Yeremi 3:6 - BII BILA

⁶ O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»

Yeremi 3:6 Referans Kwoze

Esekiɛl 23:11

Mí Oholiba pɔmbɔ ndɔ ca dɛnɛ kon ciŋ, kɛ mí ndu ndu hiaw bɛɛ bɛ ndɔ laasianndo o tiɔmɔɔ nin, mí suundala ndɔlan la hiaw suundala Ohola bɛ ndɔ lan polon.

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Esekiɛl 16:31

Telen oo telen nɔm óò tangul pɛ bandólan o nɛilan kpow sondolan, mí nɔm óò toosiaa kpɔngbɔlan o fondalan kpede coo, a ve tosa maa vanalanɔ suunda leyula le, kani a va vɔngu suundaa pɛɛsaa.

Yeremi 17:2

Mɛɛ nda yiyan poaa ndaa coo yɛ, lende koni nda co yiyanndo fondala-loamaa-lasálàla ndalan, sungbuma soolaama ndan, a yɔmii puiyɛi co o pembon coo-e coo ni.

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Yeremi 3:8

Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

Esai 57:7

O pembii bɛndui vilɛi-vilɛiye coo niaa simi kpele niaa hinia ni, lo niaa co vɛlɛ helɔɔ le sálàlan solio ni.

1Masaa 14:23

Mí nda bɛɛ tangul tombon a powta sálàlan, má toosiaa sungbuma soolan o pembon kpow tullo a o yɔmii kiyɛiye kpede bɛngu.

2Dɛnnda lemasalan 34:1

Yosia ndóò nɔ vɔsilan tan ŋɔmaa mó siŋnun masaa. Mó tosa masalen vɔsilan beleyaa a ò pilɛ Yerusalɛm ciee.

Yeremi 1:2

Mí diom Mɛlɛka-o dimulun ndu o vɔsi tɔ́ a o yàándɔ Yosia po Amon-ndo va masalen tosaa Yuda-o.

Yeremi 5:11

Kani Israɛlla nda Yudaa hui ya.» Sɔɛi fula Mɛlɛka o sondo-e co ken ni.

Yeremi 11:10

A muungun o dɛnnda vɔɔnnda fuɲaa ndaa mamaa kɛɛ le sɔɔn nun biyɔɔ-a coo, má mulin halaa celen kɔɔli le nda sooloo. Israɛlla a Yudaa tɛɛmbuu kpema yáà yii a fuɲaa ndaa mamaa-o.

Yeremi 31:22

Háá telen kuɛɛ n lo yɛnin balɔɔ nɛɛ-nɛɛ ka, nɔm cuaambɔ laandu lanila kaloo ho? Kani Mɛlɛka soli dɛnɛ sɛnɛiyo o lɛŋnden coo, vanalanɔɔ co nin kela vanapɔnɔɔ ni.

Esekiɛl 23:4

Diola cua tasoo aa Ohola, diola pɔmbɔ ndɔlan aa Oholiba. Nda ŋiɔn kpede, le ya Mɛlɛka ndáà va ni, má vialu poaa a cuavaa laandua. Le diola ndalan yɛ, Ohola ndu co Samari ni, Oholiba ndu co Yerusalɛm ni.

Osee 4:13

A co sálàlan solio o pembon tullo, a co ansan lomɔɔ o pembun pɔmbɔn coo, o yálánnde bɛngu, o yɔmii pepliee a o yɔmii terebɛntii puiyɛi bɛngu, ì vunduma ndɔan ma naŋ taw-ve. Le kɔlɔ kon cuavaa ndaa laandua co suundaa ni, mì laandaa poaa ndaa bɛɛ a va suundaa.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Masaa kialaa n'yamaa 2:17

Kɛ a ve bɛɛ masaa kialaa n'yamaa kan lani yaŋɔɔ le, halaa celennda tuŋ nda va sooloo ni. Ma baŋ vulan nda o labɛngunin. Ma mulul dɔ́ɔ́ nɛila fuɲaa ndaa va kelaa coo lan kɔɔ, a bii tɔŋnda Mɛlɛka lan mɛɛ fuɲaa ndaa va tosaa yɛ le.

Condii lisai 106:39

Mí nda pila nɔɔlian a dɛnnda nda va lan tosaa lan, má luɛi suunda-bilaa-n'piɔmndo.

Esai 57:3

Kɛ niaa, la sɔɔnguu nanu, niaa cuavaa kueiya, niaa vanaa suundɛiyaa co suunda leyulaa-a pɛɛn.

Esekiɛl 16:35

Lelan nɔm Yerusalɛn suundɛiyo ho se! Yaŋ nilan o sɔɛi Mɛlɛka-e!