Yeremi 30:19 - BII BILA

¹⁹ Vana lonin kɔɔlikɔɔli mà tuei nda condon a yoondiaala kɔlkɛndɛ lan. I kuinin nda taw, a dɔɔnannin te, i siinguunin nda vanaa sɔvɛa, vana kilunnin nda yii le.

Yeremi 30:19 Referans Kwoze

Yeremi 33:22

Vana nɔla loeon co o halataala-on cɔm te, vana nɔla vɛlɛ sióóŋun co o mɛmma ihɛllan kɔngɔ-on cɔm te. Kani n co bɔɔ sɛ́lɛ́. Lende ya kuinin cuavaa-imamaa David-a a cuavaa-imamaa Levii-a ni, vanaa-solia-lasálàà niaa pɛɛn.

Esai 51:11

A toɲa, vanaa sɔla malɔɔ-a muungunin, a muungunin Siɔn a kponyoo a kɔlkɛndɔɔ. Kɔlkɛndɛ fɛɛn-fɛɛndo vanin nda coo, ɲaaloo a ɲɛ hɛnanndo hunnin sumialii nda. Kɔl tambɛiyo a somisominndan la kɔanin nda polon.

Esai 60:22

O pɔmbɔ-pɔmbɔɔ kuinin háá mo tiiya vaa-pilɛ, o hiow dɔɔnanndo-o siŋnunnin vanaa-mangalaa-isɔaa kpaayaa. Ya Mɛlɛka, i tosanin dɛnnda lan cɔ́-cɔ́ a telennda ndalan.

Esai 35:10

A toɲa, vanaa Mɛlɛka baŋanin-nda muungunin, a kɔanin Siɔn a condon a á kponyoo, kɔlkɛndɛ fɛɛn-fɛɛndo vanin o kuumbuan nda o lebol vofu, ɲaaloo a kɔlkɛndɔɔ sɔɔnguunin nda ikɛi mo va le nda, dɛnɛ palaa a somisominndan la faŋannin nda coo.

Esekiɛl 36:37

Nuaa Maalii Hala dimi ni aa: «I cɛlnin vɛlɛ mì cuavaa Israɛlla piɛi ya le nda dɛnɛ kɛndɔɔ tosallo. I vangalanin vanndacieea ndaa maa kunda n'cɔlu.

Sakari 10:8

I veelunin nda a hùíyé hɔŋndo, mì cuungiaa nda nɛɛ pilɛ. Kani i cii nda baŋa, a vangalanin vɛlɛ ma va sɛ́lɛ́ mɛɛ ndáà va paandu sɛ́lɛ́ yɛ.

Yeremi 31:4

I minginin nɔm tangul, nɔm cuanndo Israɛl, a muungunin ma cua dundula nɔmndan, mì la sim niaa vanaa kponyoa latulu.

Sakari 12:8

O palɛi ken nin, Mɛlɛka kandanin vanaa nɔ mayoomu le-a vanaa vanin icali Yerusalɛm-nda tɛɛn. Nda vanin ɲinkon maa David. Polale David len le vanin ɲinkon nda o hɔl maa Hala pila, maa mɛlɛkanɔ Hala-o.»

Sakari 8:19

‹Nuaa Mɛlɛka-Nɔ-Kpaayaa-Kpow-vo dimi ni aa: ‹Sum paangii hiɔɔlundɔɛi, sum paangii ŋuɛɛnundɔɛi, sum paangii ŋɔmmɛwndɔɛi a sum paangii tɔ́ndɔɛi siŋnunnin palɛi kɔlkɛndɛi, palɛi ɲaalei a palɛi kafoei le polale Yuda len. Lelan, la kaola toɲaa a kɔlɲuloo!

Esekiɛl 37:26

I yiinin kpema kɔlɲuloo naa ndaa tɛɛn. Kpema fɛɛn-fɛɛndo vanin naa tɛɛn naa ndaa. I minginin nda kɛsi lon mì vangala nda mà kui taw. I minginin cɛi-kola-toandaa diandaa nda tɛɛn le lɔ́ɔ́-lɔ́ɔ̀.

Esai 12:1

«La diminin paale len aa: ‹Éé Mɛlɛka! I co nɔm lisaa. Kani nɔm óò tuulu kɔl a ya, kɛ kɔl nɔm tuwvo ɲulul, má ɲɔɔlu ya.

Nehemi 8:12

O kon mí vannda kpow a muungu o la nda lo le ɲɛdiaa dioo a kolɔɔ, má ke vanaa nɔ ɲɛ le-a ɲɛdiaa, má dɔawnun ɲaale taw-taw. Má bii diom dimulun nda-o bila.

Ɛsdras 6:22

O kon kɔɔli, má tosa kafo bulu toosian a lɛvɛn too a kɔlkɛndɔɔ o palɛi ndii ŋɔmmɛw bɛngu. Kani mí Mɛlɛka nɛŋi nda kɔl, mó tosa mí masaa Asiri ca nda ɲia, mó luei nda yoomuan o vali tangulaa Cɛi-Hala Israɛlla nin.

1Piɛr 1:7

Laalan niaa nɔ yɛ o Yeesu nin-ndo, ndu hiow baa kaloo a sianion. Lelan, le sinaa te la nɔ pɛ laalanndo o Yeesu nin lekɛ́ndɛi, mɛɛ mì sɔɔn dɛnɛ palaan kei niaa coo. O kon, paale Yeesu Krista cɔmnunnin-nden le tiiya pɛ, la sɔlanin candɔɔ, biiloo a bɛɛlen.

Esai 60:19

O ve lɛnin paalen te le ke lɛnin nɔm ɲɛ-tengaa ipala le, o ve lɛnin vɛlɛ paangei le i ke lɛnin nɔm pangeloo icɔl te, kɛ Mɛlɛka pila vanin ɲɛ-tengaa fɛɛn-fɛɛndo le nɔm ni, Hala nɔmndo vanin ɲɛ vavon nɔmndo ni.

Esai 52:9

Lelan, niaa bémbélan Yerusalɛm, la vɔnga latulu mì la viow kponyoo a kɔlkɛndɔɔ! Kani Mɛlɛka co vanaa ndɔa ɲɔɔloo, o co Yerusalɛm baŋaa.

Sakari 2:4

Mí ɲuna aa: ‹Yɛɛ nɛ nda nda co yɛ hunɔɔ tosa?› Mó mulul-la aa: ‹Sumnda ha hin le vanaa-mangalaa-isɔaa kundu tàndá Yuda-o a leela ndalan, mà puusiaa vanndacieea-a vueinɔnndo a le leela ndala lan yimio ni.›

Yeremi 31:27

Mɛlɛka dimi aa: «Nanu a telen bingi, i tosanin mì vanndacieea a cɔlua tiw Israɛl a Yuda mɛɛ vana saŋ yɛiye o ciɛi nin nuaa yɛ.

Esai 51:3

Nuaa Mɛlɛka co Siɔn ɲɔɔloo ni, o co ndu ɲɔɔloo le tambii ndɔɛi kpow, o siinguunin lɛŋnde veselɛile ndɔlen maa Edɛn, o minginin dɛɛla vesɛi ndɔɔ maa nakɔ ndu Mɛlɛka-o. Ɲaaloo a kɔlkɛndɔɔ vanin lenin, lisaa a diom ɲɛ-caa vanin tueinɔnndo lon.

Esai 27:6

O siɔdii lacio nin, polale Yakɔb len le vulnin puundon, cuavaa Israɛlla solinin yandɔɔlan mì pei lendei fula lon, o kon, a peinin ceendo a yɛyii ndɛi.

Condii lisai 53:6

A ɲiiyanin a siòònde, nda vanaa siòòŋii ndíì bii kan te-a. Kani Hala saŋnin paala vanaa co yungu ndɔɔ saangiaa-a. Siɛmbulan la toalnin nda, kani Hala kɛɛ nda.

Nehemi 8:17

Mí vanaa fula kan o cɛlen nin-nda kpow a tangul kùùlan, má cal lenin. Mí kon yɔŋnun dɛnɛ ɲaale bɛndoo, bau kabi o paale Yosue po Nun-ndo len Israɛlla ndáà mɛɛlu kafo kon tosa ni.

Nsaŋ 17:22

Ya yɛ, i cii nda biilu n yɔngu ya-o yɔngu, haliko ma va ɲɛ pilɛ maa mɛɛ naa n co ɲɛ pilɛ naa ŋiɔn yɛ.

Esai 60:9

Kani lɛŋii co o mɛnndan kɔngɔ-e i tiindan ya. Dɛ̀ndɛ̀la mamɛnndan Tarsis la sim laci le hunɔɔ a poaa nɔmnda cɔnɔnndo nɛɛ levil a volin a á sianin ndan. Kon kpow le diola Mɛlɛka Hala nɔmndo lan, O-Diandaa Israɛlla pɛɛn, o co nɔm salamayɛi yɔngoo-o.

Esai 55:5

Tofa vɔ: a veelunin vanaa-mangalaa-isɔɔa n sina le-a. Vanaa-mangalaa-isɔɔa sina nɔm te-a hunnin o nɔm ndo a kiltan bilika-bilika, le Mɛlɛka, Hala nɔmndo, O-Diandaa Israɛlla pɛɛn, o co nɔm bɛɛlen yɔngoo-o.

Yeremi 17:26

Vannda vanin fulaa o kobilan Yuda a o Yerusalɛm balɔɔ, a pum a fulanin o tàndá Bɛnyamɛn-ndo nin, cɔnɔnndo o lɛŋnden a ba too, kɔ tiiyaa a maluaŋ kɔ bii a Nekɛv, le hunɔɔ sálàla súú-súù ka solio: sálàla loamaalan, sálàla celenndan, ɲɛm-kéan a ansan, a vanin vɛlɛ hunɔɔ a sálàla malaa balikalan o Cɛi-Mɛlɛka-o nin.

Esekiɛl 37:10

Le hee, mí tɛɛnguu diom Hala-o mɛɛ ndóò vem ya le tosaa yɛ. O kon, mí hoeyii yoomuɛi hun luɛi nda nin, má muungu yoomu, má sim o pelun ndan coo. Vanaa cɔwva sɛ́lɛ́ bɛndoo pila nda va ni.

Esai 26:15

Òó Mɛlɛka, a vangala vanaa-mangalaa-isɔɔa mà kui, a vangala nda mà soli biilu nɔmndo ceen o nda nin. A nan pɛɛngula lelɛŋndan kɔɔli-kɔɔli.

Yeremi 3:16

Telen niaa kuinin mì la pɛ lɛŋnden ca-o, vana suu lɛnin a kesu kpema Mɛlɛka-o o kɔɔ le. Ya Mɛlɛka co sɔɛi nuaa ni. Vana yiyan ndɛnin a ndu o kɔɔ le. Vana loonun ndɛnin a ndu o kɔɔ le. Hali mo ve lɛ le, vana yiyan ndɛnin a ndu le, o celen selnun ndɛnin vɛlɛ le.