔ.

Esai 44:26

Kɛ mí peelu sɔɛi vana ni baalaa. Mí peelu sɔɔn kiila niaa dimi le yɔŋnɔnndo-on. I dimi a Yerusalɛm o kɔɔ ma vannda vanin icali lenin taw, mí dimi a kobilan o tàndá Yuda-o nin o kɔɔ maa la tangulunnin vɛlɛ. I minginin kpakila kobilan isisi.»

Yeremi 32:14

«Diom Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: ‹Cua Sɛbɛla leseilan ndan, sɛbɛ pondalen le co coo-o a o co o kumbia-o, mà vow lan o kpɛɛnɛi puuluei nin, haliko mi la viow lamandaa le lɔ́ɔ́ levil.

Esekiɛl 28:26

A calnunnin ndon nila ɲulu, a tangulnin cɛilan mà soli nakɔla n'rɛsɛnndan. Telen ya kialunin yaman vanaa balu nda, mà va nda pɛɛsaa kpow-va o, a calnin nila ɲulu o lɛŋnden nden nin. O kon a sinanin maa ya co Mɛlɛka ni, Hala ndaa pɛɛn.»

Yeremi 32:25

Kobio hoo co delɔɔ Babilɔnnda o ba, Maalii Hala, le yɛɛ nɛ n co yɛ ya niko dimullo aa ya piondu lɛŋnden a volion mì cua seiya?»