Yeremi 3:14 - BII BILA

¹⁴ Niaa cuavaa nila kalua, la muungu nanu. Ya Mɛlɛka co sɔɛi nuaa ni, kani ya co vana niaa pɛɛkaa ni. I cuanin niaa, vana pilɛ o kobio pum nin, vanaa ŋiɔn o yungoo pum nin. O kon, mì mingi niaa Siɔn.

Yeremi 3:14 Referans Kwoze

Yeremi 2:19

Máà dɛnɛ vɔɔn n tosa-o sila nɔm, mì sandii lepɛŋii nɔmnde saangiaa nɔm! O kon n sinanin ni, mà ce maa dɛnɛ vɔɔndo a dɛnɛ palaa o co le Maalii Hala nɔmndo kɛɔ a le siòòŋii ndɔɛi kɛɔ nɔu ni.» Sɔɛi fula ya Maalii, Mɛlɛka-Nɔ-Kpaayaa-Kpow-vo o sondo-e co ken ni.

Yeremi 31:32

O venin maa kpema ya yii a fuɲaa ndaa telen ya bii nda baa, le nda solio o lɛŋnde Esipte len nin-ndo le. Kpema kon ndu, má tɛɛmbuu ndu. Nduyɛ, ya va vana nda bɛndoo ni. Sɔɛi fula Mɛlɛka o sondo-e co ken ni.

Esai 54:5

Kani vana cɔw nɔmndo ndu co pɔnɔ nɔm ni, diola ndɔlan aa Mɛlɛka-Nɔ-Kpaayaa-Kpow-vo. Vana nɔm baŋaa ndu co O-Diandaa Israɛlla ni. A veelu ndu aa Hala co lɛŋnden kpow bollen-ndo.

Yeremi 23:3

O kon mì ya pila nuwviaa a tɔ̀a lo-a o lɛŋii yáà sɛŋi nda-e nin kpow, mì mingi nda o hèé ndaa nin. I vangalanin nda lon mà kui taw.

Yeremi 3:8

Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

Yeremi 2:2

«Kɔ, mà kɔ yonda Yerusalɛmnda o lani, mà dimul nda maa o Mɛlɛka dimi-o co hoo ni aa: ‹I loonun a mɛɛ nɔm óò lo o lediom coo lɔ́ɔ́ n va felengi-o yɛ, mɛɛ nɔm óò kaola ya lɔ́ɔ́ naa n va o nɔ̀u nin-ndo yɛ. A va ya kɔlan kɔɔli o lɛŋnde veselɛilen nin, o lɛŋnde niŋ tɔlɔɔ le len nin.

Esai 10:22

Kpòkóó Israɛl! Hali vanaa nɔmnda va bɛɛ sɛ́lɛ́ maa sióónndon o mɛmma ihɛlla kɔngɔ, a tɔ̀a daama muungunin ni, kani tambii ndɛi cuu kiolɔn, tambii ken tuisinin dɛnɛ sandaa taw-taw nda coo ni.

Esai 6:13

O vanaa va icali lenin-nda nin, te vana pilɛ lo vɔ pɛ o n'van tɔ́ coo, lɛŋnden le ŋɔanin o yinnden nin! Kɛ mɛɛ cii tumnde co ikiyɛi o terebɛnteo, te kon te yálán nda keŋ-ndo yɛ, lende koni vanaa diandaa fulanin o vanaa lonin yoomu o vannda ha tɛɛn-nda nin ni.»

Rɔmnda 9:27

Mí Esai bɛɛ yonda a Israɛl o kɔɔ aa: «Hali Israɛlla ndáà va bɛɛ sɛ́lɛ́ maa sióónde o mɛmma ihɛllan kɔngɔ nuaa, vanaa pilɛn-pilɛŋaa lonin-nda kínɛí sɔlanin cindaa ni.

Yeremi 3:1

Mí Mɛlɛka dimi aa: «Te vanapɔnɔɔ kɛɛ pɛ laa ndɔ, mì laa ndɔ kalaa faŋan ndu, mò kɔ cal vanapɔnɔ celen o ba, vɛ̀ɛ̀ o kɔa lɛ vɛlɛ lanɔ kon kɔɔli? Vɛ̀ɛ̀ lɛŋnde len le nɔɔlian a kela vaa lende le? Nɔm Israɛl-lɛ, a nɔɔlian a vanaa sɛ́lɛ́ bɛndua co suundaa a nɔm-nda. Nduyɛ, a yeema vɛlɛ le muungoo o ya lo! Ya Mɛlɛka co sɔɛi nuaa ni.

Esai 17:6

Kpɔnyɔlan la lonin le kiɔndɔɔ mɛɛ vana hiiluu oliviee tumndo nuaa mì oliven koaman n'miun, n'yáá lo o yɔmndo bollen, mì n'hiɔɔlu, ŋuɛɛnu n lo o kpɔ̀nyɔ̀lan yɛ. Mɛlɛka dimi lende ni, Hala Israɛlla pɛɛn.

Esai 1:9

Te Mɛlɛka-Nɔ-Kpaayaa-Kpow-vo ndóò mɛilul naa vanaa pum yoomu le, n va siŋnɔn maa Sodɔm, mì náà n vel vannda Komɔr.

Esai 31:6

Lelan niaa cuavaa Israɛlla, la muungu vana niaa mulul paandu kɔɔ mi niáà kɛɛ ndu few-few-vo o ibuŋ!

Esai 57:17

Le ɲɛm vannda poondiaa a kafalan-ndon mí tambu kɔl a nda, mí soaŋ nda, mí viannun o kɔl ni tambɛiyo nin, kɛ vanaa nila kalua nda co ni, a co hiovɔɔ laci a kɔlan o nɛi kɔl ndaa coo.

Yeremi 3:12

Kɔ a ba luaŋ-ndo mà yonda sɔɔn mun aa: ‹Nɔm Israɛl lo o lediom coo loo muungu nanu! Ya Mɛlɛka co sɔɛi nuaa ni. I tofa lɛnin niaa tofa vɔɔn te, kani vana lo o lediom coo-o ya co ni. Ya Mɛlɛka co sɔɛi nuaa ni. I mandanin kɔl tambɛi nuu le lɔ́ɔ́-lɔ́ɔ̀ le.

Yeremi 29:14

O Mɛlɛka-Nɔ-Kpaayaa-Kpow-vo dimi-o co hoo ni aa: «I tosanin mì la saalun ya, mì mingi niaa o niaa lo. I co niaa nuwviaa o lɛŋii kɛ́-kɛ̀ a o fondala kɛ́-kɛ̀ yaa tow niaa, mì mingi niaa o niaa lo nanu, nɛɛ niaa va paandu mí yaa niaa o biyɔɔ nin-nda.» Sɔɛi fula Mɛlɛka o sondo-e co ken ni.

Yeremi 31:6

Paale hunnin vɛlɛ mì kpalilla yonda o pembun co o tàndá Efraim-ndo nin-ndon coo aa: ‹La cɔn mì n helnun Siɔn o Mɛlɛka Hala naa lo.›

Yeremi 31:12

A hunnin a yoondiaala kɔlkɛndɛlan o pembei Siɔn coo, a vanin ifili-filiei o ɲɛm Mɛlɛka yɔngu nda-on coo: maalon, mɔima yɛngian, cuɛima sɛnɛiyan, saa, cuinnda a nawva. A vanin maa nakɔ co o pɔɔliaa ɲɛkɛndɛi-yo, dɛnɛ palaa ve lɛnin nda kɔɔli le.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

2Dɛnnda lemasalan 30:6

Mí kiilaa kɔa a sɛbɛla masaa nda vanaa bɛndua va ndu o ba bɛngu-a ndáà handu lan pondalen coo lan, má balu lan dimio o lɛŋnde Israɛl-ten nin a o tàndá Yuda-o nin mɛɛ masaa ndóò dimi yɛ aa: «Niaa Israɛlaa hɛlun haa masaa Asiriia-a, la muungu Mɛlɛka Hala Abraham-ndo, Hala Isaak-o a Hala Israɛl-lo o ibuŋ. O kon, ndu bɛɛ muungunin niaa o ibuŋ.

Esai 27:12

O palɛi ken nin, Mɛlɛka lɔaanin kullon mì n cɛɛlun, kandɔɔ o pee bɛndoo, kɔlan tiiya háá o pee pɔmbɔɔ Esipte, o kon niaa cuavaa Israɛlla, a cɔwviaanin niaa a pilɛn-pilɛnnda!

Esai 44:22

I vɔɔsuu hakila niaalan maa mɔ́m. I ɲumi yɔŋnda vɔɔnnda niaalan maa yumbuyumbu. Lelan la muungu ya o ibuŋ, kani ya baŋa niaa ni.

Esai 55:7

Vana kɔlvesɛiyo faŋan o nɛi ndɔ kɔlvesɛiyo coo, mì vana vɔɔndo mal vanavɔɔnyɛi ndɔɛi, mò muungu Mɛlɛka o ibuŋ, haliko mi Mɛlɛka tuinun ndu iɲíí, mò muungu Hala naa o ibuŋ, o màl haki few-few-vo pɛɛn.

Sakari 1:4

La vial fuɲaa niaa mamaa a káà, mì la tosa maa nda le. Kani nda nda, vanaa-tɛɛngaa-diom Hala-a va sindɛ yondaa nda o lani, má va nda dimullo aa Mɛlɛka-Nɔ-Kpaayaa-Kpow-vo dimi aa: La mal kelala niaala vɔɔnndan a dɛnnda niaala vɔɔnndan. Kɛ a yeŋ nilan te, a bii sɔɛi ken te. Sɔɛi fula Mɛlɛka o sondo-e co hee ni.