Yeremi 30:15 - BII BILA

¹⁵ Le yɛɛ nɛ n co yɛ caŋndo a dɛnɛ palaa, le ɲɛ kindilaa cuunin nɔm kuee loo? Kani le tùú tɛɛmbuula nɔmndan la co sɛ́lɛ́, mì hakila nɔmndan la vɔw taw-vo ya tosal nɔm lende ni.

Yeremi 30:15 Referans Kwoze

Yeremi 30:14

Vanaa ndáà yeema nɔm-nda kpow a pɔɛɛn nɔm, a buulan ndɛ le nɔm te. Kani i lɔɔ nɔm maa yaamɔɔ. I tosa iɲíí a nɔm le nɔm mingio o nɛi le, kani tɛɛmbuula nɔmndan la va sɛ́lɛ́, tɛɛmbuula nɔmndan láà vɔw bɔɔ.

Yeremi 30:12

O Mɛlɛka dimi-o co hoo ni aa: «Dɛnɛ palaa nɔmndo nɔ danda le, yɔŋulɔn nɔmndo singu le.

Misee 7:9

Fɔ mì biwnun kɔltuw Mɛlɛka-o, kani hakio ya cua a ndu ni. Telen co tiiya, o soaanin le ya, mò ke ya dí nuu. O solinin ya o ɲɛ-tengaa, mò tosal-la dɛnɛ kɛndɔɔ.

Misee 1:9

Kani paw Samari-o co paw siangaa le, o co kɔlan a pɛngɛlanndo háá Yuda, o tiiya háá o diola luɛyaala vanaa nia sondoo Yerusalɛm.

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.

Cɛɛŋɔnnda Yeremi lan 3:39

Vanacieo, a hakila ndɔlan, o co yoomu, le yɛɛ nɛ o cɛɛŋun yɛ vɛlɛ?

Cɛɛŋɔnnda Yeremi lan 1:5

Yaamɔaa ndɔa nɔla ndu, a connun o kɔlɲuloo nin fɛɛ. Mí Mɛlɛka tuisi ndu dɛnɛ palaa coo, le hakila ndɔla bɛndulan. Yaamɔaa ndɔa kɔɛ a poaa ndɔa o biyɔɔ nin.

Yeremi 46:11

Esipte taanin! Kɔ Kalaad, mà nuwviaa koovan le boolɔnnda nɔmndan. Kɛ nduyɛ, fondo fúú koni n nuwviaanin kooma súú-súù fee ni, ma kɛ́-kɛ̀ singinin nɔm te.

Yeremi 30:17

I minginin nɔm mɛɛ n va paandu yɛ, mì singi boolɔnnda nɔmndan. Kani a co nɔm veeloo aa: ‹Nɛŋi mako le›. Siɔn ni, vana-vana nɔ mako a ndu le.» Sɔɛi fula Mɛlɛka o sondo-e co ken ni.

Yeremi 15:18

Le yɛɛ nɛ sanga nuu nɔ yɛ lamɛɛlu le? Le yɛɛ nɛ bolin nuu co yɛ danda dɔwnɔn mò sengu le? Vɛ̀ɛ̀ ma siŋnun le ya maa pee pɔmbɔ hui vana-o, ɲin pum a komal mɛnndan ma piaa cá, paale celen a komal ma velan, vana nɔla ndu tiindan te?

Yeremi 11:13

Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Yeremi 6:13

Kani kandɔɔ a cuaambɔ hiow dɔɔnanndo nda tɛɛn-ndo, kɔ bii a kaasonɔ hiow nda faw-vo, nda kpow, vana-vana nɔ hɔlten tɔnɔ ndɔ ndu pila-o kɔɔli. Kandɔɔ a vanaa-tɛɛngaa-diom Hala-a, kɔ bii a vana-solia-lasálàá, nda kpow vanaa lakafaa kposon.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Esai 5:2

Mó vayia ɲɔɔ, mó faaŋiaa powtan, mó tɔal tɔlɔɔ kɛndɛ-kɛndɔɔ pum lon. Mó tangul bàndóó o nakɔ n'rɛsɛn kon tɛɛn, o kon kɔɔli, mó toaw doolaa. O va tiindanndo maa nakɔ kon koamnin rɛsɛŋun kɛndɔn, kɛ mó koam rɛsɛŋun vɔɔnndon.

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

SƐBƐ YƆB-O 34:6

Kɛ a sandii nii ken kpede, maa vana lacòòvaa nda co ya cɔu ni. I tɛɛmbuu isɔɔ oo isɔɔ le, kɛ yɔŋul ya sɔla-o singunin te.›

Ɛsdras 9:13

Éé Hala naa! Dɛnnda palaalan ndan la komal naa fúú le, kela naa vɔɔndo a tɛɛmbuula naala bɛndulan la cuu naa ndu ni. A kon kpede a saangiaa naa mɛɛ hakila naalan la co yɛ le, má mɛi naa yoomu.

Condii lisai 107:17

Vanaa pum siŋnun diɔmnda le kela nda vɔɔnndo, má sɔla dɛnɛ palaa le tɛɛmbuula ndalan.

Yeremi 30:16

Kɛ vanaa co nɔm kotaa-a sɔlanin kotaa, hɛli co le, yaamɔaa nɔmnda kpede a kɔanin o biyɔɔ nin. Vannda ciimbuunin ɲɛm vanaa va ɲɛm niaan ciimbuuo-a, mà kɔɛnnun a ɲɛm vanaa kɔɛnnun a ɲɛm niaan-nda.

Esai 1:6

Kandɔɔ a bɛngu kɔllo háá o lebol, ɲɛ-ɲɛ co o kɛndɛ le: boolɔnndan, fungbulan a pawve kposon! Pavii ken sɔla pulɔɔ le, i sɔla holɔɔ le, vana cɛ́w ndi a makòó le, vana cɛ́w ndi a macuɛi le.

Cɛɛŋɔnnda Yeremi lan 2:13

Yerusalɛm, yɛɛ nɛ ya dimul lɛnin nɔm vɛlɛ? Vana seelun velan dɛnɛ co nɔm coo-o nɛɛ celen te. Vɛ̀ɛ̀ kpeekpei ya ɲɔɔlu yɛnin nɔm, nɔm kobio Siɔn? Kani paw nɔmndo co o bɔɔ maa mɛmma ihɛl, nɛ̀ɛ́-nɛ̀ tiw yɛnin ba nɔm singio?

Nahum 3:19

Kpundɛ nɔ maɲulu loo del nɔm coo dɛ! Yɔŋulɔnnda nɔmndan yɔŋulɔnnda piɔ́mndan la co ni. Vana-vana tuei pɛ dɛnɛ nɔmndo tɔ́ɔ́, o tɛm balan a dɛnɛ kon. Kani nɛ̀ɛ́-nɛ̀ co yɛ, o n tuisi dɛnɛ palaa coo loo?»