Yeremi 3:23 - BII BILA

²³ A toɲa, fondo fúú koni naa n del sooluula fondolan kɔɔli o pembon coo ni. Kɛ Mɛlɛka Hala naa o ba cinda Israɛlla co ni.

Yeremi 3:23 Referans Kwoze

Condii lisai 3:8

Cɔn Mɛlɛka! Ciindiaa ya, Hala nuu! Kani nɔm lɔaa yaamɔaa nia kpaŋndon ni, nɔm yimì vanaa kɔlvesɛiya ciŋndon ni.

Esai 12:2

A toɲa, Hala co baŋan nuu ni, lelan ndu ya kɛsi laalan nuu kpede coo ni, siòòŋii biinin ya a ɲɛ-ɲɛ le. Kani Mɛlɛka co yoomuma niaan a vana ya co lisaa a condon-ndo ni, ndu co cinda nuu ni.›

Nsaŋ 4:22

Ɲɛ niaa sina loo niaa co biiloo ni, naa naa yɛ, ɲɛ naa n sina-o naa n co biiloo ni. Kani Hala Yuifia o ba cindaa fula ni.

Osee 1:7

Kɛ i lonin Yudaa kaolaa tei, mì ciindiaa nda, ya Mɛlɛka Hala ndaa. O venin a kpaasiaa le, o venin a mɔɛi cɔw le, o venin a cɔw le, o venin a n'so, o venin vɛlɛ a vanaa ɲaanun o soa coo-a le ya ciindiaanin nda.»

Esekiɛl 20:28

Kani mí luei nda o lɛŋnde yáà heelu baa coocoo mí yáà mɛnan le nda yɔngoo len nin. Kɛ nɛɛ-nɛɛ nda ce pembii vilɛiye a yɔm puiyaa lenin, má kɔ soli sálàlan ndon, má cucu kpeyannda lan ndon, má soli sálàlan a lasikɔlɔ cun kɛndɔɔ lon, má taaliaa sálàla mamɔilan ndon le ya kɔllo tuuloo.

Yeremi 17:14

Mɛlɛka, singi ya mì sengu, ciindiaa ya mì cinda, kani biilu nɔmndo co ya o sondo lɔ́ɔ́-lɔ́ɔ̀.

Yeremi 14:8

Nɔm Israɛl tiindan-ndo, nɔm ciindiaa ndu o telen dɛnɛ palaa-o, le yɛɛ nɛ n tosa yɛ maa mial o lɛŋnde ndɔlen nin, maa vana hiawnan kei cɛi-kola-toandaa ndɔɔ simi le lɔan-ndo?

Yeremi 3:6

O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»

Esai 63:16

Nduyɛ nɔm co fuɲa naa ni. Abraham sina naa le. Israɛl bɛɛ loonun-ndɛ a naa le, kɛ nɔm Mɛlɛka, nɔm co fuɲa naa ni, kabi lɔ́ɔ́ levil, nɔm nɔ diolan ni aa vana naa baŋaa.

Esai 63:1

Nɛ̀ɛ́-nɛ̀ co yɛ hoo cɔnɔnndo o lɛŋnde Edɔm-nden nin mò va hunɔɔ? O co hoo cɔnɔnndo o kobio Bɔsra nin, mì sɔŋnda siaŋalan la va o volɔɔla ndɔlan-ndo? Vana kalaa co hunɔɔ a volɔɔla sɔvɛlan lekɔɔ, o co hunɔɔ a hɔlaa heelaa, a kpaaya ndɔɔ o piaa ndu o n'dial ca. Ya Maalii co sɔɛi a sandei ni, ya nɔ kpaayaa le (niaa) ciindiaa-o ni.

Esai 45:20

La cuungian nɛɛ pilɛ mi la hin, la sɔɔnguu diom pilɛ, niaa vanaa lo yoomu o vanaa-mangalaa-isɔɔa tɛɛn-nda! Vanaa co piɔmaa ndaa iyɔmnda vilio-a a nɔ kɔlkalu le. Kani hala nda co piɛiyo-o nɔla vana ciindiaa le.

Esai 45:17

Mɛlɛka o ba Israɛlla sɔla cindaa ni, cinda co le fɛɛn a fɛɛn-ndo. Le fɛɛn a fɛɛn, siɛmbula biinin niaa le, la tembunin labɛɛ le.

Esai 45:15

Éé Hala, lekɛ́ndɛi Hala vianunnun-ndo n co ni. Hala Israɛlla a vana ciindiaa n co ni!

Esai 44:9

Vanaa cɔaw piɔmnda-a, vanaa fondoa fúú nda co ni. Ɲɛm ndan kɛndɛn hiow naŋɔɔ-on n nɛŋi kpeku oo kpeku le, ɲɛm mun pila co seilen tɛndaa kpendekele: ɲɛm nda cɔaw-von ci le, n sina ɲɛ-ɲɛ le. Siɛmbulan la tol nda pila vanaa cɔw mun-nda.

Esai 43:11

Ya ni, ya co Mɛlɛka ni, o ya kɔɔli, vana ciindiaa celen co le.

Condii lisai 62:7

Ndu kínɛí co pow kpova nuu ni, cinda nuu a kpaki nuu, Lelan i boŋnin te.

Talelan 21:31

Vana nɔlà mì vana toosiaa soa ɲɛkɛndɛi le paale cɔwlen, kɛ Mɛlɛka tosa ni mì vana nɔla yaamɔɔa o cɔwvo.

Yeremi 17:2

Mɛɛ nda yiyan poaa ndaa coo yɛ, lende koni nda co yiyanndo fondala-loamaa-lasálàla ndalan, sungbuma soolaama ndan, a yɔmii puiyɛi co o pembon coo-e coo ni.

Yeremi 31:7

Kani Mɛlɛka dimi aa: ‹La yonda a kɔlkɛndɔɔ le Israɛl, la viow kponyoo a kɔlta niaalan kpow, le lɛŋnde hiow lɛŋii vanaa-mangalaa-isɔɔa len.› La yonda mì la dimi aa: ‹Mɛlɛka, cííndiaa vanaa nɔmnda, Israɛlla lo yoomu-a pɛɛn.›

Esai 10:20

«O palɛi ken nin, Israɛlaa tɔ̀a lonin yoomu-a, cuavaa-imamaa Yakɔb-a hialunnin-nda, a tiindan ndɛnin vana vanin nda lɔɔ-o le, kɛ a tiindannin Mɛlɛka pila kpeekpei, O-Diandaa Israɛlla pɛɛn.