Biblia Todo Logo
Bib sou entènèt

- Piblisite -




Yeremi 30:3 - BII BILA

3 Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Gade chapit la Kopi




Yeremi 30:3
45 Referans Kwoze  

O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.


Kɛ aa: ‹Le Mɛlɛka yoomaa, o soli Israɛlla o lɛŋnde co a ba luaŋ-ndo len nin a o lɛŋii tɔ̀ɛi ndóò tow nda nin-nde nin-ndo!› Kani i co nda mingi o lɛŋnde ndale yáà yɔngu fuɲaa ndaa mamaa len nin.»


Lɔ́ɔ́ ya minginin niaa o lɛŋnde Israɛl-ten nin-ndo, lɛŋnde ya heelu baa coocoo mí mɛnan le fuɲaa niaa mamaa yɔngoo len, la sinanin maa ya co Mɛlɛka ni.


O Mɛlɛka dimi-o co hoo ni aa: «I co niaa mingi o fonda niaa paandoo, niaa yungu Yakɔb-o, ɲííye vanin ya a calta ndalan, kobi kɛ́-kɛ̀ minginin tangulɔn o foofola ndɔlan coo, cɛila sɔvɛ-sɔvɛlan la muungunin o fondala ndalan.


O telen kon, i minginin niaa nanu. A toɲa, i minginin niaa nanu mì siinguu niaa vanaa tɔ́ɔ́ bɛndu-a a vanaa bɛndua o vanaa súúla celeŋaa co o lɛŋnden coo-a kpow tɛɛn. I tosanin kon tuma ya mangalanin dɛnɛ niaa niaa pila o hɔl-lo. Dion ya Mɛlɛka soo-o co kon ni.»


La ca ko aa mì kɛɛ poaa Yakɔb-a a poaa David vana ni baala-a? Vɛ̀ɛ̀ i kɛɛnin le simlacia simnin cuavaa Abraham-nda, a Isaak-a a cuavaa Yakɔb-a laci-a hɛlio o poaa ndaa tɛɛn? Kɛì-kɛì bɛɛ! Kani ɲííye co ya a nda, i minginin vanaa ndaa nda kɔɛ o biyɔɔ nin-nda o nda lo.»


A toɲa, vannda muungunin mà pendu yondolan a volion o tàndá Bɛnyamɛn-ndo nin a o Yerusalɛm balɔɔ, o kobila Yuda lan nin, o kobila co o pembon coo lan nin, o kobila co o dɛngbɔɔ nin-ndan a o kobila co o tàndàá Nekɛv nin-ndan nin, mà toosiaa sɛbɛla leseilan, mà hol pondan lecoo, mà sɔla seiya. Kani i minginin nda mɛɛ nda va paandu yɛ.» Sɔɛi fula Mɛlɛka o sondo-e co ken ni.


Kɛ sɔvun Hala ce o vanaa ndɔa lo-on co mun ni, mó dimi aa: «Mɛlɛka dimi aa: Paale vanin, mì yii kpema sɛnɛiyo a vannda Israɛl a á haa Yuda.


«O kon kɔɔli, i tuisinin Kɔl nuu vanndacieea kpow coo: poaa niaa a cuavaa niaa laandua tɛɛnguunin diom Hala-o. Kaasoŋaa yuuvɛyaa niaa sɔlnin lɔan, felengia niaa canin vunduan.


I faŋanin niaa vanaa-mangalaa-isɔɔa tɛɛn, mì soli niaa o lɛŋnden kpow nin, mì mingi niaa cuungiaa o lɛŋnde niaalen nin.


A ɲiiyanin a siòònde, nda vanaa siòòŋii ndíì bii kan te-a. Kani Hala saŋnin paala vanaa co yungu ndɔɔ saangiaa-a. Siɛmbulan la toalnin nda, kani Hala kɛɛ nda.


«Paale vanin, powvo pilɛ bɛɛ lonin o powvo coo o ɲɛ-ɲɛ niaa co hoo cɔu-vo nin te, la co hunɔɔ koombiaa kpow.»


Palɛi dɛnɛ palɛi co niaa laci, yaamɔaa niaa co niaa hinul, mà tiila niaa, mà luei niaa o píŋndo nin, mà balu niaa nɛɛ-nɛɛ ka.


O kon, mó dimul kaandeŋaa ndɔa aa: «Telen pum co hunɔɔ tiiya, la yeemanin le Po vanacieo cɔu paale pilɛ, kɛ la cinin paale len te.


La bɛnda mì la loo len, mì le va kɛ́ niaa, mì la piɔw len, mì vana-vana sɔla kpen-kpen vellaa-velle, maa mɛɛ ya heelu baa mì mɛnan le fuɲaa niaa mamaa lɛŋnde kalalen yɔngoo yɛ. A toɲa la loonin lɛŋnden nden mì le siŋnun kɛ́ niaa.


I co nda mɔɔsiaa fulaa o lɛŋii yáà puusiaa nda mí toaw nda a kɔltuwvo, a yolɛi a o kɔl ni fulaa nin-nde nin, mì mingi nda o fondaa ho, mì hun kɛsi nda lon nila ɲulu.


Sɔɛi fula Mɛlɛka o sondo-e co hee ni aa: «Ɲɔɔ bendu lɛ le, mì kobio mingi tangulɔn cɔnɔnndo o cɛi coocoo Hananeɛl-lo, kɔ bii o dio sɔngio.


Mɛlɛka dimi aa: ‹Paale vanin mì yii kpema sɛnɛiyo a vannda Israɛl a á Yudaa.› Sɔɛi fula Mɛlɛka o sondo-e co ken ni.


Mɛlɛka dimi aa: «Nanu a telen bingi, i tosanin mì vanndacieea a cɔlua tiw Israɛl a Yuda mɛɛ vana saŋ yɛiye o ciɛi nin nuaa yɛ.


Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»


‹A kɔanin a mun Babilɔn, mì n lo lon háá telen ya cuanin sɔɛi ndɔɛi-yo, mì cua mun, mì mingi mun o fondaa ho.› » Sɔɛi fula Mɛlɛka o sondo-e co ken ni.


Kɛ vanaa cɛlnin mà tosal masaa Babilɔn baala o baŋnin nda tosaa-o-a, i kenin nda pɛngio o lɛŋnde ndalen nin, haliko ma va vàá, mà cal lon. Sɔɛi fula Mɛlɛka o sondo-e co ken ni.»


Mɛlɛka dimi aa: «Paale co hunɔɔ, mì tosa mì hɔ́ɔ́ velun o polale David len nin, masa kɛndɛ kɔlkaloo o vanin ni. O tosanin masalen o lɛŋnden nin o sakpoyɛi a o sandei nin.


O vanaa-solia-lasálàá tɛɛn, o leviia tɛɛn a o vanaa va bolii lapangɛi-ya tɛɛn, mí vanáà nɔ nin vɔsilan taw-va, áà ce cɛi biilaa tase Hala-o-a va caŋndo fúkpàà-fùkpàà le telen nda va Cɛi-Hala diinndɔ kon kilaa nda o hɔl-lo. Telen nda va kon caŋndo-o, vanaa tɔ̀a taw nda va yondiaalan a kɔlkɛndɛ bɛndu-bɛndoo a kponyoo.


Vɔsi diinndɔɔ o muungu vanaa va o biyɔɔ nin-nda muungu Yerusalɛm o Cɛi-Hala-o nin-ndo kɔɔli, o paangii diinndɔɛi nin o vɔsi kon nin, mí Sorobabɛl po Sealtiɛl-lo nda Yosue po Yosadak-o kandu baalaa nda puapilɛa ndaa vanaa-solia-lasálàá, leviia a vanaa fula o biyɔɔ nin má muungu Yerusalɛm-nda kpow latulu. Leviia, áà nɔ vɔsilan bidiin a ɲɛ lecoo-a, nda va vanáà bɛnda le simndan baala Cɛi-Mɛlɛka-o laci-a ni.


Mɛɛ paangii ŋɔmmɛwndɔɛi tiiya, Israɛlla va icali o kobila ndalan nin, mí nda kpow a cuungian Yerusalɛm.


Mɛlɛka Hala niaa tuinunnin niaa iɲíí. O solinin niaa nɛɛ niaa vanin a sɛŋiannda o cɛlen nin vanaa-mangalaa-isɔɔa tɛɛn-nda, mò mingi niaa o niaa lo.


O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «Telen ya minginin tàndá Yuda-o a kobila ndɔlan maa paandu-o, vannda diminin vɛlɛ aa: ‹Màá Mɛlɛka dɔw nɔm duaa, calta dɛnɛ sandaa, pembii diandɛi!›


O minginin niaa o lɛŋnde fuɲaa niaa mamaa ndáà nɔ len nin, mì la hɛlu len vɛlɛ. O tosalnin niaa dɛnɛ kɛndɔɔ, mò vangala niaa hiovɔɔ fuɲaa niaa mamaa coo.


O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»


O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»


Sɔɔn Mɛlɛka dimi le Israɛl a le Yuda-on co mun ni.


Kɛ ɲɛ Mɛlɛka dimul ndu-o co hoo ni aa: «Mei caŋndo mà vɔɔsuu mɛmɛan, kani i kenin nɔm sala sanga nɔmndo, cuavaa nɔmnda fulanin o lɛŋii yaamɔaa ndaa nin mà muungu.» Sɔɛi fula Mɛlɛka o sondo-e co ken ni.


Mí Yeremi ndóò sɛva dɛnnda palaala kɛ́-kɛ̀ va hunɔɔ tolɔɔ Babilɔnnda coo, a sɔɔn kɛ́-kɛ̀ dimin mun a Babilɔn o kɔɔ o sɛbɔɔ pum nin.


Mɛlɛka, mangala dɛnɛ naa va o biyɔɔ nin-nda mɛɛ n mingi peelan o lɛŋnde veselɛilen nin-nde.


I solinin nda vanaa súúla celennda tɛɛn, mì soli nda o lɛŋnde nin, mì mɔɔsiaa nda, mì mingi nda o lɛŋnde ndalen nin. I dɔawnin nda balo o pembon Israɛl coo, o peelan kɔngɔ a o fondala vana nɔla calle nin o lɛŋnden nin-ndan nin.


Vanaa lonin yoomu o polale Yuda len ninnd-a, nda nɔnin tándàla lan ni. Lon nda vanin cɔlua ndaa yɔɔ diólan ni. Icɔl, a vanin pɛngio o cɛilan nin Askelɔn, kani Mɛlɛka Hala ndaa yiyannin nda coo, mò mangala dɛnɛ ndaa hɔlaa celen.»


Swiv nou:

Piblisite


Piblisite