Yeremi 3:13 - BII BILA

¹³ Sina tɛɛmbuu nɔmndo daama. Kani ya Mɛlɛka Hala nɔmndo n simul ni, má laasian kɔlan nɛɛ-nɛɛ ka halaa celen kɔɔli o yɔmii puiyɛi kpow bɛngu. A yeŋ ya nilan te few.› Ya Mɛlɛka soo lende ni.

Yeremi 3:13 Referans Kwoze

Yeremi 3:25

N hinin a siɛmbula co naa lan, mi bɛɛ tambɛiyo va naa coo maa kola kuumbuan. Kani n cua hakio a Mɛlɛka Hala naa, naa a vanaa velu naa-a, kandɔɔ o felengiyɛi nɛi nin háá hau, n yeŋ Mɛlɛka Hala naa lani le.

Yeremi 3:6

O paale masaa Yosia len, mí Mɛlɛka dimul-la aa: «Vɛ̀ɛ̀ a ce pá ɲɛ Israɛl muuluanndo ho tosa-o? O hel o pembon kpow coo, mó kɔa o yɔmii puiyɛi bɛngu, le piɔmnda sooloo.»

Yeremi 2:25

Caa dɛ Israɛl! Yɔŋii n yɔŋulun o pelon mì bololen le vesa nɔm. Kɛ a co dimio aa: ‹Nɔm mein ka! Halaa celen ya yeema nin ni, nda ya co vɔ nin tolɔɔ kɔɔli ni.›

Tɔŋ miingua 12:2

«La bɛnda mì la tɛɛmbuu sooluula vanaa niaa co lakɔ tovɔɔ-a. O va o pembun bɛndu coo, o va o pembun pɔmbɔ coo, o va o yɔm puiyaa bɛngu.

Yeremi 3:2

Heelu vɔ hɔlla o pembon coo mà tofa, kuɛɛ nɛ n kɛɛ yɛ nɔɔlian a piɔmnda sooloo? A co icali o nɛilan lekɔɔ nda cum maa Arabua kela o lɛŋnde veselɛilen nin-nda. A nɔɔliaa lɛŋnden a suunda nɔmndo a á kela nɔm vɔɔndo.

Yeremi 2:20

Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.

Esekiɛl 16:15

Kɛ nɔm yɛ, má puulun naŋɔɔ nɔmndo a tɔ́ɔ́ n kela-o, má luɛi laasianndo a suundaa. Má lɔngɔliaa vana-vana va keiyo lon a suunda nɔmndo, má yɔngun nda kpow.

Yeremi 14:20

Mɛlɛka, n sina maa n cee tosa le, n sina vɔwle fuɲaa naa. Naa n cua hakio a nɔm ni.

Talelan 28:13

Vana co tɛɛmbuula ndɔlan vionɔɔ-o, tìw dɛnɛ ba le, kɛ vana sɔlɔlan pɛ tɛɛmbuula ndɔlan mò mal tan, ndu sɔla ɲííye tuinɔnndo.

Nehemi 9:2

Má Israɛlla sɛyan a vanaa co N'Yuifi le-a, má cal nda daama, má sɔlɔlan hakila ndala nda pila lan a hakila fuɲaa ndaa mamaa.

Esai 57:5

Yeemɛi bɛnduei co niaa le kɔlan sooluulan kilaa o yɔmii terebɛntiei, a o yɔmii puiyɛia kpow bɛngu. La co cuaambɔa bololan kilio o kpolonndan nin a o tɛɛngun powta kpovalan nin.

Yeremi 14:10

Diom Mɛlɛka dimi a vannda ha-o co hoo ni aa: «A yeema bɔɔ balɔɔ ba-ba fee, a kɛsi pelon te.» Dɛnɛ ndaa hɛnan-ndɛ Mɛlɛka le, o loonunnin a pɔwla ndalan, mò saangiaa nda le hakila ndalan.

Osee 5:15

«I co lakɔ mì muungun o calta nilan háá mà sina maa a cua hakio, mà nuwviaa ya le muungoo ya o ibuŋ. Taa va pɛ o kuɛi nin, a co cɔnɔn ya nuwviaa.»

Yeremi 7:24

Kɛ a tui ya diom te, a yeŋ nilan te, má del yiyanndan a tuula vɔɔnnda va o kɔlta ndalan nin-ndan kɔɔli, má muungu kɔɔli, a hiw laci le pɛ.

Yeremi 7:26

Kɛ la tui ya diom te, la yeŋ lani le. Mí la tosa bolle kalalen, mí la tosa dɛnɛ vɔɔndo hiovɔɔ fuɲaa niaa mamaa coo.»