Yeremi 3:15 - BII BILA

¹⁵ Mì yɔngu niaa vanaa mandaa n'cɔlua ya laalan-nda. A simnin niaa laci a kɔlkaloo a á sinapɛngoo.

Yeremi 3:15 Referans Kwoze

Yeremi 23:4

I handunin nda vanaa mandaa n'cɔlua kpeekpeiya coo. A vueinunnin nda le, a lueinin nda isiòòn te. O kɛ́-kɛ̀ laasian ndɛnin mò lo le.» Sɔɛi fula Mɛlɛka o sondo-e co ken ni.

Dɛnnda kiilaa 20:28

Niaa pila mandan, mì la nɔ hɔlten kunda saa Hala Kɔl-Diandaa yɔngu niaa le mandaa-o coo, mì la manda kunda vanaa laalaŋaa Hala kila a piɔ́m po ndɔ ndu pila-o o kɔɔ-o.

Esekiɛl 34:23

O kon, i sɔɔ nda vana mandaa n'saa o ba, o vanin nda yɔɔ diólan-ndo. Vana ni baalaa David pɛɛn, ndu vanin nda yɔɔ diólan ni, ndu vanin vana mandaa ndaa ni.

Talelan 10:21

Sɔɔn vana sandaa n mala vanaa bɔɔ-bɔɔ, kɛ kɔlkalu lepɛŋndo dii vanaa pe lebol te-a ni.

1Korɛntea 2:6

Nduyɛ, kɔlkaloo naa n co niaa vanaa sínà sɔɛi Hala-e-a pɛɛkoo ni, o co kɔlkalu ceendo ho le, o co vɛlɛ kɔlkalu masaa ceenda haa sunsun te, a co kan hunɔɔ itambu-a.

Esekiɛl 37:24

David vana ni baala vanin masa ndaa ni. Nduyɛ nda kpede, vana manda n'saa ndu pilɛ nda nɔnin ni. A kelanin o pɛɛkula nilan coo, mà bii silala nilan, mà tosa mɛɛ la dimi yɛ.

Luke 12:42

Mí Maalii mulul ndu aa: «Ɔ́ɔ̀ niko vana baala kɔlkalu lò kon o diomnden coo-o? Ndu co ò vana ndɔ bɛndoo dimulnin le hɔlla landɔɔ cɛi ndɔɔ coo a le vanaa baalaa tɔ̀a ɲɛdiaa yɔngoo a telen bɛnda-o-o ni.

1Piɛr 2:2

Maa mɛɛ cɛlɛkpɛa yeema mɛɛyan yɛ, la kaola mɛɛma sɔɛi Hala-an lende, haliko mi la hindu, mi la sɔla cindaa,

1Samiɛl 13:14

Lelan, masalen le hɛlun nɔm. Mɛlɛka cii vana celen hɛli, vana o hini kɔl-lo pɛɛn. O cii ndu siinguu simlacinɔ vanaa ndɔa, kani nɔm, a bii sila o yɔngu nɔm-ndo le.»

Yeremi 31:10

Niaa vanaa-mangalaa-isɔɔa, lá yaŋnún sɔɛi Mɛlɛka-e, mì la dimi ndi o lɛŋii ibungai co leville nin aa: ‹Mɛlɛka ndóò sɛŋi Israɛlla ba-ba fee, kɛ o co nda mingi mɔɔsiaa, mò handu nda hɔlten coo mɛɛ vana mandaa n'cɔloo handu cɔlua ndɔa hɔlten coo yɛ.

Esekiɛl 34:2

«Po vanacieo sei, tɛɛngul simlacia Israɛlla diom Hala-o. Tɛɛngul nda ndu mà dimul nda, simlacia kan pɛɛn aa: Nuaa Maalii, o co Mɛlɛka-o dimi ni aa: ‹Dɛnɛ palaa co le simlacia Israɛlla co nda pila baloo dɔwnɔnndo-a. Vɛ̀ɛ̀ vanaa mandaa n'saa bɛnda mà yɛɛ saa ndaa billo dioo le?