Yeremi 3:18 - BII BILA

¹⁸ O palɛi ken nin, cɛi Yuda-o mɔsɔŋannin a cɛi Israɛl-lo, mà fula latulu o lɛŋnde co a ba luaŋ-ndo len nin, mà hin o lɛŋnde ya yɔngu fuɲaa niaa mamaa kɛ́ɔ len nin.»

Yeremi 3:18 Referans Kwoze

Yeremi 31:8

I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.

Amɔs 9:15

I tɔalnin nda o lɛŋnde ndalen coo, à nɔla lɛnin sungɔnndo o lɛŋnde ya yɔngu nda len coo le fɛɛn a fɛɛn te. Lende Mɛlɛka, Hala niaa dimi ni.»

Yeremi 50:4

Sɔɛi fula Mɛlɛka o sondo-e co hee ni aa: «O telen kon, Israɛlla a Yudaa cannin latulu, mà hin ya nuwviaa a caŋndan, ya Mɛlɛka Hala ndaa pɛɛn.

Yeremi 23:8

Kɛ a vanin mɛnanndo aa: «Le Mɛlɛka yoomaa, o soli Israɛlla o lɛŋnde maluaŋ-nden nin a o lɛŋii kɛ́-kɛ̀ ndóò tow nda nin, mó mingi nda o lɛŋnde ndalen nin-ndo!›»

Yeremi 16:15

Kɛ aa: ‹Le Mɛlɛka yoomaa, o soli Israɛlla o lɛŋnde co a ba luaŋ-ndo len nin a o lɛŋii tɔ̀ɛi ndóò tow nda nin-nde nin-ndo!› Kani i co nda mingi o lɛŋnde ndale yáà yɔngu fuɲaa ndaa mamaa len nin.»

Yeremi 3:12

Kɔ a ba luaŋ-ndo mà yonda sɔɔn mun aa: ‹Nɔm Israɛl lo o lediom coo loo muungu nanu! Ya Mɛlɛka co sɔɛi nuaa ni. I tofa lɛnin niaa tofa vɔɔn te, kani vana lo o lediom coo-o ya co ni. Ya Mɛlɛka co sɔɛi nuaa ni. I mandanin kɔl tambɛi nuu le lɔ́ɔ́-lɔ́ɔ̀ le.

Sakari 10:6

I lueinin polale Yuda len yoomuan, mì baŋa polale Yosɛf len. I minginin nda o la nda lo, kani ɲíí ndɛi co ya. A vanin vana ca kaa kabi bɛɛ yáà tuw-vɔ nda polon te. Ya co Mɛlɛka ni, Hala ndaa pɛɛn, i mululnin nda piɛilen.

Yeremi 50:20

Ya Mɛlɛka co sɔɛi he dimio ni aa: ‹Telen kon, a nuwviaanin tɛɛmbuula Israɛlla, kɛ la venin te. A nuwviaanin hakila Yuda lan, kɛ a seelunnin ndan te. Kani i malnin vanaa lonin yoomu-a haki.›

Yeremi 30:3

Sɔɛi fula Mɛlɛka o sondo-e co hee ni maa paale vanin, mì mingi Israɛlla nda Yudaa lɛŋnde yáà yɔngu fuɲaa ndaa mamaa len o ba, yungu ni co o biyɔɔ nin-ndo pɛɛn. Mɛlɛka dimi lende ni.»

Yeremi 7:7

mɛɛ i kɛsinin niaa o fonda kon, o lɛŋnde ya yɔngu fuɲaa niaa mamaa le lɔ́ɔ́-lɔ́ɔ̀ a lɔ́ɔ́-lɔ́ɔ̀ len nin.

Yeremi 50:5

A ɲunanin nɛiyo le kɔlan Siɔn, mà muli hɔlla a ba kon. A hunnin mà yiinun a ya Mɛlɛka, mì kpema fɛɛn a fɛɛn-ndo va naa tɛɛn, o nda pɔɛɛnnin lɔ́ɔ́-lɔ́ɔ̀ loo.

Esekiɛl 11:17

Le hee, dimul nda aa nuaa Maalii Hala dimi ni aa: ‹I faŋanin niaa nɛɛ nia co vanaa súúla celen nda tɛɛn-nda, mì cuungiaa niaa. I solinin niaa o lɛŋii niaa co a saŋnannda nin-nde nin, mì mɔɔsiaa niaa, mì yɔngu niaa lɛŋnde Israɛl-ten.

Sakari 2:6

Mí ɲuna ndu aa: ‹Kuɛɛ nɛ n co yɛ kɔlan?› Mó muli aa: ‹Yerusalɛm ya co kɔlan tuuvo ni, le bu ndɔɔ a bandii ndɔɛi sinaa.›

O Kandɔɔ 12:7

Mí Mɛlɛka cɔmnun Abram, mó dimul ndu aa: «I yɔngunin cuavaa nɔmaa imamaa lɛŋnden nden.» Mí Abram cɔaw fonda-loamaa-lasálàá o fonda Mɛlɛka cɔmnun ndu kon-ndo le ndu Mɛlɛka sálàá solullo lecoo.

Esai 43:5

Lelan la yɔŋ isiòòn te, kani i co niaa ikɛi, i cuanin vanaa niaa co a ba paalen le can-ndo a, mì mingi nda o niaa lo nanu. I cuanin niaa nɛɛ paalen le del-la, mì cuungiaa niaa nanu.

Esai 43:6

I dimulnin lɛŋnde luaŋ-nden aa: «Mingi nda o nda lo!» I dimulnin vɛlɛ lɛŋnde too len aa: «Kungulan nda coo le!» Faŋa poaa niaa nɛɛ nda co o lɛŋnde nin kɔɔli-kɔɔli-a mà mingi nda o nda lo. Faŋa cuavaa niaa laandua lɛŋnde mɛɛlu ma mingi nda nanu,

Osee 2:2

O kon, Yudaa a Israɛlla cuungiannin, mà cua simlacinɔɔ ndu pilɛ, mà fula o lɛŋnden nin. Kani paale bɛndulen paale Yisreɛl-ten le vanin ni.