Yeremi 3:21 - BII BILA

²¹ Diomndo co tueinɔnndo o pembon coo: ‹cuavaa Israɛlla co caŋndo a tɛɛlɔnndo ni, kani a mal nɛi kɛndɔɔ, má pɔɛɛnun ya Mɛlɛka Hala ndaa.

Yeremi 3:21 Referans Kwoze

2Korɛntea 7:10

Kani kɔl tambɛi Mɛlɛka cɛ̀l ho mò komal vana-o, ndu tosà ni mì vana kon mangala kela ndɔɔ, ɛɛ nduyɛ mò sɔla cindaa. Lelan, vana tembu kɔl a ndu le. Kɛ kɔl tambɛi ceendo ho ndu, piɔ́mndo o yɔngu vana sɔlaa ni.

Yeremi 31:9

À co hunɔɔ a caŋndan, mì liilaa nda o tɛɛlɔnnda ndalan nin. I kɔanin a nda o peela pɔmbɔla mɛnndan ma co taw lan, mì kei a nda o nɛi co bɛɛn-bɛɛn o kɔlan-ndo, nɛɛ nda boŋnin mà del te-a. Kani fuɲaa ya co le Israɛl ni, Efraim co po ni tasoo ni.»

Yeremi 3:2

Heelu vɔ hɔlla o pembon coo mà tofa, kuɛɛ nɛ n kɛɛ yɛ nɔɔlian a piɔmnda sooloo? A co icali o nɛilan lekɔɔ nda cum maa Arabua kela o lɛŋnde veselɛilen nin-nda. A nɔɔliaa lɛŋnden a suunda nɔmndo a á kela nɔm vɔɔndo.

Yeremi 2:32

Vɛ̀ɛ̀ cua laandoo pɔɛɛnun pá ɲɛm ndɔn kɛɛmianndon? Vɛ̀ɛ̀ vanalanɔ nda fula kɔɔli le nɔu-vo pɔɛɛnun pá kolacoole ndɔlen? Nduyɛ, o co nin hau lɔ́ɔ́ levil mí vanaa nia pɔɛɛnun ya.»

Esai 17:10

Kani la pɔɛɛnun Hala nɔ cinda niaa o ba-o, la loonun a Pow kpova co nɛɛ niaa viannannda-o le, lelan niaa co nakɔla kɛndɛlan tɔlɔɔ le halaa niaa ni, lelan niaa co kulun súú celenndon saŋɔɔ ni.

Esai 15:2

Vannda co helɔɔ o cɛi máándo nin, a co kɔlan Dibɔn. A co kɔlan o fondala soolaalan le caŋndo, vannda hel Nebo a Medeba ma va somisominndo. Vannda kpede a sendi bolle, nda kpow a sendi siaiyon.

Misee 3:9

«Niaa sei! La yaŋnun sɔɛi he, niaa simlacia co cuavaa Yakɔb-a coo-a. Niaa simlacia cuavaa Israɛlla, niaa nɔ nɛyɔn dɛnɛ sandaa mí la va sandei tundɔɔ-a pɛɛn.

Osee 13:6

Mɛɛ niaa tiiya o yondo puiyaa nin, mí la dia, mí lapum cá. Mɛɛ niaa pim, mí kɔlta yongalan la luɛi niaa nin, mí la pɔɛɛnun ya.

Osee 8:14

Cuavaa Israɛlla pɔɛɛnun vana cɔw nda-o mà tengulun cɛila lemasalan. Yudaa tengulun kobila mayoomulan taw. Kɛ i co hunɔɔ kobila ndala lan malɔɔ yin, mì yinnden le lom cɛila lemasala lan.»

Esekiɛl 23:35

Nuaa Maalii, o co Mɛlɛka-o dimi ni aa: «Le tùú n pɔɛɛnun ya-o, le tùú n kɛɛ ya ma mulul-la kɔɔ-o, mɛɛ nɔm bɛɛ sɔla niko sangaa le suunda nɔmndo a le nɔɔlian nɔmndo.»

Esekiɛl 7:16

Vanaa hialunnin má lo yoomu-a, nda ɲaanunnin má kɔ hel o pembon coo. A vanin ndon maa poonpoŋaa caŋ o bóltan nin-nda, vana-vana vanin somisominndo le tɛɛmbuu ndɔɔ.

Talelan 19:3

Vanacieo tosa pɛ diɔmnde mì dɛnɛ hɛlun ndu, o mululun Mɛlɛka a kɔltuwvo.

Talelan 10:9

Vana kela pɛ o sandei nin, o vannun yili, kɛ vana kela pɛ kela tuunduɛiyo, niinu ndɔɔ fulanin ceen.

SƐBƐ YƆB-O 33:27

Mì vana kon soli condei vannda o hɔl, mò dimi aa: ‹I tosa hakio, mì laasiaa dɛnɛ sandaa, kɛ Hala bii mɛɛ kela nuu yɔŋnun yɛ le.

Kundalan 22:32

Mí mɛlɛkanɔ Hala-o dimul ndu aa: «Le yɛɛ n lɔɔ yɛ sofɛlɛ nɔmndo háá bɛmbɛ leyáá? Ya hin le nɔm kuunaa hiovɔɔ ni, kani i ce maa nɛiyo yelelalnin nɔm te.

Esai 57:11

Nɛ̀ɛ́-nɛ̀ va yɛ niaa vueinɔnndo? A Nɛ̀ɛ́ niaa va yɛ siòònde yɔŋndo, mí la va còòlan dimio, la ve vɛlɛ loonɔn a ya o kɔɔ le. La ve yiyan o dɛnɛ nuu coo le? Vɛ̀ɛ̀ le mɛɛ ya co o meiyo nin kabi lɔ́ɔ́ levil lɛ niaa kɛɛ le siòòŋii nii nɔu ni?

Yeremi 7:29

Mɛlɛka dimi aa: «Kiolun yiinde, mà viow, hel o pembon coo mà cɛɛŋun! Niaa vannda paalen nden hau, niaa tuulu ya kɔllo ni, i yeema lɛ niaa le, i kɛɛ niaa.

Yeremi 12:12

Vanaa poondiaa vannda ɲɔɔn o laba-a tiw o pembun bil vil te-on coo kpede o lɛŋnde veselɛilen nin, kani mɔɛi cɔvii Mɛlɛka-e co tɛɛmbuuo a labɛɛla, kandɔɔ o lɛŋnden kpengei kɔlan fulaa o kpengei pilɛi faŋ! I co vana-vana kpakpala le.

Yeremi 13:25

Ɲɛ co nɔm Yerusalɛm cumndo-o co kon ni, o ya kɛsul nɔm-ndo pɛɛn. Sɔɛi fula ya Mɛlɛka o sondo-e co ken ni, kani a pɔɛɛnun ya, má kɔngan halaa fondoa.

Yeremi 18:15

Kɛ nduyɛ vanaa nia pɔɛɛnun ya, má muungu piɔmaa co n'hala le-a sálàlan solullo, má va faŋanndo o nɛi nda paandoo coo, le sɔɔndianndo nɛɛ nɛi co le-a.