Yeremi 30:8 - BII BILA

⁸ Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni aa: «Paale len, i yimiyiminin yɔm ndɔ lebol co nɔm o ikɛsu-o, mì kilikili yoei, o kon a ve lɛnin baala tosa le n'mial te.

Yeremi 30:8 Referans Kwoze

Esekiɛl 34:27

Yɔmii co yondoo nin-nde koamnin, lɛŋnden le lueinin ɲɛm vaanun lecoo-on kúlú taw. (Vanaa nia) vanin nila ɲulu o lɛŋnde ndalen nin. Nduyɛ, lɔ́ɔ́ ya yiminin kpòndò nda co bɛngu-o, mí baŋa nda vanaa nda co o ba o cɛlen nin-nda o ba-o, a sinanin maa ya co Mɛlɛka ni.

Nahum 1:13

O laan ndu, i co kpòndó co niaa o lebol-lo yomɔɔ, mì kili yɔlɔn nda baiyiaa niaa-on.›

Yeremi 27:2

«Ya Mɛlɛka co sɔɛi he dimio ni: toosiaa yoei a yɔmii lebolle, mà yiinun ndi o ikɛsu.

Esai 9:4

Bau samtala vana vownun o cɔwvo lan kpow, a volɔɔla cuɛinannda lekuubala lɔngɔlian a koovan-ndan, la viawnunnin o yinnden nin mì la ŋɔɛ selemenden.

Yeremi 28:10

O kon mí Hanania, vana-tɛɛngaa-diom Hala-o, faŋa sanga bɛndu va Yeremi coo-o, mó tɛɛmbuu ndu.

Yeremi 28:13

«Kɔ dimul Hanania aa: ‹Ɲɛ Mɛlɛka dimi-o co hoo ni aa: mɛɛ n yem yɔm lebol toosian a yɔmndo-o yɛ, a bɛnda ma mingi o icilin-ndo o fonda kon.›»

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Yeremi 25:14

Mì Babilɔnnda bɛɛ luɛi o ba masaa kpaayaa bɛngu a o ba vanaa-mangalaa-isɔɔa kpaayaa bɛngu. Mì sala nda mɛɛ dɛnnda ndalan la yɔŋnun yɛ, mɛɛ dɛnnda nda tosa a bala ndalan-ndan la co yɛ.»

Yeremi 2:20

Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.

Esai 14:25

I pesipesinin Asirinɔɔ o lɛŋnde nilen nin. I nɛwnin ndu a labɛngu o pembun nun coo. I faŋanin yɔm lebol ndóò handu nda o lebol-lo, a tuisinin volɔɔla lusulaala ndɔlan nda o lacongú.

Esai 10:27

Paale len, volɔɔla lusulaala ndɔlan la faŋannin niaa o congú, yɔm lebol ndɔɔ solinnin niaa o labolo. Yɔm lebol kon yominin le ɲɛm niaa sɔlanin taw-von.»

Yeremi 28:4

I co vɛlɛ Yekonia po Yehoyakim masaa Yuda-o a vanaa-vanaa ndáà bii Yuda, má kɔa a nda Babilɔn mingi nanu, kani i co sanga bɛndu co masaa Babilɔn coo-o faŋa.› »

Condii lisai 107:14

Mó soli nda o soon yingilaa nin, mó kilikili yɔlɔn ndan.

Esekiɛl 30:18

Lɔ́ɔ́ ya vanin yoomuma Esipte-an tɛɛmbuuo mì kpaaya ndɔ o va kuundianndo-o cuu-o, paalen le ɲumnin mí ɲɔɔ yɔŋnun yifidii o kobio Tapanɛs nin. Yumbuyumboo kumbunin kobi kon mɔku-mɔku, mì vanlaandua co lon-nda kɔɛ o biyɔɔ nin.

Esai 14:1

«Kɛ Mɛlɛka tuinun cuavaa Yakɔb-a iɲíí, o hɛlinin vɛlɛ cuavaa Israɛlla hɛli sɛnɛi, o minginin nda o lɛŋnde ndalen nin, mialla sɔɔnguunin nda coo, a holnunnin cuavaa Yakɔb-a.

Esai 14:3

«Te sangala niaalan a bɛpɛla niaa cuu pɛ, te cɛle kàlà-kálàle nda tuisi niaa coo len le cuu pɛ, lɔ́ɔ́ Mɛlɛka kenin niaa pɛngio-o,