Yeremi 3:7 - BII BILA

⁷ Mí dimi aa: «O cii pɛ balɔɔ ndɔ kon, o co muungu o ya lo, kɛ lepilɛ bɛɛ, o hin te. Nduyɛ mí puapilɛ ndɔɔ Yuda lo o lediom coo loo ca ndu.

Yeremi 3:7 Referans Kwoze

Esekiɛl 16:46

Bɛ nɔm laandoo, o co nɔm a maluaŋ-ndo co Samari a cieon balu ndu-on ni, pɔmbɔ nɔm laandu co nɔm a too-o co Sodɔm a cieon balu ndu-on ni.

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Yeremi 5:11

Kani Israɛlla nda Yudaa hui ya.» Sɔɛi fula Mɛlɛka o sondo-e co ken ni.

Yeremi 12:1

Mɛlɛka, nɔm a sandu bɔɔ, o bɛnda mì sɛɛngian a nɔm te. Kɛ o va bɛɛ lende, i yeema mì n suukan naa ŋiɔn o sandei coo: Le kɔlɔ yɛɛ nɛ vanaa vɔɔnda co yɛ fulaa lenin o dɛnɛ nda vɔɔndo nin, mì vanaa vo nɔm te-a connun o kɔlɲuloo nin?

Yeremi 33:24

Vɛ̀ɛ̀ a co tueyɔɔ ɲɛ vannda ha co dimio-o le? A co dimio aa ya cii yungula tiɔnnda yáà hɛli lan kɛɛ, Israɛlla a Yudaa pɛɛn. Nuaa nda co yungu nuu yio kiolɔnndo ni, a nɔ o kɔl maa a co lɛ lelɛŋ a ba nda le.

Esekiɛl 16:47

Te nɔm óò mɛɛlu pɛ o kela vɔɔndo coo maa nda, mí nɔm óò tosa dɛnnda nɔɔlɛilan maa nda kpafii, kon ndóò va tiŋ fisa. Kɛ mí nɔm bɛɛ laasian o kelala nɔmndan kpow nin hiovɔɔ nda coo.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Amɔs 4:8

Le hee, mí vannda va cɔnɔnndo o kobilan tan tiɔn te kon te tan yáá nin le kɔlan mɛnndan kolɔɔ o kobio ndu pilɛ nin, kɛ kolɔɔ iyeemaa cuu nda le. A kon kpow, la mùùngú ya o ibuŋ te. Ya Mɛlɛka soo nuaa ni.

Malasi 2:11

Yudaa lo o lediom coo le. A tosá dɛnnda lamààlan Yerusalɛm ciee a o lɛŋnde Israɛl-ten kpow nin. Kani Yudaa soli fonda diandaa Mɛlɛka-o o báà nin le tùú nda yil vanlaandua sooluu halaa celennda-a o nɔ̀lan-ndo.

2Dɛnnda lemasalan 17:4

Kɛ mó kindikindin le Hala fuɲa ndɔ mamaa sinaa a le silala ndɔlan biyɔɔ. O del dɛnnda vanaa tɔ̀a va tosaa Israɛl-tan kɔɔli le.