Yeremi 3:16 - BII BILA

¹⁶ Telen niaa kuinin mì la pɛ lɛŋnden ca-o, vana suu lɛnin a kesu kpema Mɛlɛka-o o kɔɔ le. Ya Mɛlɛka co sɔɛi nuaa ni. Vana yiyan ndɛnin a ndu o kɔɔ le. Vana loonun ndɛnin a ndu o kɔɔ le. Hali mo ve lɛ le, vana yiyan ndɛnin a ndu le, o celen selnun ndɛnin vɛlɛ le.

Yeremi 3:16 Referans Kwoze

Esekiɛl 37:26

I yiinin kpema kɔlɲuloo naa ndaa tɛɛn. Kpema fɛɛn-fɛɛndo vanin naa tɛɛn naa ndaa. I minginin nda kɛsi lon mì vangala nda mà kui taw. I minginin cɛi-kola-toandaa diandaa nda tɛɛn le lɔ́ɔ́-lɔ́ɔ̀.

Esai 65:17

Tofa vɔ, i co halataala sɛnɛiyo a lɛŋnde sɛnɛilen cɔvɔɔ, vana loonun ndɛnin a dɛnndan paandu le, yiyan kon del-lɛnin vana o kɔl te.

Matie 3:9

La yiyan te maa o tiw le diminndo o lakɔl te aa: ‹Abraham co fuɲa naa mamaa ni!› Kani, mì dimul niaa, hali o powtan-ndan, Hala nɔla mò solul Abraham cuawva.

Yeremi 31:8

I co nda cua o lɛŋnde maluaŋnden mì mingi nda, mì cuungiaa nda fulaa o lɛŋii levil-ville nin. Vana-vana vanin ndon: vanaa sumɛiya a namtaa, komsaa a vanaa lafolia, sɛ́lɛ́ bɛndoo pila nda cuungiannin ndon ni.

Yeremi 30:19

Vana lonin kɔɔlikɔɔli mà tuei nda condon a yoondiaala kɔlkɛndɛ lan. I kuinin nda taw, a dɔɔnannin te, i siinguunin nda vanaa sɔvɛa, vana kilunnin nda yii le.

Esai 61:4

A minginin tangullo o ɲɛla koombiaa paandu lan coo, mà mingi bémbéla paandulan cɔvɔɔ, a kobila vannun fondo lan, la va nin pɔmndan sindɛ pa lan pɛɛn.

Esai 60:22

O pɔmbɔ-pɔmbɔɔ kuinin háá mo tiiya vaa-pilɛ, o hiow dɔɔnanndo-o siŋnunnin vanaa-mangalaa-isɔaa kpaayaa. Ya Mɛlɛka, i tosanin dɛnnda lan cɔ́-cɔ́ a telennda ndalan.

Matie 1:11

Yosia yɔŋnun fuɲaa Yekonia nda puapilɛa ndɔa ni, telen nda kɔɛ a Israɛlla o biyɔɔ nin Babilɔn-ndo.

Sofoni 3:11

«Paale len, niaa vanaa co vanaa nia-a, siɛmbula bii lɛnin niaa le dɛnnda vɔɔnnda niaa tosa paandu a ya lan te. Kani i faŋanin vanaa yongaa niaa tɛɛn. O kon, la pɛnginin yongaa tosaa o pembii nii diandɛi coo.

Amɔs 9:9

Kani tofa vɔ, ɲɛ ya dimi le tosaa-o co hoo ni: i hiiluunin cuavaa Israɛlla o vanaa-mangalaa-isɔaa tɔ̀a tɛɛn, mɛɛ vana cacu ɲɔɔ a tɛmɔɔ nuaa yɛ. O kon, hali kulii pɔmbɔɛi i pilɛ i del lɛŋ te.

Yeremi 31:27

Mɛlɛka dimi aa: «Nanu a telen bingi, i tosanin mì vanndacieea a cɔlua tiw Israɛl a Yuda mɛɛ vana saŋ yɛiye o ciɛi nin nuaa yɛ.

Yeremi 7:4

La kɛsi kɔltan o sɔɔn lacòòvan coo mì la dimi le aa: ‹Cɛi-Mɛlɛka-o co nanu ni, Cɛi-Mɛlɛka-o, Cɛi-Mɛlɛka-o›.

Yeremi 3:17

O telen kon, vannda vanin Yerusalɛm veeloo aa: ‹Kpɛŋɛ lemasa Mɛlɛka-o›. Vanaa-mangalaa-isɔɔa kpow cuungiannin ndon o diola ya Mɛlɛka lan. O kon a tosa lɛnin yiyannda vɔɔn kɔlta ndalan te.

Esekiɛl 15:5

Lɔ́ɔ́ o vannun-ndɔ kpulukuluu-o, vana ve kpeku solin a ndu le ɲɛ pum toosiaa le. Vɛ̀ɛ̀ te yinnden le lom nin ndu pɛ mì le cuulu ndu, vana nɔla lɛ pá mà toosiaa ɲɛ pum a ndu?