Yeremi 31:1 - BII BILA

¹ Diom Mɛlɛka soo-o co hoo ni aa: «Paale vanin mì siŋnun Hala yungula Israɛlla kpow, mì nda siŋnun vanaa nia.»

Yeremi 31:1 Referans Kwoze

Yeremi 30:22

O kon la muungunin vanaa nia mì va Hala niaa.

Esai 41:10

Yɔŋ isiòòn te, kani i co nɔm ikɛi, mɛɛndian ɲalaku-ɲalaku a buulanndo le, kani ya co Hala nɔmndo ni. I lueinin nɔm yoomuan, i co nɔm mala, i malanin nɔm a ba ni kɛndɛ kpaaya bɛndoo.

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Yeremi 30:24

Kɔltuw bɛndu Mɛlɛka-o muungu le, mɛɛ mò tosa ɲɛ o bɛnda le tosaa-o kpede, ɲɛ va ndu o kɔl-lo pɛɛn. Paale vanin mì la bii ken bila.»

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

Hebreea 12:16

La caa taw! Màá vana-vana va niaa tɛɛn vana laasianndo mò kɛɛ ɲɛm Hala-on yii luɛyɔɔ maa Esau le, kani le ɲɛdiaa dio lepilɔɔ kpé, mó pisi fonda ndɔ ikaasonyaa.

Nsaŋ 20:17

Mí Yeesu dimul ndu aa: «Pilan ya le, kani i hel-lɔ o Pua lo le. Kɛ kɔ dimul puapilɛa nia aa i co helɔɔ o fuɲa nuu a fuɲa niaa lo, o Hala nuu a Hala niaa lo.»

Esekiɛl 39:22

Cuavaa Israɛlla sinanin o kon maa ya co Mɛlɛka ni, Hala ndaa pɛɛn. Kandɔɔ paale len háá le lɔ́ɔ́-lɔ́ɔ̀.

Esekiɛl 36:28

La calnin o lɛŋnde ya yɔngu (sindɛ) fuɲaa niaa mamaa len nin. La vanin vanaa nia, mì ya i va Hala niaa.

Esekiɛl 34:31

Niaa saa nia, niaa saa co o hòóla nilan nin-nda, vanndacieea niaa co ni, ya co Hala niaa ni. Ya Maalii, ya co Mɛlɛka-o soo nuaa ni.»

Esekiɛl 11:20

haliko mi la kela o silala nilan coo, mì la bii tɔŋnda nilan, mì la kela lecoo. O kon la vanin vanaa nia, mì ya i va Hala niaa.

Yeremi 50:4

Sɔɛi fula Mɛlɛka o sondo-e co hee ni aa: «O telen kon, Israɛlla a Yudaa cannin latulu, mà hin ya nuwviaa a caŋndan, ya Mɛlɛka Hala ndaa pɛɛn.

Yeremi 33:14

Mí Mɛlɛka dimi aa: «Paale vanin mì peelu sɔɔn dɛnɛ kɛndɛn ya dimi le cɛi Israɛlla a cɛi Yudaa-on.

Yeremi 33:7

I minginin vanaa ndáà bii Yuda-a, a ndáà bii Israɛl mí ndáà kɔa a nda o biyɔɔ nin-nda mɛɛ nda va o tasendɔ yɛ.

Yeremi 32:38

A muungunin mà siŋnun vanaa nia, mì ya i va Hala ndaa.

Yeremi 31:33

Mɛlɛka dimi aa: ‹Kpema va naa tɛɛn naa Israɛlla-o va hoo ni maa te palɛi ken hiow pɛ, i vownin tɔŋnda nilan nda nin mì sɛva vɛlɛ lan nda o lakɔl. I vanin Hala ndaa mì nda va vanaa nia.

Yeremi 30:10

Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»

Yeremi 30:3

Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Condii lisai 144:15

Duaa co le vanaa dɛnnda kɛndɛlan ndan la komalnin-nda! Duaa co le vanaa Mɛlɛka co Hala ndaa-a!

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

Tɔŋ lasálàá 26:12

I vanin kelaa niaa tɛɛn, i vanin Hala niaa, mì niaa va vanaa nia.

2Korɛntea 6:16

Ɔ́ɔ̀ bɛnda co Cɛi-Hala-o nda piɔmnda tɛɛn-ndo? Kani naa co Cɛi-Hala kiyɛiyo ni, maa mɛɛ Hala pila dimi yɛ aa: «I vanin niaa tɛɛn, mì kela niaa tɛɛn, i vanin Hala niaa mì niaa va cuavaa nia.»

Esai 20:6

O palɛi ken nin, vanaa vanin kan icali o lɛŋii co ken o mɛnndan kɔngɔ-e nin-nda a diminin aa: «La tofa vɔ mɛɛ ɲɛ naa n va kɔnganndo-o siŋnun yɛ! N va tiindanndo maa n sɔlanin malaa lon mi n vennun ndon, haliko mi n sɔla baŋaa masaa Asiri o ba! Vɛ̀ɛ̀ naa n nɔla yɛ lɛnin hiɔlɔnndo kpeekpei?»

Esekiɛl 39:25

Le hee, nuaa Maalii Hala dimi ni aa: «O laan nin, i minginin cuavaa-imamaa Yakɔk-a co o biyɔɔ nin-nda o nda lo. I tuinunnin cuavaa Israɛl-la kpow iɲíí, kani paŋalaa biinin ya le diola nila diandaalan.

2Samiɛl 7:24

Nɔm Mɛlɛka siinguu Israɛlla vanaa nɔmnda le fɛɛn a fɛɛn ni, nɔm siŋnun Hala ndaa ni.

Esekiɛl 34:24

Ya Mɛlɛka, ya vanin Hala ndaa ni, David vana baala nuu vanin simlacinɔɔ nda tɛɛn ni. Nduyɛ ya Mɛlɛka, ya soo lende ni.