Yeremi 3:17 - BII BILA

¹⁷ O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Yeremi 3:17 Referans Kwoze

Esekiɛl 43:7

Mó dimul-la aa: «Po vanacieo sei, fonda kpɛŋɛ ni lemasaa co nanu ni, fonda ya handunin bɛngula niŋnda nilan coo-o pɛɛn. I vanin icali lecoo cuavaa Israɛlla tɛɛn le fɛɛn a fɛɛn. Cuavaa Israɛlla a masaa ndaa a nɔɔliaa lɛnin diola nila diandaalan a suundiaala ndalan a á masaa ndaa vu-a kumbɔɔ nanu le.

Yeremi 17:12

Kpɛŋɛ lemasaa nɔ biilu bɛndoo-o pum co kabi o tasendɔ, ndu hiow ɲɔɔn kpow ni. Lon cɛi-kola-toandaa diandaa naa co ni.

Sakari 2:11

Niaa vannda Siɔn sei, niaa co icali Babilɔn ciee-a, la ɲaanun mì la faŋan ndon cɔ́-cɔ́!

Yeremi 11:8

Kɛ a yeŋnun te, a muli lahɔl lon te, ma del yiyannda ndala vɔɔnndan kɔɔli. O kon mí peelu sɔɔn kpema kon kpow nda coo le tùú nda kɛɛ le lou o kpemaa coo-o, a sɔɔn kɛ́-kɛ̀ ya dimul nda kpede a cɛl le ndu biyɔɔ loon pɛɛn.»

Esai 66:20

O kon kɔɔli, a muungunin a puapilɛa niaa co o lɛŋnden nin vanaa-mangalaa-isɔɔa tɛɛn-nda nanu o soa coo, o ɲɛla ɲaanannda soa nan-ndan coo, o kutukutula nɔ kuulen lecoo lan coo, o milɛɛa coo a o ɲɔɔmɛɛa coo, mà heelu nda o pembii nii diandɛi coo Yerusalɛm. Mɛlɛka soo lende ni. A hunnin a nda maa mɛɛ cuavaa Israɛlla a hun a kpeyan sálà ndaa, o bonyii diandɛi nin o Cɛi-Mɛlɛka-o nin yɛ.

Esai 56:6

Mialaa holnunnin Mɛlɛka le ndu baala tosallo, le ndu bɛɛlen keo a ndu kaola, a le vaa vanaa ndɔa baalaa-a. Vanaa kenin paale pɛngiaalen bɛɛlen yɔŋii nda del kasi a len-nda kpow, vanaa lonin isisi yili o kpema nuu nin-nda,

Kalatea 4:26

Kɛ Yerusalɛm co coocoo-o, ndu co o ba ndɔɔ coo, ndu co kala naa ni.

Rɔmnda 1:21

Kani ndáà síná Hala tɛ́ɛ́, kɛ a ke ndu biilu bɛnda le ndu Hala-o le, a mel ndu balika le. Mí yiyannda ndalan la luei nda o laasianndo nin, mí kɔlta ndala idiɔmndan la luei nda o ɲumndan nin.

Yeremi 31:23

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «Telen ya minginin tàndá Yuda-o a kobila ndɔlan maa paandu-o, vannda diminin vɛlɛ aa: ‹Màá Mɛlɛka dɔw nɔm duaa, calta dɛnɛ sandaa, pembii diandɛi!›

Yeremi 18:12

Kɛ yiyannda ndala vɔɔnndan tuŋ nda co kɔɔli ni, a co vɛlɛ mulio aa: «Ken vil naa le, i naa n nɔ o kɔl-le naa n tosanin ni.»

Yeremi 16:12

Niaa yɛ, la co dɛnnda hiow vɔwlen ndan tosaa, la fuɲaa niaa tosa lan pɛɛn, vana-vana co kɛɔ nilan yaŋɔɔ o sɔɔn nun, le yiyannda niaala vɔɔnndan tolɔɔ kɔɔli.

Yeremi 14:21

Le tɔ́ɔ́ nɔm kɛndɔɔ, soli kpɛŋɛ nɔm lemasa a biilu bɛndoo o baa nin te. Yiyan, kialu kpema nɔmndo a naa le!

Yeremi 9:14

diom ya Mɛlɛka-Nɔ-Kpaayaa-Kpow-vo, ya Hala Israɛlla dimi-o co hoo ni aa: «I co vannda ha bil loloo ke mà de, mì koesi nda bɔ̀tàá.

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Esai 66:1

Nuaa Mɛlɛka dimi ni aa: «Halataalaa co kpɛŋɛ ni lemasaa ni, lɛŋnden le co ɲɛ ni kɛsiaa n'peloo ni. Cɛi súú yɛɛ nɛ niaa nɔla yɛnin ya tengullo? Fonda nɛ va yɛnin fonda ni pɛngiaa kpeekpei?

Esai 59:19

O kon, a kenin diola Mɛlɛka lan a biilu ndɔɔ bɛɛlen, kandɔɔ nɛɛ paalen le del-la háá nɛɛ le can-nda. Hali yaamɔɔ hun bɛɛ súlùlù maa mɛmma pee bɛndu, kɔl Mɛlɛka-o toawnin ndu mò ɲaanun.

Esai 26:8

Éé Mɛlɛka! N co nɔm cumndo o nɛi tɔŋnda nɔmndan la cɔm naa-o coo, yeemɛi co naa o lakɔl taw-taw le diola nɔmndan piɔlɔɔ a le loonɔnndo a nɔm o kɔɔ.

Esai 6:1

Vɔsi masaa Osias vi-o, mí ca Maalii icali o kpɛŋɛ lemasa vilɛi-vilɛiyo coo. Mí bɔɔla doma ndɔ bɛndoo la pia o Cɛi-Hala-o nin ca.

Condii lisai 87:3

Nɔm kobi Hala-o ho sei! Vannda co sɔɔn kɛndɔn dimio a nɔm o kɔɔ aa:

Condii lisai 78:8

O kon nda ve lɛnin maa lambila fuɲaa ndaa mamaa le, a kɛɛ kan sɔɛi Hala-e biyɔɔ, má kindi nilan-nda pɛɛn, vanaa mangala kan yiyanndan a Hala, má kɛɛ le lou o lediom coo-a.

Masaa kialaa n'yamaa 2:19

Kɛ te masa kialaa n'yama kon ndóò vi dɔ́ɔ́ pɛ, ndáà cɔɔlu muungu o laasianndo nin a halaa celennda sooloo a nda vulan baŋɔɔ o labɛngunin. A ve ɲɛ-ɲɛ faŋa lecoo o dɛnnda ndala vɔɔnndan nin a o kela nda lanila kaloo nin te.

Kundalan 15:39

O kon, te la vanin pɛ kɛila lan cɔu, la loonun a tɔŋnda Mɛlɛka lan, la kela lecoo. Te ken tosan pɛ, la laasian ndɛnin o yiyannda kɔlta niaalan nin mì hɔlta niaalan la luei niaa o dɛnɛ nɔɔlɛiyo nin te.

O Kandɔɔ 8:21

Mɛɛ Mɛlɛka tuei hoeyii kɛndɛi sálà kon cun, mó dimi aa: «I dow lɛnin lɛŋnden danga le kela vɔɔn vanacieo le. Kani cɔn o felengiyɛi nin, yiyan tosaa yɔŋ vɔɔndo kposon co ndu o kɔl ni. I tɛɛmbuu lɛnin ɲaa yoomaa kpede mɛɛ ya tosa o laan nuaa yɛ le.

Rɔmnda 6:14

Kani hakio nɔ lɛnin niaa kpaaya coo le, bau la co lɛ o tɔŋ bɛngu le, kɛ o kɛndɛi bɛngu niaa co nin ni.

Esekiɛl 1:26

O ɲɛ tɛngɛ̀-tɛngɛ̀ va kon nda o bolle coo-o lekɔɔli, ɲɔɔ pum va lon velanndo a pow safir, vanáà ca ko ndu aa kpɛŋɛ lemasaa ni, ɲɔɔ pum va maa vanaciee o ɲɛ va kon maa kpɛŋɛ lemasaa-o coo.

Esai 66:18

Kani ya, i sina dɛnnda ndalan a yiyannda ndalan. Telenndo tiiya le vanaa-mangalaa-isɔɔa a vannda súúlan kpede cuungiaa. A hunnin nanu mà ce biilu nuu.

Yeremi 3:19

«Mí ya pila va dimio maa i yeema mi siinguu niaa po tasoo cuavaa niaa coo, mì ke niaa lɛŋnde kɛndɛ-kɛndɛlen, lɛŋnde hiow naŋɔɔ o lɛŋii tɔ̀ɛi tɛɛn-nden. I va yiyanndo maa la veelunin ya aa: ‹Fuɲa naa›, maa la mulul-lɛnin ya kɔɔ le few.

Yeremi 4:2

Taa mɛnan pɛ aa: «Le Mɛlɛka yoomaa», mò va mɛnan toɲaa, sandei a dɛnɛ sandaa, o kon vanaa-mangalaa-isɔɔa sɔlanin duaa ya o ba, mà lisan o ya nin.

Yeremi 12:15

O kon kɔɔli, ɲííye biinin ya vɛlɛ a nda, mì mingi nda, vana-vana o kɛ́ ndɔ coo, vana-vana o lɛŋnde ndɔ nin.

Yeremi 12:16

Nda pɛɛku vanaa nia mɛnanndo o diola Baal tan ni. Kɛ taa kela pɛ kela kɛndɔɔ maa vanaa nia, mà mɛnan o diola nilan, mà dimi aa: ‹Le Mɛlɛka yoomaa›, mɛɛ a sɔlanin calta kɛndɛlan vanaa nia tɛɛn.

Yeremi 16:19

Mɛlɛka, nɔm co kpaaya nuu a vana co ya kandaa-o ni, nɛɛ nia viannannda o paale dɛnɛ palaalen coo! Vanaa-mangalaa-isɔaa sina Hala le-a hunnin nɔm o ibuŋ fulaa o ceendo mɛɛlulan, mà dimi aa: «Fuɲaa naa mamaa sɔla kɛ́ celen te, fɔ còòlan, ɲɛm fondon soli vana kpeku lon.

Yeremi 33:9

O kon ɲɔɔ hɛnannin ya le diola Yerusalɛm-ndan veeloo, biiloo a bɛɛlen le vanin le ya vanaa-mangalaa-isɔaa co o lɛŋnden coo kpow-va tɛɛn. Telen nda tuɛinin dɛnɛ kɛndɛ ya tosalnin nda-o-o, siòònde a misimisio biinin nda le naŋɔɔ a le dɛnɛ kɛndɛ ya tosalnin nda kon kpow-vo.»

Esekiɛl 48:35

Balɔɔ pindo ɲɔɔ vanin dunndo vaalan tɔ́ a laŋɔmaa (18 000), kandɔɔ ɲinkon, kobio nɔnin diolan aa: «Mɛlɛka co nanu.»

Sakari 8:8

I co nda faŋa lon mì mingi nda nanu, mà hun cal Yerusalɛm ciee. A vanin vanaa nia, mì ya i va Hala ndaa o toɲaa a o sandei nin.

1Masaa 8:41

Te miallo, vana co Israɛlnɔ loo cɛn pɛ o lɛŋnde levil-ten nin, mò hin le tɔ́ɔ́ o tuei diola nɔmndan-ndo,

Condii lisai 102:23

telen vannda a masɛi kpede cuungiannin-ndo, telen nda cuungiannin le ndu biiloo-o pɛɛn.