Yeremi 30:21 - BII BILA

²¹ O nda pila tɛɛn simlacinɔ ndaa fulanin ni. Vana pilɛ o nda tɛɛn vanin nda bollen ni. I cɛlnin mò sɔɔnguu ya ikɛi, kani te o co mì cɛl vana le, nɛ̀ɛ́ tɔɔndan yɛ yoomu ndɔɔ pisio le ya sɔɔnguuo ikɛi? Mɛlɛka dimi lende ni.

Yeremi 30:21 Referans Kwoze

Kundalan 16:5

O kon, mó dimul Kore a vanaa o hin-nda aa: «Siɔdii, Mɛlɛka co naa vana co vana ndɔɔ-o cɔm, o co naa vana co o diandaa le simndan ndu o hɔl-lo cɔm. O sɔɔngunnin vana o hɛlinin-ndo ndu ikɛi.

Esekiɛl 37:24

David vana ni baala vanin masa ndaa ni. Nduyɛ nda kpede, vana manda n'saa ndu pilɛ nda nɔnin ni. A kelanin o pɛɛkula nilan coo, mà bii silala nilan, mà tosa mɛɛ la dimi yɛ.

Dɛnnda kiilaa 5:31

Mó heelun ndu ikɛi, mó kɔ kɛsin ndu o ba ndɔ kɛndɔɔ coo, mó siinguu ndu Masaa a Vana Ciindiaa, haliko mi Israɛlla mal yɔŋ vɔɔndo, mà mangalan, mì hakila ndalan la malnun haki.

1Nsaŋ 2:2

Kani ndu pila solin sálà le hakila naalan faŋaa ni. O co ka le la naalan te, kɛ le la ceendo kpede.

Yeremi 30:9

Ya Mɛlɛka Hala ndaa, a David masa ya kenin nda-o nda tosalnin baalaa ni.

2Samiɛl 7:13

Ndu tangulnin cɛiyo le ya ni. I kɛsinin ndu o kpɛŋɛ lemasaa coo a kɔlɲuloo le lɔ́ɔ́-lɔ́ɔ̀.

Tɔŋ miingua 33:5

Mí masaa cal Yesurun telen bolii lapangɛi Israɛlla cuungian nda polama Israɛlla-o.

Tɔŋ miingua 18:18

I co nda vana-tɛɛngaa-diom Hala-o solul o puapilɛa ndaa tɛɛn maa nɔm Moise. I vownin sɔɔn nun ndu o sondo, mò tɛɛngul nda ɲɛ-ɲɛ ya dimulnin ndu le tosaa.

O Kandɔɔ 49:10

Tinda lemasaa feŋannin Yuda o ba le. Tinda kon lonin o polale ndɔlen coo háá mì vana nɔ tinda kon kpeekpei-yo hin. Vana vanaa-mangalaa-isɔɔa kpow vanin bɛɛlen keo-vo pɛɛn.

Dɛnnda cɔɔmuanndan 19:16

Diolan lapum la va lasɛvaalan ndu o doma bɛndoo coo a ndu o lɔloo coo aa: «Masa hiow masaa-o a Vana bɛndu hiow vanaa bɛndua-o.»

Matie 27:37

Má baŋ sɛvaa pum ndu o bollen coo, le cɔmndo kɔlɔ nda dii ndu-o aa: «Yeesu co hoo ni, masa Yuifia.»

Matie 3:17

Mí diomndo fula o halataala aa: «Po ni ya kaola taw-vo co hoo ni, o ya hɛli a kɔl nuu kpow-vo.»

Matie 2:2

má ɲuna aa: «Kuɛɛ masa Yuifia co yɛ, o langa volun-ndo pɛɛn? Kani n lo a ba paalen le can-ndo, mí n ca loei ndɔɛi. Le ndu biiloo naa n hin ni.»

Yeremi 50:44

I vanin maa yàlá co fulaa o bɔɔ nin, o peo Yudɛn kɔngɔ, le kɔlan o hèéo-o. I co vannda piɔlɔɔ o lepilɔɔ sunsun, o kon mì suili masa ya yeema-o Babilɔn. Kani nɛ̀ɛ́ co yɛ maa ya? Nɛ̀ɛ́ tɔɔndan yɛ mò ɲuna ya konaa? Ɔ́ɔ̀ vana mandaa n'cɔlu nɔla ya simullo-o?

Yeremi 49:19

I vanin maa yàlá co fulaa o bɔɔ nin o peo Yurdɛn kɔngɔ le luɛyɔɔ o hèéo nin-ndo. I tosanin mì vana-vana piɔl o lepilɔɔ. O kon kɔɔli mí handu masa ya yeema-o Edɔm. Kani ɔ́ɔ̀ vana co maa ya-o? Nɛ̀ɛ́ ya downun yɛnin kona? Ɔ́ɔ̀ simlacinɔ nɔla ya simullo-o?

O Kandɔɔ 18:27

Mí Abraham dimi aa: «Ya co hoo maa cundu a lapul-lo, i suukan a Maalii nuu.

Hebreea 1:3

Po kon co ɲɛ-tengaa biilu Hala-o ni, ndu co vundule Hala len ni. Kpaaya fula o sɔɛi ndɔɛi nin-ndo co ceendo mandaa ni. Ndóò ciiyo vanndacieea dindio le hakila ndalan, mó hel o halataala, o co Hala vana kpaayaa kpow icali o ba kɛndɔɔ coo.

Rɔmnda 8:34

Nɛ̀ɛ́ co yɛ vana yaala vana-o? Yeesu Krista vi, hiovɔɔ o kon coo, mó tendul, o co icali Hala o ba kɛndɔɔ coo mo va piɛilen le naa.

Luke 24:26

Mɛɛ mì Krista ndóò sanga o dɛnnda lan nin kpow lende lɔ́ɔ́ pá mì ndóò luɛi o biilu ndɔɔ nin.»

Yeremi 33:15

Telen kon hun tiiya pɛ, i solulnin David lɛvii dɛnɛ sandɛi. Lɛvii ken tosanin dɛnɛ sandaa a dɛnɛ peelanndo o lɛŋnden nin.

Esai 63:1

Nɛ̀ɛ́-nɛ̀ co yɛ hoo cɔnɔnndo o lɛŋnde Edɔm-nden nin mò va hunɔɔ? O co hoo cɔnɔnndo o kobio Bɔsra nin, mì sɔŋnda siaŋalan la va o volɔɔla ndɔlan-ndo? Vana kalaa co hunɔɔ a volɔɔla sɔvɛlan lekɔɔ, o co hunɔɔ a hɔlaa heelaa, a kpaaya ndɔɔ o piaa ndu o n'dial ca. Ya Maalii co sɔɛi a sandei ni, ya nɔ kpaayaa le (niaa) ciindiaa-o ni.

Condii lisai 89:29

Kɛndɛi nii vanin ndu coo le fɛɛn a fɛɛn, kpema co naa tɛɛn-ndo tembunin te.

Nehemi 7:2

Mí suili Hanani puapilɛ ni nda Hanania le hɔlten nɔu Yerusalɛm coo. Hanania kon va simlacinɔ cɛi vanaa cɔwva ni, Vana lo o lediom coo-o o va ni, ndóò nɔ siòòŋii Hala-e hiovɔɔ vanaa bɔɔ-bɔɔ coo.

Ɛsdras 2:2

Vanaa sim nda laci o muungu kon nin-nda yɔŋnun haa ni: Sorobabɛl, Yosue, Nehemi, Seraya, Reelaya, Mardosee, Bilsan, Mispar, Bikvai, Rehum a Baana. Mɛɛ vanpiaandua va sɛ́lɔ́ɔ́ o cuavaa Israɛlla tɛɛn yɛ va hoo ni:

O Kandɔɔ 18:32

Mí Abraham dimi vɛlɛ aa: «A yandi, tuulu kɔl te Maalii. Mɛi-yɔ mì ɲuna nihau ɲuna mɛɛlaa. Bɔɔle vanaa sandaa tɔ́ kínɛí co lon ni.» Mí Mɛlɛka mulul ndu aa: «Te i saalun pɛ vanaa sandaa tɔ́ lon, i tɛɛmbuunin Sodɔm te.»

O Kandɔɔ 18:30

Mí Abraham dimi aa: «Maalii, tambu kɔl le ɲuna ya co hunɔɔ cɔɔlu-o le. Bɔɔle mì vanaa sandaa va n'van beleyaa kínɛí. A nda kpow, mà tɛɛmbuu kobio?» Mí Mɛlɛka dimul ndu aa: «Te i saalun pɛ vanaa sandaa beleyaa, i tɛɛmbuunin kobio le.»

Fulaa 3:5

Mó dimul ndu aa: «Tiiya nanu le, soli samtala co nɔm o n'pelu lan. Kani fonda n sim hoo coo-o, fonda diandaa o co ni.»

Tɔŋ miingua 17:15

la nɔla mì la suili masa Mɛlɛka Hala niaa hɛlinin-ndo. Kɛ puapilɛ niaa Israɛlnɔɔ o pilɛ niaa suilinin le masalen tosaa niaa coo ni, la cua miallo mi la siinguu ndu masaa niaa coo le.

Condii lisai 65:4

Tɛɛmbuula nilan la lusul bɔɔ, kɛ nɔm, a malnin naa haki.