Yeremi 30:5 - BII BILA

⁵ O Mɛlɛka dimi-o co hoo ni aa: «N co ivóólun-vóólunnde tueyɔɔ. Siòònde ni, o co dɛnɛ kɔlɲulu le.

Yeremi 30:5 Referans Kwoze

Amɔs 8:10

I mangalanin kafola niaalan dɛnnda palaalan, mì mangala condun niaan caŋndan. I tosanin mì vannda kpow a yiwnun volɔɔla biisilan o caŋ, mì vannda kpow a sendin tembeltan. I tuisin lɛŋnden dɛnɛ palaa coo mì ɲɔɔ siŋnun maa biisi pole pilɛ. Kon kpow mɛɛlunnin maa paale sanga bɛndu.

Esai 5:30

Lende o pɛɛliaanin a nda paale len ni mɛɛ mɛmma ihɛllan ma kuŋ nuaa yɛ. Vana tofa pɛ lɛŋnden paale len, ɲumndan a sangaa daama vana canin lecoo ni. Ɲɛ-tengaa kumbunnin mɔku-mɔku a kumii bɛnduei.»

Yeremi 46:5

Yɛɛ ya co yɛ cɔu ho nuaa? Siòònde bii nda, a co muungoo a makɔɔ. A nɔla vanpiaandua dialun fulaa, a sɔɔndian a kiltan, vana-vana co tofan kɔɔli le. Kɔltan la laasian nda nin kpow. Sɔɛi fula Mɛlɛka o sondo-e co ken ni.

Yeremi 25:36

I co nda tueyɔɔ koŋullo, cɛɛŋɔn simlacia n'cɔlua del-la o lani, kani Mɛlɛka cii diola cɔlua laasiaa.

Yeremi 9:19

Lelan niaa vanlaandua, la yaŋ nilan o diom Mɛlɛka-o, mì nila niaalan la tuei sɔɔn co ndu fulaa o sondo-on. La pɛɛku cuavaa niaa laandua caŋ biisio, la pɛɛkuan caŋ kalaa vellaa-velle aa:

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Esai 59:11

Naa kpede n co kuŋndan maa n'sofɛlɛ, caŋndo naa tuŋ-tuŋ maa n'poonpoon. N va yamɛi sandɛi kɔl, kɛ ɲɛ-ɲɛ bɛɛ! N va cindaa cumndo, kɛ o co naa bɔɔ levil polon.

Yeremi 8:16

Vana tuɛi soa ndɔa diom cɔnɔnndo Dan dí, lɛŋnden kpow le co ɲiiyaa a caŋ nda co-o. A co hunɔɔ le lɛŋnden a ɲɛm co lenin-ndon tɛɛmbuuo, le kobio a vanaa co lenin-nda tɛɛmbuuo.»

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Yeremi 30:4

Sɔɔn Mɛlɛka dimi le Israɛl a le Yuda-on co mun ni.

Yeremi 6:22

O Mɛlɛka dimi-o co hoo ni aa: «Vannda co fulaa o lɛŋnde co a ba luaŋ-ndo len nin. Vannda kunda bɛndoo co hunɔɔ cɔnɔnndo o lɛŋnden mɛɛlulan.

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Habakuk 1:6

I co vannda vomɔɔ fulaa Babilɔn, kani nda nɔ iɲíí le, a nɛi vɛlɛ kɔl fula le. A kei kan vannda delɔɔ coo, mà poondiaa ɲɛm ndan-nda pɛɛn.

Habakuk 1:10

Nda mam masaa ni, a luei simlacia yii le. Kpakio co ɲɛ-ɲɛ nda o hɔl te, a heelu pɛ puuloo bémbé bɛndoo, a cica lekɔɔli le kobila lan biyɔɔ.