Yeremi 3:9 - BII BILA

⁹ A kela ndɔ vɔɔndo, mí Israɛl nɔɔliaa lɛŋnden o piɔmnda sooloo nin, piɔmaa lapowva a piɔmaa iyɔmnda.

Yeremi 3:9 Referans Kwoze

Yeremi 2:27

A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›

Yeremi 3:2

Heelu vɔ hɔlla o pembon coo mà tofa, kuɛɛ nɛ n kɛɛ yɛ nɔɔlian a piɔmnda sooloo? A co icali o nɛilan lekɔɔ nda cum maa Arabua kela o lɛŋnde veselɛilen nin-nda. A nɔɔliaa lɛŋnden a suunda nɔmndo a á kela nɔm vɔɔndo.

Esai 57:6

O powta kpɔlɔkaalan nin, a o kpolonndo nin, o niaa Israɛlla co ni. La tofa vɔ, ɲɛ co le niaa-o kpeekpei co kon ni. Powta lan niaa co sálàla mamɔilan cuuŋullo ni, lan niaa co sálàla kpeyanndan solullo, mi la va lan lomɔɔ ni. Vɛ̀ɛ̀ ya Mɛlɛka, mì kɔl nuu hini a dɛnnda vaa nuaa kpow?

Yeremi 10:8

Nda kpow ɲɛ pilɔɔ nda co ni, a kindu lakɔl te, diɔmnda nda co ni, yɔmii sialɛi nda co ni, halaa ndaa nɔla nda ɲɛ-ɲɛ cɔm te.

Yeremi 2:7

Nduyɛ, mí hun a niaa o lɛŋnde naŋ tɔlɔɔlan-nden nin, haliko mi niáà de kɔmnde ndɔle kɛndɛlen. Kɛ mɛɛ niaa hin, mí la nɔɔliaa lɛŋnde nilen, mí la siinguu kɛ́ nuu mààlan.›

Habakuk 2:19

Dangaa co le niaa! Niaa co yɔm nda sɛl-lo dimullo aa: «Cɔn»-nda, mì la va vɛlɛ pow nɔla isɔɔ loo dimullo aa: «Cɔn». O kɛ́-kɛ̀ kindi vana kɔl te, vana yikpa bɛɛ nda a sianion te kon te a volion, sanga fondoo fúú.

Osee 4:12

A co piɔmaa nda sɛl a yɔmnde-a sɔɔn ɲuuniaa le mulio sɔlaa. Yɔmii nda sɛl-le co sɔɛi o nda lo ni. Hoeyii suunda soolaa n'piɔmnde hɔŋ nda coo, mì i faŋa nda o nɛi, mì i sɔɔndiaa nda. A laasian a suundaa má kɔa ya Hala ndaa levil.

Esekiɛl 23:10

Nda yunga ndu ni má ca ndu tum fondo. Nda bii poaa ndɔa a cuavaa ndɔa laandua ni, má dii ndu pila a mɔɛi cɔwve. Mó siŋnun seilen le vanlaandua, kani mí sámáá ndɔa tuisi ndu sanga imɔnɔɔ coo.

Esekiɛl 16:17

Má cua kelan nɔm kɛndɛn toosian a sianin nun a á volin nin humbun yáà yɔngu nɔm-ndon-ndon, má cɔaw piɔmaa piaandua a mun, má muungu suunda bilaa n'piɔmndo a nda.

Matie 5:32

Kɛ ya, i co niaa dimul: vana-vana kɛɛ pɛ laa ndɔ, te o co yɛ mò suunda le, ndu vem laa ndɔ kon suundaa. Vana cua yɛ pɛ vanalanɔ kɛyan nda pɔnɔ ndɔ-o o nɔ̀u nin, mɛɛ vana kon suunda.»

Yeremi 16:18

I co nda sala dɛnnda ndala vɔɔnndan yɔngu bɛmbɛ lediin, kani a cii lɛŋnde nilen tɛɛmbuu, a cii kɛ́ nuu pei cá a piɔmaa ndaa lamàá-a.»

Esekiɛl 23:3

Má luɛi suundaa o lɛŋnde Esipte len nin, a va vɔ cuaambɔa lemboa má luɛi suunda kon. Lon nda vɔɔciaa nda mɛɛyan o ibuŋ ni, lon vannda piilian takpala ndala vanapɔnɔ ndóò pilan-ndɔ le lan ni.

Esekiɛl 23:21

Nɔm Oholiba, a muungu vɛlɛ laasianndo maa laasian n laasian o felengiyɛi nɔmnde nin-ndo, telen Esiptea va takpa nɔmnde piilianndo, ma va mɛɛma nɔmma piaan yiiliaa-o.

Osee 2:2

O kon, Yudaa a Israɛlla cuungiannin, mà cua simlacinɔɔ ndu pilɛ, mà fula o lɛŋnden nin. Kani paale bɛndulen paale Yisreɛl-ten le vanin ni.

Esai 57:3

Kɛ niaa, la sɔɔnguu nanu, niaa cuavaa kueiya, niaa vanaa suundɛiyaa co suunda leyulaa-a pɛɛn.

Yɔɛl 1:19

«Éé Mɛlɛka! Nɔm o lani ya co caŋndo nuaa ni. Kani yinnden le cii bil puiyaa lomɔɔ o dɛɛlala vesɛilan nin, le cii yɔmnde kpow lomɔɔ yondoo nin.