Yeremi 3:25 - BII BILA

²⁵ N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Yeremi 3:25 Referans Kwoze

Yeremi 22:21

Telen n ve a buulan kɛ́-kɛ̀ loo, mí soaa o nɔm ndo, kɛ má mulul-la aa o co kpeku nɔm te. Lende n co tosaa kabi o cuaambɔyɛi nɔmnde nin ni, a yeŋ ya lani le few.

Yeremi 2:26

Maa mɛɛ siɛmbulan la bii vuiyo telen nda bii ndu-o yɛ, lende koni la biinin Israɛlla ni: nda pila, masaa ndaa, simlacia ndaa, vanaa-solia-lasálàà ndaa a vanaa-tɛɛngaa-diom halaa ndaa.

Rɔmnda 6:21

Tɔnɔ yɛɛ niaa sɔla yɛ o dɛnnda lan nin telen kon, dɛnnda siɛmbulan la co niaa biyɔɔ sunsun-ndan pɛɛn? Kani mɛɛlula dɛnnda lan co piɔ́mndo ni.

Daniɛl 12:2

Vanaa co o lɔan o sɛilan nin-nda taw a tendulnin. A pum le yoomu fɛɛn-fɛɛndo, a tɔ̀a le siɛmbulan a sanga bɛɛ tambɛi fɛɛn-fɛɛndo.

Esekiɛl 36:32

Nduyɛ, o bɛnda mì la sina pɛngu maa o co le niaa le ya co kon tosa le. Sɔɛi fula Maalii o sondo-e co ken ni, Mɛlɛka pɛɛn. Le hee, niaa cuavaa Israɛlla, siɛmbulan la bɛnda mì la bii niaa, mì la cuu labɛɛ le kela niaa vɔɔndo!»

Esekiɛl 7:18

A vownunnin volɔɔla yuululan, misimisio biinin nda má ɲiiya. Siɛmbulan la biinin nda kpow, a sendinnin tembeltan kpede.

Cɛɛŋɔnnda Yeremi lan 5:16

Mɔsil lemasa va naa o lebol-lo del lɛŋ, le haki naa n cua a Mɛlɛka-o. Mbɔ̀ sanga naa co o bɔɔ!

Cɛɛŋɔnnda Yeremi lan 5:7

Fuɲaa naa tosa dɛnɛ vɔɔndo má cuu, mì sanga kon va naa poaa ndaa coo.

Yeremi 6:26

«Cua laandu nuu, yiinun yala yuuloo o caŋ, mà pimbul o loolio nin, mà tosa biisio maa biisi pole pilɛ, mà tuisi mɛmɛan a mɔnɛi bɛnduei! Kani vana tɛɛmbua hunnin o telen n venin ndu kɔl too.

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 2:17

Kon kpow tosalannin nɔm, nɔm Israɛl, le tùú n kɛɛ Mɛlɛka Hala nɔmndo, o telen o va nɔm nɛi kɛndɔɔ cɔmndo-o.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Esai 50:11

La tuei-yɔ! Niaa co yinnden mɛndullo-a kpow, niaa kɔɔn tuw-tuwvon co o laba-a kpow, la kɔ o yinnde niaalen a o kɔɔn niaa pila divi-on tɛɛn! Ba nuu tuisinin sangala lan niaa coo ni, la hininin o sanga niaa bɛndu-bɛndoo nin.

Esai 48:8

Niáà tui-yɔ ɲɛ-ɲɛ a mun o kɔɔ le, niáà sina vɔ ɲɛ-ɲɛ a mun o kɔɔ le, sɔɔn mún, mún del-lɔ niaa o lani paandu le few. Kani yáà sina maa niáà lonin o lediom coo le, maa kabi o violɔn niaa, a va niaa veeloo aa vanaa nila kalua.

Talelan 5:13

Ko yɛɛ vem yɛ ya diom vanaa va ya pɛɛkoo-a kɛɔ biyɔɔ? Ko le yɛɛ ya kɛɛ yɛ vanaa va ya pɛɛkoo-a nilan yaŋɔɔ?

Condii lisai 109:29

Màá yaamɔaa nia tambu labɛɛ, mì siɛmbulan la tol nda maa doma bɛndu!

Condii lisai 106:7

Telen fuɲaa naa mamaa va Esipte-o, a luei dɛnnda kaamaala n tosa lan yii le, má pɔɛɛnun dɛnnda kɛndɛla n tosal nda lan, má kindi nilan o mɛmma ihɛllan kɔngɔ, mɛmma ihɛlma makpɛ̀ndɛ̀an pɛɛn.

Masaa kialaa n'yamaa 2:2

Mí dimul niaa maa o bɛnda mì la cɛlan o ɲɛ-ɲɛ coo niaa vanaa co o lɛŋnden nden nin-nda le, maa la puusiaa máánnda ndalan, kɛ la tui ya diom te. Le kɔlɔ yɛɛ nɛ niaa tosa yɛ lende?

Condii lisai 106:6

N cua hakio maa fuɲaa naa mamaa, n tosa dɛnnda vɔɔnndan, n tosa kɔlvesɛiyo.

Yeremi 3:13

Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Yeremi 8:14

«Le yɛɛ naa n co yɛ lou icali? N cuungian nɛɛ pilɛ, mì n kɔɛnnun o kobila kpakilan nin, mì n kɔ vunnun ndon! Kani le vuo Mɛlɛka Hala naa kɛsi naa ni, o co naa mɛmma bɔ̀tàán koesi, le tùú naa n cua hakio a ndu Mɛlɛka-o.

Yeremi 14:7

«A toɲa, hakila naalan la co naa seilen solullo, kɛ Mɛlɛka, tosa ɲɛ pum le diola nɔmndan, kani n hui nin nɔm bɔɔ, naa n vɔw a nɔm ni.

Yeremi 14:20

Mɛlɛka, n sina maa n cee tosa le, n sina vɔwle fuɲaa naa. Naa n cua hakio a nɔm ni.

Yeremi 20:18

Le yɛɛ ya fula yɛ kala nuu o dembe, le sangaa a mɔnɛi cɔu nuaa, a le ceen nuu hivio o siɛmbulan ndan nin?

Yeremi 31:19

A toɲa náà n kɔɛ nɔm levil, kɛ sunsun n sina maa n cee tosa le. N sina tɛɛmbuula naalan mí n biinun balan o lebol, siɛmbulan la bii naa mí n kiolu vai le dɛnnda naa n tosa o cuaambɔyɛi nin-ndan.›

Esekiɛl 2:3

Mó dimul-la aa: «Po vanacieo sei, ya co nɔm vomɔɔ o cuavaa Israɛlla lo ni, o vanaa-mangalaa-isɔɔa nila kalua lo ya co nɔm vomɔɔ ni, a simul-la kan nda pɛɛn. Nda a fuɲaa ndaa mamaa, vanaa nila kalua nda yɔŋnun a ya háá hau ni.

Talelan 13:18

Vana kɛɛ pɛ le silaa tueyɔɔ, ndu siŋnun vana bala fondoo, o nɛinun vannda. Kɛ vana cɛl pɛ ma dimul ndu sɔvun ndɔn, o sɔla bɛɛlen.

Yeremi 7:19

Sɔɛi fula Mɛlɛka o sondo-e co hee ni aa: «Mò va maa ya nda co pala ni? O co siɛmbula nda pila lan te nda co dovi kon te?»

Yeremi 9:18

Kani yeelan a somisominndan la co diomndo fulaa a ba Siɔn-ndo aa: «Kpòkóó dɛnɛ! Mbɔ̀ naa n tambu fɔ́! Siɛmbulan la tol naa kangalan, fɔ mi n mal lɛŋnden nden. Kani a cii calta naalan puusiaa!»

Yeremi 11:13

Kani Yudaa nda, mɛɛ nda nɔ kobilan yɛ koni nda nɔ halaa ni! Mɛɛ Yerusalɛmnda nɔ nɛilan sɛ́lɛ́ taw yɛ koni nda tangul máánndan le piɔmaa ndaa Baal sálàlan solullo ni.›

Yeremi 12:13

Niáá saŋ maalon, mi la va yɔɔn booson kovɔɔ. La co sangaa bɛndoo pila, kɛ la co tɔnɔ oo tɔnɔ sɔla le. Siɛmbulan la bii niaa a ɲɛ niaa co kovɔɔ-o, ken tosan le tùú Mɛlɛka tambu kɔllo a niaa taw-vo.

Esekiɛl 44:13

A sɔɔnguu lɛnin ya ikɛi le vali solia lasálàá tosaa le ya le few, a sɔɔnguu lɛnin o cɛila-kolala-toandaala nila diandaalan o ɲɛm niin diandaa-diandan ikɛi le. Siɛmbulan la toalnin nda, mí kɔmnde fula o dɛnnda ndala nɔɔlɛilan nin-nden le tol nda coo.

Osee 9:10

«Maa rɛsɛŋun co o lɛŋnde veselɛilen nin-ndon lende ya komal Israɛlla ni, maa voosun tasen voosoo koam-ndon ya ce fuɲaa niaa mamaa ni. Kɛ mɛɛ nda tiiya dɔ́ɔ́ Baal-Peɔr, má luei balan o piɔm nɔɔlɛi kon sooloo, mí nda pila siŋnun ɲɛ vɔɔn bɛndoo ya Mɛlɛka o hɔl maa piɔm ndáà kaola kon sɛnɛi-yo.

Sofoni 1:17

I tuisinin dɛnɛ palaa vanndacieea coo mà va kɔlan a nɛiyo nuwviaa maa vanaa sumɛi. Kani a cua hakio a ya Mɛlɛka. Kooma ndan ma sɛŋinnin maa cundu, mì nda pila tiw a vílɛ́iya maa bil.