Yeremi 3:19 - BII BILA

¹⁹ «Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Yeremi 3:19 Referans Kwoze

Yeremi 3:4

Sisa n mulin nin sɔɛi o ya lo ni aa: ‹Fuɲa nuu, caan ni naa n tosa cuaambɔyɛi-yo.

Yeremi 31:9

À co hunɔɔ a caŋndan, mì liilaa nda o tɛɛlɔnnda ndalan nin. I kɔanin a nda o peela pɔmbɔla mɛnndan ma co taw lan, mì kei a nda o nɛi co bɛɛn-bɛɛn o kɔlan-ndo, nɛɛ nda boŋnin mà del te-a. Kani fuɲaa ya co le Israɛl ni, Efraim co po ni tasoo ni.»

Esai 63:16

Nduyɛ nɔm co fuɲa naa ni. Abraham sina naa le. Israɛl bɛɛ loonun-ndɛ a naa le, kɛ nɔm Mɛlɛka, nɔm co fuɲa naa ni, kabi lɔ́ɔ́ levil, nɔm nɔ diolan ni aa vana naa baŋaa.

Hebreea 10:39

Naa, n co vanaa muungu a makɔɔ le lou o ɲánndávàà le naa n co le, kɛ vanaa laalan Hala le cindaa sɔlaa-a.

Efɛsea 1:5

ndóò cii nin cɛlɔɔ mi ndóò siinguu naa cuavaa ndɔa o Yeesu Krista nin. Mɛɛ hɛnan ndɔɔ co yɛ o tosa kon ni.

Kalatea 3:26

Kani mɛɛ niaa co kpede, cuavaa Hala-a niaa co le laalan niaa laalan Yeesu Krista-o ni.

Osee 11:8

Vɛ̀ɛ̀ ya nɔla yɛnin niaa kɛɛ, niaa cuavaa-imamaa Efraim-nda? Éé niaa Israɛlla, vɛ̀ɛ̀ ya tiw yɛnin ba mì yii niaa dúmbú? Vɛ̀ɛ̀ ya nɔla yɛnin mì tosal niaa maa kobio Adma, te kon te mì siinguu niaa maa kobio Seboyim? Kɔllo hiilun ya nin, ɲííye bii ya taw-taw.

Daniɛl 11:45

O baŋnin cɛila-kolala-toandaala ndɔla lemasalan o mɛmma ihɛllan a o Pembii-Diandɛi co o lɛŋnde hiow naŋɔɔ len nin-nden tɛɛn. Lon mɛɛlula ndɔlan la vanin ni. O sɔlanin vana malaa le.»

Daniɛl 11:41

O luɛinin o lɛŋnde hiow naŋɔɔ len nin, mò bii vanaa bɔɔ-bɔɔ, kɛ Edɔmnda, Moabua a cuavaa lebolla o cuavaa Amɔn-nda tɛɛn a hialunnin ndu.

Daniɛl 11:16

O tosanin ɲɛ hɛnannin kɔl ndɔɔ-o, vana-vana nɔlanin ndu simullo le. O calnin o lɛŋnde hiow naŋɔɔ len nin, o nɔnin kpaayaa le ɲɔɔn tɛɛmbuuo.

Daniɛl 8:9

Mí lee pɔmbɔɔ vul o leela lan o pilɛ, mó sɔla kpaayaa a ba too, a ba paalen le can-ndo a á ba lɛŋnde hiow naŋɔɔ len.

Esekiɛl 20:6

Paale len, mí heelu baa coocoo, mí mɛnalan nda le nda faŋaa o lɛŋnde Esipte len nin, le nda yɔɔ o lɛŋnde ya mɛɛndian le nda len nin, lɛŋnde cɔlua a tɔlɔɔlan la naŋ nin taw-taw len, lɛŋnde hiow lɛŋnde kpow naŋɔɔ len.

Yeremi 31:20

Efraim co po ni kaolaa ni, po ya handu kɔllo coo-o. Telen oo telen ya va pɛ ndu dɛnɛ palaa tuisio coo, kɔllo faŋan ya o ndu lo le. Yiyanndo tuŋ ya yiyan ndu coo ni. Kani kaolaa pila ya kaola ndu ni, ɲííye pila ya nɔ a ndu ni.» Sɔɛi fula Mɛlɛka o sondo-e co ken ni.

Yeremi 12:10

Vanaa mandaa n'cɔlua sɛ́lɛ́a a tɛɛmbuu nakɔ n'rɛsɛn nuu, a nɛw ciɛi nii kɛndɛ-kɛndɛi, má mingi ndi lɛŋnde veselɛile imɔnɔ len.

Yeremi 5:7

«Yerusalɛm, vɛ̀ɛ̀ ya mal lɛ nɔm haki lende? Cuavaa nɔmnda kɛɛ ya, mà muungu mɛɛnianndo o ɲɛm co Hala loon. I va nda ɲɛm ndáà nɔ makoo-on yɔngoo, kɛ má yiinan sɛ́lɛ́ bɛndoo o cɛi suundaa nin.

Esai 64:8

Lelan, yandi Mɛlɛka, dɔawnun tumbé mà hiow ba le, va yiyanndo lɔ́ɔ́-lɔ́ɔ̀ o biondɔnnda naalan coo le. Tofa vɔ niko, naa kpow vanaa nɔmnda naa n co ni.

Talelan 3:35

Vanaa kɔlkalua sɔlanin biiloo maa kɛ́, kɛ diɔmnda nda sɔlanin pɛɛsa hiow pɛɛsalan kpede-o.»

Condii lisai 106:24

O kon, mí lɛŋnde kɛndɛle len le kuisin nda, a laalan sɔɔn Mɛlɛka dimi-on te.

1Piɛr 1:17

La co Vana hiyan vana o yamɛi kiolɔɔ nin too veeloo o piɛile niaalen nin aa Pua, ó kialu yamɛi vannda mɛɛ dɛnnda vana-vana la co yɛ-o pɛɛn, lelan la kela a siòònde telen niaa co o lɛŋnden coo-o.

Condii lisai 16:6

Ɲɛ ya sɔla nɔm o ba-o co bɔɔ ɲɛ kɛndɛ bɛndu, kɛ́ kɛndɛ-kɛndɛ nɛŋi ya kɔllo-o o co ni.

Condii lisai 89:26

O sɔlanin kpaayaa mɛmma ihɛllan coo, peelan bɛɛ la vanin ndu o ba bɛngu.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Tɔŋ miingua 14:1

«Cuavaa Mɛlɛka-a niaa co ni, Hala niaa pɛɛn. Lelan, la kiaŋnun vaasan lekɔɔ le, la sendin temboo o kpokpoo coo le dɛnɛ vana vílɛ́iyo le.