Yeremi 31:3 - BII BILA

³ Levil polon Mɛlɛka cɔmnun ya ni, mì dimul ndu aa: ‹I kaola nɔm le lɔ́ɔ́-lɔ́ɔ̀, lelan ya co nɔm canyɛi nii cɔm ni.›

Yeremi 31:3 Referans Kwoze

Condii lisai 103:17

Nduyɛ kabi sindɛ, háá le fɛɛn a fɛɛn vɛlɛ, Mɛlɛka vanin vanaa nɔ siòòŋii ndɔɛi-ya kaolaa. Taa bii pɛ kpema ndɔɔ, mà yiyan, mà bii silala ndɔlan. O tosalnin vɛlɛ cuavaa ndaa mamaa dɛnɛ sandaa.

Osee 11:4

O vanacieeyɛi nin ya va ndu nanɔɔ ni, o koalaa nin ya va kɔlan a ndu ni. Mí yɔŋnun le ndu mɛɛ kalacuaa cua hɔ́ɔ́ ndɔɔ nuaa mò yiiliaa hɔ́ɔ́ kon kúúvo nuaa yɛ. I va tundɔnndo le ndu ɲɛdiaa yɔngoo.

Tɔŋ miingua 33:3

A toɲa, a kaola vannda, vanaa diandaa kpow a co o ba nɔmndo bɛngu. Nda kpow a co nɔm o labɛngunin, má va pɛɛkula nɔmndan tueyɔɔ.

1Nsaŋ 4:19

Naa, n co ndu kaolaa, kani ndu fɔlɔn kaola naa ni.

2Timote 1:9

Ndu Hala ciindiaa naa ni, mó veelu naa veelu diandaa, haliko mi n va vanaa ndɔa, o co le dɛnnda naala kɛndɛlan te, kɛ le tùú ndu pila tuu, mó tosal naa kɛndɛi o Yeesu Krista nin kabi o tasendɔ-o.

Rɔmnda 8:30

Vanaa o toosiaa kan-nda, mó veelu vɛlɛ nda. A o veelu kan-nda, mó siinguu nda vanaa sandaa. A o siinguu kan vanaa sandaa-a, mó biilu vɛlɛ nda.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Malasi 1:2

Mɛlɛka dimul vanaa ndɔa aa: «I kaola niaa.» Kɛ mí la va ɲunaa aa: «Yɛɛ cɔm yɛ maa a kaola naa?» Mí Mɛlɛka muli aa: «Vɛ̀ɛ̀ o co Esau le co bɛndoo Yakɔb-o le?» Kɛ Yakɔb ya kaola ni,

Tɔŋ miingua 10:15

Kɛ nduyɛ, fuɲaa niaa mamaa daama Mɛlɛka ndóò holnun ni, nda ndóò kaola ni, niaa cuavaa ndaa imamaa kínɛí o hɛli o vanaa-mangalaa-isɔɔa kpow tɛɛn maa mɛɛ niaa co ndi hau cɔu yɛ ni.

1Piɛr 1:3

Balikaa co le Hala, o co Fuɲaa Maalii naa Yeesu Krista-o. O tuinun naa iɲíí, mí n muungu a kiyɛi o tendul Yeesu Krista tendul, mó fula vanvílɛ́iya tɛɛn le tiindan kpeekpeiyo sɔlaa-o,

Condii kɛndɛ-kɛndɛi 1:4

Nan ya nɔm kɔɔli mì n ɲaanun. Masa nuu, luei ya o cɛi nɔm lɔlaa nin, mì n kɔ mì n dɔwnun ɲaale naa ŋiɔn. N lisanin piilianndaan hiovɔɔ mɔiyan coo. A toɲa, cuavaa laandua kaola nɔmnda nɔ dí le nɔm kaolaa.

Osee 11:1

«Tuma Israɛl va maa poombɔ pɔmbɔ-o, mí kaola ndu, mí veelu ndu, ndu po nuu, le faŋanndo Esipte.

Tɔŋ miingua 33:26

Mí Moise dimi vɛlɛ aa: «Yesurun sei! Vana-vana siiman a Hala le. Ndu buli halataalaa ni le hunɔɔ niaa malaa. Ndu co o biilu ndɔɔ nin o yumbuyumboo nin ni.

Tɔŋ miingua 4:37

Kani ndóò kaola fuɲaa niaa mamaa, mó hɛli niaa cuavaa ndaa imamaa o nda kɔɔli. Lelan ndu pila soli niaa o lɛŋnde Esipte nin a kpaaya bɛndoo ni,

Nsaki 1:18

O velu naa a sɔɛi toɲɛi mɛɛ hɛnan ndɔɔ co yɛ, haliko mi n va vanaa tasea o ɲɛm o cɔw-von tɛɛn.

Rɔmnda 9:13

Maa mɛɛ i sɛvan yɛ aa: «I kaola Yakɔb, mí kɛɛ Esau.»

Condii lisai 25:6

Éé Mɛlɛka! Yiyan le ɲíí nɔmnde a le lo n lo o lediom coo-o, kani ɲíí ken a sakpoyɛi ken co nɔm o ba kabi lɔ́ɔ́-lɔ́ɔ̀.

1Masaa 10:9

Màá Mɛlɛka Hala nɔmndo sɔla biiloo le hɛli o hɛli nɔm, mó suili nɔm masaa Israɛlla coo-o! Kani le tùú Mɛlɛka kaola Israɛlla taw-vo o suili nɔm masaa le dɛnɛ sandaa tosaa a le yamɛi caa kiolɔɔ nda coo le fɛɛn a fɛɛn ni.»

Esai 43:4

Kani niaa, la kendu vɔngoo ya o hɔl, vanaa sɔvɛa niaa co ni, i kaola niaa taw. I co vanndacieea yoomaa yɔngu o fonda niaa, i co vanaa súúla celen yɔngoo le yoomu niaa baŋaa.

Esai 49:14

Vannda Siɔn va dimio aa: «Mɛlɛka mal naa, Maalii pɔɛɛnun naa pɔ́lì!»