Yeremi 30:16 - BII BILA

¹⁶ Kɛ vanaa co nɔm kotaa-a sɔlanin kotaa, hɛli co le, yaamɔaa nɔmnda kpede a kɔanin o biyɔɔ nin. Vannda ciimbuunin ɲɛm vanaa va ɲɛm niaan ciimbuuo-a, mà kɔɛnnun a ɲɛm vanaa kɔɛnnun a ɲɛm niaan-nda.

Yeremi 30:16 Referans Kwoze

Yeremi 10:25

Tuisi kɔltuw nɔmndo lɛŋii sina nɔm te-e a vanaa co nɔm biilu le-a coo. Kani a co vanaa nɔmnda ɲɔɔn poondiaa o laba, a co nda mɛiyo fondo fúú, a co lɛŋnde ndalen tɛɛmbuuo.

Esai 33:1

Dɛnɛ palaa co le nɔm co caanda tɛɛmbuuo-o, vana tɛɛmbuu vɔ nɔm too. Dɛnɛ palaa co le nɔm co caanda huiyo, vana hui-yɔ nɔm too. Lɔ́ɔ́ n ciinin caanda tɛɛmbuu-o, nɔm bɛɛ vana tɛɛmbuunin nɔm! Tuma n ciinin caanda hui-yo, nɔm bɛɛ vana huinin nɔm!

Fulaa 23:22

Kɛ te la bii pɛ sɔɛi ndɔɛi ɲɛkɛndɛi, mì la tosa sɔɔn ya dimul niaa le tosaa-on kpede, i siŋnunnin yaamɔɔ vanaa co niaa yaamɔɔlen tosallo-a, mì simul vanaa simulnin niaa-a.

Sakari 2:8

Mó dimul ndu aa: ‹Ɲaanun mà kɔ soo o langbanɔ felengi co hoo a yoole tuvaalen o ba o nda-o lo, mà dimul ndu aa: Yerusalɛm vanin kobi nɔ kpaki loo, le vanndacieea a cɔlua vanin lenin sɛ́lɛ́ bɛndoo taw-taw va.

Dɛnnda cɔɔmuanndan 13:10

Te vanndo nɔ pɛ le kɔlan o biyɔɔ nin, o biyɔɔ nin o kɔanin ni. Te vanndo nɔ pɛ le piɔ́mndo sɔlaa o mɔɛi cɔwve bɛngu, o mɔɛi cɔwve bɛngu o sɔlanin piɔ́mndo ni. Lelan vanaa diandaa bɛnda mà cɔm biuvɔn ndaa a laalan ndaa.

Sakari 12:2

«I co Yerusalɛm siinguu maa taala kólaa pɛ a mɔima kɔl ni fulaa-o, le vanaa-mangalaa-isɔaa balu ndu-a kpow. Lende koni ɲɔɔ vanin le tàndá Yuda-o lɔ́ɔ́ vannda tiilanin Yerusalɛm-ndo ni.

Esai 14:2

Mialla cuanin nda, mà mingi nda o calta ndalan. O kon, mì Israɛlla siinguu mialaa kan buɛyaa piaandua a buɛyaa laandua, o lɛŋnde Mɛlɛka len nin. A siinguunin vanaa óò bii nda o cɛlen nin-nda cɛa ndaa, mà siŋnun vanaa bɛndua vanaa va nda mɔnɛi lueiyo-a coo.»

Condii lisai 129:5

Màá vanaa nɔ nɛyɔnndo a Siɔn-nda kpow mulin, mà muungu a siɛmbulan!

Sofoni 2:8

«I tuei yeowla fula yungoo Moab o sondo lan, mí tuɛi sɔɔn vɔɔŋun fula poaa Amɔnnda o sondo-on. À va yungu nuu yeowlan má va lɛŋnde yungu ni kon kiolɔɔ le lɛŋii ndɛi cɔɔloo.

Habakuk 2:16

La cii bɛɛle va le niaa len tɛɛmbuu, siɛmbulan la vanin le niaa. Mɛɛ niaa bɛɛ, la kol mì la fula tumnda fondo! Mɛlɛka co niaa lɔɔ a kɔl ndɔ tuwvo, mì bɛɛle niaalen le siŋnun siɛmbulan.

Nahum 1:8

tuma kpundɔɔ hun maa mɛmma hunaa-o. Kɛ o toaw yaamɔaa ndɔa o ɲumma piɔ́mndan nin, mò tɛɛmbuu nda kpede.»

Misee 7:10

Yaamɔɔ nuu canin ken, mì siɛmbulan la bii ndu mɔ́ɔ̀yɔ̀ɔ̀. Ndu yaamɔɔ kon va ya dimullo ni aa: ‹Kuɛɛ nɛ Mɛlɛka Hala nɔmndo co yɛ?› Yaamɔɔ nuu nɛwnunnin a labɛngu maa looli co o nɛilan coo-o, mì ce ken a lehɔl kpendekele.

Misee 4:11

Nihau, vanaa-mangalaa-isɔaa bɔɔ-bɔɔ a yiinan le niaa hinullo. À co dimio aa: ‹Màá kobi ndaa tambu labɛɛ! N tofan tambii Siɔn-nde kpendekele.›

Esekiɛl 35:5

Le tùú n nɔ nɛyɔn cuavaa Israɛlla telen oo telen-ndo, le tùú n diw nda a mɔɔn cɔwvon telen nda va o dɛnɛ palaa nin-ndo, telen haki ndaa tiiya o mɛɛlulan-ndo,

Esekiɛl 29:6

O kon, vanaa co icali Esipte-a kpow a sinanin maa ya co Mɛlɛka ni. Kani tiindan leemu-leemoo maa lekpɛ̀ndɛ̀ yɔŋnun le cuavaa Israɛlla ni.

Cɛɛŋɔnnda Yeremi lan 1:21

Vannda co ya tuɛyɔɔ kuŋndan, kɛ vana-vana co ya ɲɔɔlu le. Yaamɔaa nia kpow a tuei dɛnɛ palaa nuu tɔ́ɔ́, a co ɲaaloo dɔwnɔnndo le tùú n tuisi ya ndu coo-o. Màá paale n dimi sɔɛi ndɔɛi len le tiiya, haliko mi nda bɛɛ a muungu maa ya!

Yeremi 2:3

Le ya Mɛlɛka kínɛí Israɛl va ni, ndu va ɲɛ tasoo o ɲɛm nun coo ni. Vana-vana óò de ndu pɛ, vanan kon ndóò del kasi, dɛnɛ palaa ndóò tol vana kon coo. Ya Mɛlɛka soo nuaa ni.

Esai 54:17

Lelan, ɲɛ cɔw oo ɲɛ cɔw cɔwnun pɛ le nɔm delɔɔ coo, le nɔm dɛnɛ vɔɔndo tosallo, ɲɛ cɔw kon nɔnin mayoomu le kpeku oo kpeku soli le, vana-vana kɔɔsa pɛ a nɔm o fonda kialaa n'yamaa, a mulinin ndu kɔllo mò sina maa vana kɔlvesɛiyo o co ni. Lende kɛ́ vanaa baalaa Mɛlɛka-a co ni, lende dɛnɛ sandaa fula ya o ba le nda-o co ni, Mɛlɛka soo lende ni.»

Esai 54:15

Te vannda del pɛ nɔm coo, o co ya (Mɛlɛka) o ba le yiyan kon fulanin te. Nduyɛ vanaa-vanaa yiinan pɛ ma del nɔm coo, a delinin nɔm o ba.

Sakari 14:2

I cuungiaanin vanaa-mangalaa-isɔɔa kpow mà hinul Yerusalɛm a cɔwvo. A biinin kobio mà cɔwviaa ɲɔɔn cɛilan nin, mà kpuwviaa vanlaandua, mà bii vannda a tiŋ, mà kɔɛ a nda o cɛlen nin. Kɛ vanaa tɔ̀a lonin-nda, nda cúúnìn faŋan o kobi kalaa nin te.

Sakari 1:14

O kon, mí mɛlɛkanɔ va suukanndo a ya-o dimul-la aa: ‹Yonda mà dimi aa: Mɛlɛka-Nɔ-Kpaayaa-Kpow-vo dimi aa: Paŋala bɛndu-bɛndoo co ya o kɔl le kaola ya kaola Yerusalɛm a Siɔn-ndo.

Yeremi 50:28

La yaŋ nilan, niaa vanaa co ɲaanɔnndo le fulaa o lɛŋnde Babilɔn-nden nin-nda, a co vɔ yoomu-a, a co hunɔɔ dimio Siɔn aa: ‹Mɛlɛka Hala naa mingi màá nɔmndo, o mingi màá Cɛi-Hala diandaa ndɔɔ.›

Yeremi 25:12

Telen vɔsila belaŋɔmmɛwla lan la cuunin-ndo, i mululunnin masaa Babilɔn a vanaa ndɔa le dɛnnda ndala vɔɔnndan, Mɛlɛka dimi lende ni, i co mɔnɛ soli a lɛŋnde ndalen, mì vannda piow len le lɔ́ɔ́-lɔ́ɔ̀.

Yeremi 12:14

Diom Mɛlɛka dimi le vanaa vɔɔŋaa balu vanaa nia-a-o, a co baa yɔɔ o ɲɛ nuu, lɛŋnde yáà yɔngu vanaa niaa Israɛlla kɛ́ɔ len-ndo co hoo ni aa: «I co nda sungɔɔ o lɛŋnde ndalen coo, mì hɛlu vɛlɛ nda Yudaa o ba.

Yeremi 8:16

Vana tuɛi soa ndɔa diom cɔnɔnndo Dan dí, lɛŋnden kpow le co ɲiiyaa a caŋ nda co-o. A co hunɔɔ le lɛŋnden a ɲɛm co lenin-ndon tɛɛmbuuo, le kobio a vanaa co lenin-nda tɛɛmbuuo.»

Yeremi 30:15

Le yɛɛ nɛ n co yɛ caŋndo a dɛnɛ palaa, le ɲɛ kindilaa cuunin nɔm kuee loo? Kani le tùú tɛɛmbuula nɔmndan la co sɛ́lɛ́, mì hakila nɔmndan la vɔw taw-vo ya tosal nɔm lende ni.

Tɔŋ miingua 30:7

O kon, Mɛlɛka Hala niaa tuisinin dangala lan yaamɔaa niaa, vanaa nɔ nɛyɔn niaa-a a vanaa tol niaa yɛlen-nda coo.

1Samiɛl 17:53

Mí Israɛlla pɛngi kiltan nda kɔɔli, má muungu o dɔ́ɔ́ngɔ́ Filistia nin le ɲɛm ndan cɔwviaa.

Talelan 22:23

kani Mɛlɛka simnin le nda, mò poonda yoomu vanaa poondiaa nda ɲɔɔn o ba-a.

Cɛɛŋɔnnda Yeremi lan 1:22

Màá nɔm pila cɔ vanavɔɔnyɛi ndɛi kpow! O kon mà tosal nda mɛɛ n tosal-la le tɛɛmbuula nilan kpow yɛ. Kani kuŋnda ya co lan la co sɛ́lɛ́, kɔl nuu co o sangaa nin.»

Sakari 1:15

Kɛ i tuulu kɔl taw a vanaa-mangalaa-isɔɔa cennun nda pila ɲɛ-a. Kani ɲɛ-pɔmbɔ koni yáà tuulu kɔl ni, kɛ nda nda, má hun cɔɔlu dɛnɛ palaa vanaa nia handɔɔ lecoo.

Sakari 2:12

Kani la tuei-yɔ diom Mɛlɛka-Nɔ-Kpaayaa-Kpow-vo, o vem ya o vanaa-mangalaa-isɔaa co niaa yungaa a ɲɛm niaan hiɔlɔɔ-a lo-o dimi aa: ‹Vana-vana pilan niaa pɛ, mɛɛ vana kon pilan ya hɔlte kúlten.