Yeremi 3:4 - BII BILA

⁴ Sisa n mulin nin sɔɛi o ya lo ni aa: ‹Fuɲa nuu, caan ni naa n tosa cuaambɔyɛi-yo.

Yeremi 3:4 Referans Kwoze

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Osee 2:15

I co ndu sangaa tuisi coo le palɛi o tɛɛmbuu o Baalla sálàlan solullo a o nda ansan lumndo nin-nde. O palɛi ken nin, o va kelan suun ndɔn a yɔlɔn ndɔn labolon vownɔnndo, mó va kɔlan o sámáá ndɔa lo, ya ya mó pɔɛɛnun ya. Ya Mɛlɛka soo nuaa ni.

Yeremi 31:9

À co hunɔɔ a caŋndan, mì liilaa nda o tɛɛlɔnnda ndalan nin. I kɔanin a nda o peela pɔmbɔla mɛnndan ma co taw lan, mì kei a nda o nɛi co bɛɛn-bɛɛn o kɔlan-ndo, nɛɛ nda boŋnin mà del te-a. Kani fuɲaa ya co le Israɛl ni, Efraim co po ni tasoo ni.»

Talelan 2:17

Vanalanɔ kon pɛɛn, o kɛɛ pɔnɔ ndɔ ifelengiyaa-o, o pɔɛɛnun kpema Hala ndɔɔ-o.

Condii lisai 71:17

Òó Hala, nɔm pɛɛku ya kabi o felengiyɛi nii nin ni. Nduyɛ, háá hau, i co vannda dimullo a dɛnnda kaamaala nɔmndan o kɔɔ.

Malasi 2:14

Mì la muungu ɲunaa aa: ‹Ko le yɛɛ nɛ o co yɛ naa tosallo lende?› Kani Mɛlɛka pila co seiyo niaa tɛɛn niaa lanɔ n yil o felengiyɛi nɔmnde nin-ndo ni. Ndu yɔŋnun vanalanɔ n yiilu kpemaa-o ni. Kɛ a lo o lediom coo le, má hui ndu.

Yeremi 2:27

A co yɔmndo dimullo aa: ‹Nɔm co fuɲa naa ni›, mà va powvo dimullo aa: ‹Nɔm velu naa ni.› A toɲa, a cii ya kɔɔ mulul, a co lɛ ya tofa le, kɛ te dɛnɛ palaa tol pɛ nda coo, a dimul-la aa: ‹Cɔn ma ciindiaa naa!›

Talelan 1:4

La naŋ le vanaa nɔ taasi le-a taasio yɔngoo, le poombɔ felengoo dɛnɛ sinaa a yiyan sɔvɛɔ yɔngoo.

Condii lisai 119:9

Vɛɛ nɛ langbanɔ felengoo looku yɛ mo va o diandaa nɔm Mɛlɛka o hɔl? Mɛɛ mo bii sɔɛi nɔmnde.

Condii lisai 71:5

Kani nɔm ya tiindan ni, nɔm Maalii Hala nuu, kabi o felengiyɛi nii nin, nɔm ya tiindan ni.

Condii lisai 48:14

La mɛɛndian-ndɔ kpakila ndɔlan, mì la tofa fondala ndɔla mayoomulan ɲɛkɛndɛi, le vanaa hun vialunnin-nda dimullo

Malasi 1:6

Mɛlɛka-Nɔ-Kpaayaa-Kpow-vo dimi aa: «Poo bɛnda mò ke fuɲa ndɔ bɛɛlen, cɛɔ bɛɛ bɛnda mò ke vana ndɔ bɛndoo bɛɛlen. Vɛ̀ɛ̀ o co ya le co fuɲa niaa a vana niaa bɛndoo le? Kɛ le yɛɛ niko la co ya lebɛɛ ke le? La nɔ́ vɛlɛ siòòŋii ni le. La co ya ɲunaa aa: ‹Vɛ̀ɛ̀ naa n kɛɛ yɛ nɔm bɛɛlen ke?›

Yeremi 31:22

Háá telen kuɛɛ n lo yɛnin balɔɔ nɛɛ-nɛɛ ka, nɔm cuaambɔ laandu lanila kaloo ho? Kani Mɛlɛka soli dɛnɛ sɛnɛiyo o lɛŋnden coo, vanalanɔɔ co nin kela vanapɔnɔɔ ni.