Yeremi 30:11 - BII BILA

¹¹ Sɔɛi fula Mɛlɛka o sondo-e co hee ni aa: «Kani i co nɔm ikɛi le nɔm ciindiaa, i diwnin vanaa-mangalaa-isɔɔa niaa va a sɛŋiannda tɛɛn-nda, kɛ niaa niaa, i diwnin niaa le. I saangiaanin nɔm, kɛ le nɔm mingio o nɛi sandaa coo ni, kani i nɔla nɔm biyɔɔ maa vana tɛɛmbuu isɔɔ loo le.»

Yeremi 30:11 Referans Kwoze

Yeremi 10:24

Mɛlɛka, sila ya tùúlen, o va a kɔltuw le, yɔŋii n tɛɛmbuu ya.

Yeremi 1:19

A cɔlɔbanin nɔm, kɛ a nɔlanin nɔm ɲɛ-ɲɛ tosa le. Kani i co nɔm ikɛi le nɔm baŋaa.» Ya Mɛlɛka soo nuaa ni.

Yeremi 4:27

Kani diom Mɛlɛka dimi-o co hoo ni aa: «Lɛŋnden kpow le dɔawnunnin yɛɛvɛ, kɛ i tɛɛmbuunin nden kpede le.

Yeremi 1:8

Siòòŋii bii nɔm a nda le, kani i vanin nɔm ikɛi le nɔm baŋaa.» Mɛlɛka soo nuaa ni.

Esai 8:10

La tuu dɛnndan taw le tosaa, kɛ tuula lan la co cuvɔɔ laasian. La dimi sɔɔn, kɛ sɔɔn mun tosannin te. Kani Hala co a naa latulu.

2Timote 4:22

Màá Mɛlɛka manda kɔl nɔmndo! Màá o tosal niaa kɛndɛi! Amiina!

Dɛnnda kiilaa 18:10

Kani i co nɔm ikɛi. Vana-vana nɔlanin nɔm simullo mò yɔŋ nɔm ɲɛ le, bau i nɔ vannda taw o kobio ho nin.»

Matie 28:20

mì la pɛɛku nda ma manda sɔɔn ya dimul niaa-on kpow. I co niaa ikɛi lepalaa-lepala háá a ceendo mɛɛlulan.»

Yeremi 15:20

I siinguunin nɔm maa sungbule n'daɲale kálà-kálà vannda ha o hɔl. A cɔlɔbanin nɔm, kɛ a nɔlanin nɔm te, kani i co nɔm ikɛi le nɔm baŋaa a le nɔm ciindiaa. Sɔɛi fula ya Mɛlɛka o sondo-e co ken ni.

Yeremi 5:18

Mí Mɛlɛka dimi aa: «Kɛ hali o palɛi ken nin, i diwnin niaa kpow le.

Yeremi 5:10

La hel o kungala ndɔlan mì la tɛɛmbuu, kɛ la tɛɛmbuu ndu kpow le. La bɛɛsiaa lɛvun ndɔn, kani o co Mɛlɛka le nɔ mun te.

Condii lisai 6:1

Condii David-e, í fula o condun simlacinɔ vanaa n'condua nin-nde. A banga yoei ŋɔmaa-o vana soli ndi ni.

Matie 1:23

«Cuaambɔ lembu sina vɔ dɛnɛ vanapɔnɔ loo cuanin folio, mò velu hɔ́ɔ́ piaandoo, mà ke ndu diolan aa Emmanuɛl», kɔlɔ ndɔɔ co ni aa: «Hala co naa ikɛi».

Esekiɛl 11:13

O kon, telen ya va diom Mɛlɛka kon tɛɛnguuo-o, mí Pelatia po Benaya-o vu. Le hee, mí (ya Esekiɛl) del lɛŋ o kuumbuan o kɔl coo, mí koŋul coocoo kpélén aa: «Éé Maalii Hala! Vɛ̀ɛ̀ a yeema ma cii Israɛlaa tɔ̀a lo yoomu-a diw?»

Esai 43:25

Ya ni, ya ɲumi biondɔnnda niaalan le kaola ni ya pilaa ni, nduyɛ, i loonun ndɛnin hakila niaalan te.

Tɔŋ lasálàá 26:44

Ya yɛ, hali tuma nda vanin a saŋnannda o lɛŋii yaamɔaa ndaa nin-ndo, i kɛɛnin nda few-few le, a nɛinunnin ya le, i ciinin nda le, i tɛɛmbuunin kpema nuu a nda le. Kani Mɛlɛka ya co ni, Hala ndaa pɛɛn.

Tɔŋ miingua 4:31

Kani Mɛlɛka Hala niaa, Hala nɔ ɲííye-o o co ni, o melnin niaa le, o tɛɛmbuunin niaa le. O pɔɛɛnunnin kpema o yiilu fuɲaa niaa mamaa mó mɛnalan nda le ndu peeloo-o le.»

Cɛɛŋɔnnda Yeremi lan 3:22

Vanakɛndɛyɛi Mɛlɛka-e cuu le, ɲíí ndɔɛi nɔ lamɛɛlu le.

Esekiɛl 6:8

Kɛ i mɛinin vanaa pum yoomu o niaa tɛɛn, vanaa hialunnin mɔɛi cɔwve, mà lo yoomu-a pɛɛn. I sɛŋinin nda o lɛŋii isumualle tɛɛn.

Osee 11:9

I tosanin mɛɛ kɔllo tuulu ya taw yɛ le. I muungunin le polale Efraim-nden tɛɛmbuuo le. Kani i co vanaciee le, Hala ya co ni. O-Diandaa ya co niaa tɛɛn ni, I hinnin a kɔltuw le.

Fulaa 34:7

I lò dɛnɛ kɛndɔɔ tosaa háá mì lambilan la tiiya vàá pilɛ. I màl vana haki le dɛnɛ vɔɔndo, le tɛɛmbuuo a le hakio. Kɛ vana tɛɛmbuu pɛ tɔŋndo, i ce ndu vana lahakio. Nduyɛ, i lo cuawva soŋɔ̀ɔ́ háá o lambi yàándɔɔ, háá o lambi hiɔɔlundɔɔ bɛɛ, le yɔŋ vɔɔn fuɲaa ndaa mamaa.»

2Samiɛl 24:12

«Kɔ o David lo, ma dimul ndu aa: ‹Mɛlɛka dimi aa o co nɔm sangalan tan yáá cɔm, mà hɛli o pilɛ. O n hɛlinin-ndo o tuisi nɔm kon coo.›»