Yeremi 3:8 - BII BILA

⁸ Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

Yeremi 3:8 Referans Kwoze

Tɔŋ miingua 24:1

«Te vanapɔnɔɔ pum yil pɛ lanɔɔ, o calii ndɛi nin, mì vanapɔnɔ kon ce káà vɔɔndo pum o kela laa ndɔ kon nin, te kaola lanɔ kalaa cuu pɛ vanapɔnɔ kon o kɔl, o tiwba mo sɛva sɛbɛ tɛɛmbua nɔu, mò yɔngu ndu, mò soli ndu o ndu lo cɛinin.

Osee 3:4

Kani cuavaa Israɛlla viawnin tei, a nɔnin masa le, a nɔnin simlacinɔ le, a solinin lasálà le, a nɔnin powta sálà le, a nɔnin ɲɛ vana tosa le hɛnan Hala-o sinaa le, a nɔnin piɔmaa tongonin te.

Esai 50:1

Mɛlɛka soo mó ɲuna aa: «Ɔ́ɔ̀ sɛbɛ lesei ya ke kala niaa le cɔmndo maa i kɛɛ ndu o nɔ̀u nin-ndo? Te kon te, o vanaa ya nɔ kueela ndalan-nda tɛɛn, ɔ́ɔ̀ vanaa ya pisi niaa ndu o ba-o? La tuei-yɔ, le yɔŋnda vɔɔnnda niaalan niaa pisin ni. Le hakila niaalan ya kɛɛ kala niaa ni.

Esekiɛl 23:9

Lelan ya mal ndu sámáá ndɔa o ba ni, mí mal ndu poaa Asiri-a o ba, a ndóò yom le nda-a.

Esekiɛl 16:47

Te nɔm óò mɛɛlu pɛ o kela vɔɔndo coo maa nda, mí nɔm óò tosa dɛnnda nɔɔlɛilan maa nda kpafii, kon ndóò va tiŋ fisa. Kɛ mí nɔm bɛɛ laasian o kelala nɔmndan kpow nin hiovɔɔ nda coo.

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.

Tɔŋ miingua 24:3

hali kaola ndɔɔ cuu bɛɛ pɔnɔ ndɔ diinndɔ o cal kon o ba-o o kɔl, mì pɔnɔ kon bɛɛ sɛva sɛbɛ tɛɛmbua nɔu, mò yɔngu ndu, mò soli ndu o ndu lo cɛinin, te kon te pɔnɔ ndɔ diinndɔ kon vu bɛɛ,

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 33:24

Vɛ̀ɛ̀ a co tueyɔɔ ɲɛ vannda ha co dimio-o le? A co dimio aa ya cii yungula tiɔnnda yáà hɛli lan kɛɛ, Israɛlla a Yudaa pɛɛn. Nuaa nda co yungu nuu yio kiolɔnndo ni, a nɔ o kɔl maa a co lɛ lelɛŋ a ba nda le.

Esekiɛl 16:46

Bɛ nɔm laandoo, o co nɔm a maluaŋ-ndo co Samari a cieon balu ndu-on ni, pɔmbɔ nɔm laandu co nɔm a too-o co Sodɔm a cieon balu ndu-on ni.

Esekiɛl 16:51

Samari sɔla bɛɛ tala dɛnnda n tosa lan te. Dɛnnda nɔɔlɛila nɔm Yerusalɛm tosa lan la hiow le vɔɔw a la ndu tosa lan. Te vana cua pɛ Sodɔm a Samari, dɛnnda ndalan la co fisa a la nɔm tosa lan.

2Dɛnnda lemasalan 21:11

Mí Yoram cɔaw vɛlɛ tombun soolan o pembon Yuda coo. Mó tosa mí vannda Yerusalɛm a vannda Yuda a luɛi o laasianndo.

Yeremi 5:7

«Yerusalɛm, vɛ̀ɛ̀ ya mal lɛ nɔm haki lende? Cuavaa nɔmnda kɛɛ ya, mà muungu mɛɛnianndo o ɲɛm co Hala loon. I va nda ɲɛm ndáà nɔ makoo-on yɔngoo, kɛ má yiinan sɛ́lɛ́ bɛndoo o cɛi suundaa nin.

Esekiɛl 23:44

Vannda co hunɔɔ o ndu lo mɛɛ vana kɔa o vanalanɔ suundɛiyo lo yɛ. Lende vannda hin o Ohola nda Oholiba lo ni, vanlaandua laasiaŋaa kan pɛɛn.