Yeremi 3:22 - BII BILA

²² La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Yeremi 3:22 Referans Kwoze

Osee 14:1

«Samaria sɔlanin sangaa le tɛɛmbuula ndalan, kani a simul Hala ndaa. Vanaa co icali lon-nda sɔlanin piɔ́mndo o mɔɛi cɔwve bɛngu. Cɛlɛkpɛa ndaa pesipesinnin. À tɛɛndiaanin vanlaandua lafolia ndaa dembelan.»

Osee 14:4

O co Asiri le nɔlanin naa ciindiaa le, n hel-lɛnin o soa cɔw coo le, n veelu lɛnin ɲɛ naa n cɔw a laba-o aa hala naa le. Kani nɔm tuinun vííyo iɲíí ni.›

Sakari 13:9

I lueinin kunda yàándɔ lonin kon-ndo o yinnden nin, mì dindi ndu mɛɛ vana dindi volii humbuei yɛ. I dindinin ndu mɛɛ vana dindi sianiei yɛ. Vanaa kan a pialnin diola nilan o piɛilen nin, mì mulul nda. I diminin aa: ‹Vanaa nia co haa ni.› O kon nda bɛɛ diminin aa: ‹Mɛlɛka co Hala naa ni.›»

Osee 13:4

Ya yɛ, kabi kandɔɔ o lɛŋnde Esipte len nin, ya co Mɛlɛka Hala niaa ni. La sina Hala celen o ya kɔɔli le, vana ciindiaa celen co o ya kɔɔli le.

Osee 3:5

O kon kɔɔli, a muungunin mà nuwviaa Mɛlɛka, o co Hala ndaa-o, mà nuwviaa vɛlɛ David masa ndaa. A sɔɔnguunin Mɛlɛka a dɛnɛ ndɔ kɛndɔɔ ikɛi a ɲiiyaa.»

Yeremi 30:17

I minginin nɔm mɛɛ n va paandu yɛ, mì singi boolɔnnda nɔmndan. Kani a co nɔm veeloo aa: ‹Nɛŋi mako le›. Siɔn ni, vana-vana nɔ mako a ndu le.» Sɔɛi fula Mɛlɛka o sondo-e co ken ni.

Yeremi 31:18

I tuei cɛɛŋɔnnda vannda Efraim co lan ɲɛkɛndɛi, a co dimio aa: ‹A lɔɔ naa bɔɔ a hɔlta kalalan le naa mingio o nɛi, maa mɛɛ nda sila naw tova nila kaloo yɛ. Kɛ mingin naa o ibuŋ mì n muungu lekɛ́ndɛi. Kani nɔm Mɛlɛka co Hala naa ni.

Condii kɛndɛ-kɛndɛi 1:4

Nan ya nɔm kɔɔli mì n ɲaanun. Masa nuu, luei ya o cɛi nɔm lɔlaa nin, mì n kɔ mì n dɔwnun ɲaale naa ŋiɔn. N lisanin piilianndaan hiovɔɔ mɔiyan coo. A toɲa, cuavaa laandua kaola nɔmnda nɔ dí le nɔm kaolaa.

Osee 14:8

A muungunin mà cal o vunduma ndɔan bɛngu. A muungunin mà vàá maalon, mà kui mɛɛ rɛsɛnndon koam yɛ, mà sɔla tɔ́ɔ́ maa mɔiyan Liban.

Yeremi 33:6

Kɛ i dɔawnin nda danda mà muungu maa paandu. Mì singi cɛila ndalan, mà sɔla kɔlɲuloo, mà va nila ɲulu.

Esai 27:8

Ɛ-ɛ, o yɔŋnun lende le, kɛ tùúlen n bandìla nda ni, má toaw nda ma fula o lɛŋnde ndalen nin, má kɔandu nda o hoeyii fùkù-fùkùi fula a ba paalen le can-ndo-e nin.

Esai 1:2

«Niaa co o halataalaa-a, la yaŋ nilan! Niaa co o lɛŋnden coo-a, la yaŋnun! Kani Mɛlɛka co sɔɛi. I dɔw cuawva balo, mí manda nda, mí soli nda lenin, kɛ a simul-la a nila kalulan.

Esai 57:17

Le ɲɛm vannda poondiaa a kafalan-ndon mí tambu kɔl a nda, mí soaŋ nda, mí viannun o kɔl ni tambɛiyo nin, kɛ vanaa nila kalua nda co ni, a co hiovɔɔ laci a kɔlan o nɛi kɔl ndaa coo.

Yeremi 3:12

Kɔ a ba luaŋ-ndo mà yonda sɔɔn mun aa: ‹Nɔm Israɛl lo o lediom coo loo muungu nanu! Ya Mɛlɛka co sɔɛi nuaa ni. I tofa lɛnin niaa tofa vɔɔn te, kani vana lo o lediom coo-o ya co ni. Ya Mɛlɛka co sɔɛi nuaa ni. I mandanin kɔl tambɛi nuu le lɔ́ɔ́-lɔ́ɔ̀ le.

Yeremi 4:1

Mí Mɛlɛka dimi aa: «Israɛl, taa muungu pɛ ya o ibuŋ, taa mal pɛ piɔmnda sooloo, mà ve lɛ laasian te, mɛɛ a nɔla ma muungu ya o ibuŋ.

Esekiɛl 33:11

Lelan, dimul nda maa diom Maalii Hala dimi-o co hoo ni aa: «Le yoomu nuu, i hɛnan mì vana kɔlvesɛiyo vi le, kɛ mò mangala kela ndɔ vɔɔndo haliko mò va yoomu. Le hee, la mangalan! La mal kelala niaala vɔɔnndan! Le yɛɛ nɛ niaa yeema yɛ le vuo, niaa cuavaa Israɛlla?»

Esai 31:6

Lelan niaa cuavaa Israɛlla, la muungu vana niaa mulul paandu kɔɔ mi niáà kɛɛ ndu few-few-vo o ibuŋ!

Esekiɛl 18:30

Lelan i kialunin yamɛi niɛi mɛɛ dɛnnda vana-vana la co yɛ, niaa cuavaa Israɛlla pɛɛn. Sɔɛi fula Maalii, o co Mɛlɛka-o o sondo-e co ken ni. Lelan la mangalan, mì la mulul dɛnnda niaala vɔɔnndan kpow kɔɔ, yɔŋii biondɔnnda niaalan la siŋnun pow boŋaa le niaa.

Osee 14:5

I singinin Israɛlla le kɛɛ nda kɛɛ lou o lediom coo-o. I kaolanin nda a kɔl nuu kpow, kani i co lɛ a kɔltuw nda le.

Yɔɛl 2:12

Mɛlɛka dimi aa: «Lelan nihau, la muungu ya o ibuŋ. La muungu ya o ibuŋ a kɔlta niaalan kpow, a sumndo biyɔɔ, a caŋndo a á cɛɛŋɔnndo.»