Yeremi 3:11 - BII BILA

¹¹ Mí Mɛlɛka dimul-la aa: «Israɛl lo o lediom coo loo hiow sandei a Yuda muluanndo.

Yeremi 3:11 Referans Kwoze

Esekiɛl 23:11

Mí Oholiba pɔmbɔ ndɔ ca dɛnɛ kon ciŋ, kɛ mí ndu ndu hiaw bɛɛ bɛ ndɔ laasianndo o tiɔmɔɔ nin, mí suundala ndɔlan la hiaw suundala Ohola bɛ ndɔ lan polon.

Osee 11:7

Vanaa nia yeema le lo o lediom coo a ya Mɛlɛka le. A co nda veeloo fulaa coocoo, kɛ vana pilɛ bɛɛ co cɔnɔn te.

Osee 4:16

Israɛlla luɛi seesiɛi mɛɛ naw téndóó kɛɛ le kɔlan nuaa yɛ. Lelan Mɛlɛka tiwba mo bii nda biyɔɔ kɛndɔɔ mɛɛ vana yaa saa téndéa diólan o bil kɛndɛ-kɛndɔɔ nin yɛ le.

Esekiɛl 16:47

Te nɔm óò mɛɛlu pɛ o kela vɔɔndo coo maa nda, mí nɔm óò tosa dɛnnda nɔɔlɛilan maa nda kpafii, kon ndóò va tiŋ fisa. Kɛ mí nɔm bɛɛ laasian o kelala nɔmndan kpow nin hiovɔɔ nda coo.

Yeremi 3:22

La muungu ya o ibuŋ, niaa cuavaa nila kalua ha, mì mal niaa haki le sɔɛi biyɛi lepɛŋii niɛi.› «Nuaa naa, n hin nɔm o ibuŋ, kani nɔm co Mɛlɛka Hala naa ni.

Yeremi 3:8

Mí yɔngu Israɛl lo o lediom coo loo sɛbɛ tɛɛmbua nɔu le suunda o suunda-o, mí ca maa puapilɛ ndɔɔ Yuda yɔŋ isiòòn te, mí ndu bɛɛ kɔa, mó laasian lende.

Yeremi 3:7

Mí dimi aa: «O cii pɛ balɔɔ ndɔ kon, o co muungu o ya lo, kɛ lepilɛ bɛɛ, o hin te. Nduyɛ mí puapilɛ ndɔɔ Yuda lo o lediom coo loo ca ndu.

Yeremi 11:10

A muungun o dɛnnda vɔɔnnda fuɲaa ndaa mamaa kɛɛ le sɔɔn nun biyɔɔ-a coo, má mulin halaa celen kɔɔli le nda sooloo. Israɛlla a Yudaa tɛɛmbuu kpema yáà yii a fuɲaa ndaa mamaa-o.