Yeremi 30:10 - BII BILA

¹⁰ Nɔm Israɛl vana ni baalaa yɛ, siòòŋii bii nɔm te, ya Mɛlɛka dimi lende ni, vu n'dial te, kani i co nɔm ciindiaa vanaa co levil-la o ba, mì baŋa cuavaa nɔmnda, mì soli nda o lɛŋnde nda co o biyɔɔ nin-nden nin. Yakɔb muungunin, o vanin o pɛngio nin nila ɲulu fɛɛ, vana-vana venin le ndu kpeeŋiaa le.»

Yeremi 30:10 Referans Kwoze

Osee 2:18

Mɛlɛka dimi aa: «Paale len, o veelunin ya aa: ‹Pɔnɔ nuu›, o veelu lɛnin ya aa: ‹Vana ni bɛndoo› le.

Yeremi 29:14

O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.

Esai 43:5

Lelan la yɔŋ isiòòn te, kani i co niaa ikɛi, i cuanin vanaa niaa co a ba paalen le can-ndo a, mì mingi nda o niaa lo nanu. I cuanin niaa nɛɛ paalen le del-la, mì cuungiaa niaa nanu.

Esai 44:2

Mɛlɛka toosiaa niaa-o, vana cɔw niaa kabi o dembelan nin mó va niaa malaa-o dimi aa: «Siòòŋii bii niaa le ɲɛ-ɲɛ le, niaa cuavaa vana ni baalaa Yakɔb-a, niaa polale Yesurun-nde ya hɛli len.

Esai 35:9

Yàlà kana venin o nɛi kon coo le, visi biyaa súú-súù keinin lecoo le, visi biyaa ndu pilɛ bɛɛ vana seelunnin lecoo le. Vanaa sɔla baŋaa-a keinin lecoo ni.

Nsaŋ 12:15

«Siòòŋii bii niaa le, niaa vannda Siɔn, la tofa vɔ masa niaa hunɔɔ, o co icali o sofɛlɛ téndóó coo.»

Yeremi 33:16

O palɛi ken, Yuda sɔlanin cindaa, o kon mì Yerusalɛmnda cal a nila ɲulu o calta ndalan, kobi kon veelunnin aa: «Mɛlɛka co dɛnɛ sandaa naa ni.»

Yeremi 23:8

Kɛ a vanin mɛnanndo aa: «Le Mɛlɛka yoomaa, o soli Israɛlla o lɛŋnde maluaŋ-nden nin a o lɛŋii kɛ́-kɛ̀ ndóò tow nda nin, mó mingi nda o lɛŋnde ndalen nin-ndo!›»

Yeremi 23:3

O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Yeremi 3:18

O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

Sakari 3:10

Paale len, la veelannin vellaa-velle le calle a kɔlɲuloo o tumnda n'rɛsɛnndan a o voosoei bɛngu. Ya Mɛlɛka-Nɔ-Kpaayaa-Kpow-vo dimi lende ni.›»

Esekiɛl 38:11

A diminin aa: ‹I heelu vɔ mì kɔ del lɛŋnde co lekumbiaalen coo, mì del vanaa co icali o ba ndaa coo nila ɲulu o calta ndalan nin-nda coo. Vanaa co kan icali kpow o kobila co lakungaa a kpaki le lan nin-nda, à kobila ndalan la nɔ kan masɔkɔ a lakoŋ te-a pɛɛn.

Esekiɛl 16:52

Nɔm va pɔmbɔa nɔmaa laandua yaalaa-o, nɔm bɛɛ siɛmbulan la tol nɔm le hakila nɔmndan. Hakila lan la siinguu nɔm vana yɔŋ vɔɔndo hiovɔɔ nda coo ni. Lan la tosa ni, mí nda va fisa a nɔm, má hiaw nɔm sandei. Lelan nɔm bɛɛ, siɛmbulan la tol nɔm mà tambu labɛɛ, kani nɔm ke pɔmbɔ nɔm a bɛ nɔm dio ni.

Yeremi 30:3

Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Yeremi 23:6

O paale ndɔlen Yuda sɔlanin baŋaa ni, Israɛlla vanin nila ɲulu fɛɛ. Diola nda kenin ndu lan la vanin ni aa: ‹Mɛlɛka vana naa ciindiaa.›

Esai 54:4

Lelan siòòŋii bii nɔm te, kani siɛmbula biinin nɔm te, yɔŋnun yoloma-yoloma le, kani a tembunin labɛɛ le. Kɛ a pɔɛɛnunnin siɛmbula bii nɔm o felengiyɛi nin-ndan, a yiyan ndɛnin a bɛ̀ɛ̀la n tambu lɔ́ɔ́ n va o vii pɔnɔɔ nin-nde lan te.

Esai 46:13

I co dɛnɛ sandaa nuu nanɔɔ macɛlu, o co lɛ levil te, cinda nuu tamalanin le tiiyaa le. I kɛsinin cindaa Siɔn mì tuisi biilu nuu Israɛl coo.

Esai 46:11

Ya veelu yow biyaa ni, fulaa a ba paalen le can-ndo. Ya veelu langbanɔ kɛsii kálàá pum fulaa nɛɛ levil le hunɔɔ tuula nilan peeloo ni. I dimi sɔɛi ken a sondo, nduyɛ i peelunnin ndi vɛlɛ. I cii tuu, lelan fɔ mi tosa lende.

O Kandɔɔ 15:1

Mí Mɛlɛka cɔmnun Abram o vundulen nin, mó dimul ndu aa: «Yɔŋ isiòòn te Abram. Ya co vana kanda nɔm-ndo ni, vɔ̀ngɔ̀ nɔmndo vanin o bɔɔ.»

Esai 49:25

Mɛlɛka dimi aa: «Oi! Ɲɛ kuubanɔɔ bii-o puununnin ndu o ba. Vana masa kɔlvesɛiyo bii-o hialunnin ndu. I cɔlɔbanin yaamɔaa nɔmnda mì ciindiaa poaa nɔmnda.

Esai 14:3

«Te sangala niaalan a bɛpɛla niaa cuu pɛ, te cɛle kàlà-kálàle nda tuisi niaa coo len le cuu pɛ, lɔ́ɔ́ Mɛlɛka kenin niaa pɛngio-o,

Esai 44:1

Niaa cuavaa-imamaa Yakɔb vana ni baalaa-a, niaa cuavaa Israɛlla, niaa ya hɛli-a, la yaŋ nilan.

Yeremi 23:4

I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.

Yeremi 29:11

Sɔɛi fula Mɛlɛka o sondo-e co hee ni aa: «Ya i sina tuula ya nɔ le niaa lan, tuula dɛnɛ kɛndɛ lan, o co tuula dɛnɛ vɔɔn te. Kani i yeema siɔdii niaa kɛndɔɔ, mì la nɔ kɔlkɛsiaa.

Yeremi 30:7

Àá má cè dɛnɛ palaa! Le sel naa fɔ́! N ci vɔ lepaa maa leen te, telen imɔnɔɔ co hoo le polale Yakɔb len ni. Kɛ nduyɛ ɲɛ-ɲɛ yɔŋnunnin nda le.»

Yɔɛl 2:21

Niaa vanaa co o lɛŋnden coo-a, la yɔŋ isiòòn te, la dɔwnun ɲaale mì la naŋ kɔl. Kani Mɛlɛka co sɔɔn bɛndon tosaa.

Esai 49:12

La tofa vɔ nda, a cɛn nɛɛ levil ma va hunɔɔ, a pum co hunɔɔ fulaa a ba luaŋ-ndo, a ba paalen le del-lo, a pum co hunɔɔ fulaa o lɛŋnde Sinim-nden nin.

Daniɛl 12:1

«O telen kon nin, Misɛl cannin, Misɛl kon pɛɛn, o co kuubanɔ mɛlɛkaa-o, o co yungu nɔmndo ikɛi le nda mandaa-o. Palɛi ken vanin bɔɔ palɛi sanga bɛnduei. Kabi vanacieo cɔwnun, háá telen kon, sanga vaa lende yɔŋnun-ndɔ le. Kɛ yungu nɔmndo sɔlanin baŋaa. Vanaa diola ndalan la co lasɛvaalan o sɛbɔɔ nin-nda cindanin.

Osee 2:20

Paalelen, i yiinin kpemaa le vanaa nia. I yiinin ndu a visia yondoa a á yowva coocoo, mì yii ndu vɛlɛ a visia pɔm-pɔmbɔa kela lɛŋ-nda. I yiminin kpaasiaalan, mɔɔn cɔwvon, a ɲɛm cɔwvon kpow, mì ke vanaa nia pɛngio, mà vannun nila ɲulu.

Osee 6:11

Niaa cuavaa-imamaa Yuda-a bɛɛ, i co niaa hunɔɔ kovɔɔ.» «Lɔ́ɔ́ yáà yeema vanaa nia va o cɛlen nin-nda mingio nanu-o,»

Misee 4:9

«Le yɛɛ nɛ niaa co yɛ niko yondaa? Masa co macoaa o niaa lo le? Mò va maa lou vana nɔm silaa lo ni? Ŋɔnga yɛɛ n co yɛ niko hoo a ɲɛ nɛyaa maa vanalanɔ nda sɔɔnguu lekɔɔ le volɔɔ?