Yeremi 30:13 - BII BILA

¹³ Vana-vana co nɔm ahɔl mulul te. A dema boolɔnndan cɛw, kɛ nɔm nɔm, o nɔmndo nɔ makòó le.

Yeremi 30:13 Referans Kwoze

Yeremi 46:11

Esipte taanin! Kɔ Kalaad, mà nuwviaa koovan le boolɔnnda nɔmndan. Kɛ nduyɛ, fondo fúú koni n nuwviaanin kooma súú-súù fee ni, ma kɛ́-kɛ̀ singinin nɔm te.

Yeremi 8:22

Vɛ̀ɛ̀ kooma cɛvaa ma co Kalaad le? Vɛ̀ɛ̀ vana dɔavaa ladanda co lɛ lon te? Le yɛɛ nɛ vanaa nia co niko siongɔ̀ɔ̀ sɔla le?

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Yeremi 30:17

I minginin nɔm mɛɛ n va paandu yɛ, mì singi boolɔnnda nɔmndan. Kani a co nɔm veeloo aa: ‹Nɛŋi mako le›. Siɔn ni, vana-vana nɔ mako a ndu le.» Sɔɛi fula Mɛlɛka o sondo-e co ken ni.

1Nsaŋ 2:1

Cuavaa nia hɛnan ya-a, i co niaa sɔɔn mun sɛval, haliko la tosa haki le. Te vanndo pum tosa yɛ pɛ hakio, n nɔ vana soaa le naa-o o Pua lo, Yeesu Krista vana sandaa pɛɛn.

1Piɛr 2:24

Mó cua hakila naalan o n'dial o yɔmndo coo, haliko mi n vi a ba hakio, o kon mì n muungu yoomu a ceen sandaa. Fungbula ndɔlan la tosa ni mì la sɔla siongɔɔ.

Nahum 3:19

Kpundɛ nɔ maɲulu loo del nɔm coo dɛ! Yɔŋulɔnnda nɔmndan yɔŋulɔnnda piɔ́mndan la co ni. Vana-vana tuei pɛ dɛnɛ nɔmndo tɔ́ɔ́, o tɛm balan a dɛnɛ kon. Kani nɛ̀ɛ́-nɛ̀ co yɛ, o n tuisi dɛnɛ palaa coo loo?»

Osee 14:4

O co Asiri le nɔlanin naa ciindiaa le, n hel-lɛnin o soa cɔw coo le, n veelu lɛnin ɲɛ naa n cɔw a laba-o aa hala naa le. Kani nɔm tuinun vííyo iɲíí ni.›

Osee 6:1

«La hun mì n muungun Mɛlɛka o ibuŋ! Kani ndu lɔɔ naa ni, kɛ o co naa cɛw. Ndu booluu naa ni, kɛ o co pavii nɛi holiholi.

Esekiɛl 22:30

I co vanndo nuwviaa o nda tɛɛn, le o nɔla mò cɔw kpakio, mò sim o tɛɛngei nin coocoo ya o hɔl le sɔɛi le lɛŋnden-ndo, yɔŋii lɛŋnden le tambu, mì le piɔl, kɛ i seelun-ndɔ vana vaa lende le.

Esai 59:16

O ce maa vana-vana co buulan le dɛnɛ kon te, le hee, mó tambu kɔl, le tùú vana-vana co sondo vow loo. O kon, mí ba ndɔ ndu pila-o mala ndu, mó tiindan dɛnɛ sandaa ndɔɔ.

Esai 1:6

Kandɔɔ a bɛngu kɔllo háá o lebol, ɲɛ-ɲɛ co o kɛndɛ le: boolɔnndan, fungbulan a pawve kposon! Pavii ken sɔla pulɔɔ le, i sɔla holɔɔ le, vana cɛ́w ndi a makòó le, vana cɛ́w ndi a macuɛi le.

Condii lisai 142:4

Te sangaa komal-la pɛ, nɔm Mɛlɛka sina nɛila ya kela coo lan. Vannda cii ya yaŋɔɔ o nɛila ya co kelaa lan coo.

Condii lisai 106:23

Mí Mɛlɛka tuu vɛlɛ le nda tɛɛmbuuo, kɛ mí Moise, vana o hɛli-o sim ndu Mɛlɛka o hɔl, mó ɲuna ndu le yiyan ndɔɔ mangalaa.

SƐBƐ YƆB-O 34:29

Te o meinun pɛ, nɛ̀ɛ́ yaala yɛnin ndu le ken? Te o ven pɛ hɔlaa ndɔa, nɛ̀ɛ́ nɔla yɛ mò tofa ndu kangalan? O nɔ hɔlten lɛŋnde a vanaa co icali lenin-nda coo,

SƐBƐ YƆB-O 5:18

Kani ndu soaŋ vana ni, kɛ ndu pila koni cɛw vɛlɛ vana ni. Ndu yɔŋùl vana ni, ndu koni cɛw vana a ba ndɔɔ ni.

Tɔŋ miingua 32:39

Lelan, la sina maa ya co Hala ni, maa hala celen co o ya kɔɔli le. Ya yɔngù piɔ́mndo ni, ya yɔngù yoomoo ni. Ya boli vana ni, ya koni singi vana ni. Vana-vana nɔla mò hɛlu ɲɛ-ɲɛ ya o ba le.

Fulaa 15:26

Mí Mɛlɛka dimul nda aa: «Te la bii pɛ diom nuu, ya Mɛlɛka, ya co Hala niaa-o, te la kela pɛ kela sandaa ya o hɔl, te la yaŋ pɛ nilan o silala nilan mì la bii lan kpow, i tuisinin niaa nààla ya tuisi Esiptea coo lan coo le, hali naa vaa lende o pilɛ o tulnin niaa coo le. Kani ya co Mɛlɛka ni, ya nɔ siongɔɔ niaa o ba ni.»

Yeremi 17:14

Mɛlɛka, singi ya mì sengu, ciindiaa ya mì cinda, kani biilu nɔmndo co ya o sondo lɔ́ɔ́-lɔ́ɔ̀.

Yeremi 14:19

«Vɛ̀ɛ̀ kɛɔ few-few n kɛɛ Yuda nuaa ni? Vɛ̀ɛ̀ nɛinɔnndo Siɔn nɛinun nin nɔm ni? Le yɛɛ n yɔŋul-lɛ naa yɔŋul singunin too? N va yiyanndo maa n sɔlanin kɔlɲuloo, kɛ dɛnɛ kɛndɛ bɛɛ. N va siongɔɔ kɔl, kɛ yɛlɛma bɛɛ!

Yeremi 6:7

Maa mɛɛ soon kólaa soli mɛnndan vasu-vasu yɛ, lende o soli dɛnɛ ndɔ vɔɔndo vasu-vasu ni. Vana tui sɔɛi celen ndon te, fɔ vannda saangiaa a dɛnɛ vɔɔndo tosaa, ɲɛ ya co cɔu lɔ́ɔ́-lɔ́ɔ̀-o co ɲɛ nɛyaa a boolɔnndan ni.

Esekiɛl 30:21

«Po vanacieo sei! I yem Faraɔnnɔɔ, o co masaa Esipte-o baa. Vana-vana yíí ndu ba kon le ndu ndu cɛwvo le, vana yíí ndu ba kon a kola ipɛngɛ, haliko mo simul, mò nɔla vɛlɛ mɔɛi cɔwve hiŋndo le.

Cɛɛŋɔnnda Yeremi lan 2:13

Yerusalɛm, yɛɛ nɛ ya dimul lɛnin nɔm vɛlɛ? Vana seelun velan dɛnɛ co nɔm coo-o nɛɛ celen te. Vɛ̀ɛ̀ kpeekpei ya ɲɔɔlu yɛnin nɔm, nɔm kobio Siɔn? Kani paw nɔmndo co o bɔɔ maa mɛmma ihɛl, nɛ̀ɛ́-nɛ̀ tiw yɛnin ba nɔm singio?