Yeremi 28:8 - BII BILA

⁸ Vanaa-tɛɛngaa-diom Hala-a bɔɔ-bɔɔ va nɔm a ya tase. Mí vanaa-tɛɛngaa-diom Hala-a kan a dimul lɛŋii bɔɔ-bɔɔ a masɛi sɔvɛi dɛnnda va hunɔɔ ndi yɔŋnɔn-ndan, cɔwlan, dɛnnda vɔɔnndan a nàà n'kɔnyaa.

Yeremi 28:8 Referans Kwoze

1Masaa 22:8

Mí masa Israɛlla mulul ndu aa: «Vana-tɛɛngaa-diom Hala-o pum co nanu le Mɛlɛka ɲunaa, kɛ i yeema ndu le, kani o dimul-la sɔɔn kɛndɛ lɔ́ɔ́-lɔ́ɔ̀ le, fɔ sɔɔn vɔɔnndon kínɛí, Misee po Yimla-o pɛɛn.» Kɛ mí Yosafat deŋul ndu aa: «Masa suu nuaa le!»

1Masaa 17:1

Mí Elii fula Tisbe o tàndá Kalaad-o nin-ndo dimul masaa Akab aa: «Le Mɛlɛka yoomaa, Hala Israɛlla pɛɛn, o ya co baalaa tosallo-o, i dimul-lɔ niaa maa o vɔsila co lan hunɔɔ lan bɛngu kpede, piɔɔ venin sia le, kɛmma venin cɛɛluu le. Fɔ mì piɛi ndu malan piɔɔ sia, te kon te malan kɛmndan ma cɛɛluu.»

Amɔs 1:2

Mi Amɔs dimi aa: «Mɛlɛka co kuuliaa Siɔn. O co yoondiaa Yerusalɛm a labɛɛla kpeekpei! Bil puiyaa vanaa mandaa n'cɔlua vesan, yondo puiyaa vesan o pembei Karmɛl tullo!»

Esai 13:18

A diwnin felengia a kpaasiaala ndalan, a nɔnin iɲíí le cɛlɛkpɛa lendea diwvo le. Cuaambɔ oo cuaambɔ nda del pɛ lehɔl, a tosanin iɲíí a ndu le.

1Masaa 22:17

O kon, mí Misee mulul ndu aa: «I ce Israɛlla kpow a sɛŋiannda o pembon coo maa saa nɔ vana mandaa le-a. Nduyɛ Mɛlɛka dimi aa: ‹Vannda ha nɔ lɛ simlacinɔ le, lelan, vana-vana muungun o ndu lo a kɔlɲuloo.›»

Esai 13:1

Sɔɛi dimin le Babilɔn-nde co hee ni, i Esai po Amɔt-o tuei-ye:

Amɔs 1:1

Sɔɔn Amɔs soo-on yɔŋnun mun ni, vana mandaa n'cɔloo pilɛ Amɔs va o vanaa mandaa n'cɔlua Tekoa tɛɛn ni. Sɔɔn o soo mun-ndon cɔmnun ndu a dɛnɛ Israɛlla o kɔɔ tuma Osias masaa Yuda a Yeroboam masaa Israɛl, po Yoas-o a va o masalen coo-o. Vɔsilan tan tiɔn o kon kɔɔli, mí lɛŋnden le ɲiiya.

Yonas 3:1

Mí Mɛlɛka soaa vɛlɛ o Yonas lo, mó dimul ndu aa: