Yeremi 28:4 - BII BILA

⁴ I co vɛlɛ Yekonia po Yehoyakim masaa Yuda-o a vanaa-vanaa ndáà bii Yuda, má kɔa a nda Babilɔn mingi nanu, kani i co sanga bɛndu co masaa Babilɔn coo-o faŋa.› »

Yeremi 28:4 Referans Kwoze

Yeremi 22:24

Ya Mɛlɛka i co yoomu! Sɔɛi fula ya o sondo-e co hee ni aa: «Hali Konia po Yokim masaa Yuda-o ndóò va bɛɛ kelɛi sui lemasɛi vana vownun o ba kɛndɔɔ-e, i va ndi solin o isu.

Yeremi 28:2

«O Mɛlɛka-Nɔ-Kpaayaa-Kpow-vo, Hala Israɛl dimi-o co hoo ni aa: ‹I co sanga bɛndu masaa Babilɔn-ndo faŋa.

Yeremi 24:1

Mí Mɛlɛka cɔm ya kambɛila tiɔnnda n'voosulan, la va lakɛsiaalan o Cɛi-Hala-o hɔl-ndɔ. Nebukanɛsar masaa Babilɔn ndóò bii nin Yekoniahu po Yehoyakim, masaa Yuda-o, simlacia Yuda, sumnda a vanaa caa baalala laba súú-súù ka-a, mó kɔa a nda Babilɔn.

Nahum 1:13

O laan ndu, i co kpòndó co niaa o lebol-lo yomɔɔ, mì kili yɔlɔn nda baiyiaa niaa-on.›

Yeremi 30:8

Sɔɛi fula Mɛlɛka-Nɔ-Kpaayaa-Kpow-vo o sondo-e co hee ni aa: «Paale len, i yimiyiminin yɔm ndɔ lebol co nɔm o ikɛsu-o, mì kilikili yoei, o kon a ve lɛnin baala tosa le n'mial te.

Yeremi 28:10

O kon mí Hanania, vana-tɛɛngaa-diom Hala-o, faŋa sanga bɛndu va Yeremi coo-o, mó tɛɛmbuu ndu.

Yeremi 24:5

«Sɔɛi ya Mɛlɛka Hala Israɛlla dimi-e co hee ni: Mɛɛ voosun kɛndɔn n naŋ o tofaa yɛ, lende koni ya co vanaa nda bii haa Yuda, mí toaw nda nanu, má kɔa a nda háá Babilɔn-nda co ni.

Yeremi 22:10

Niaa vannda Yuda, la caŋ vana vi-o le, masaa Yosia pɛɛn, mɔnɛi bii niaa le ndu le. Kɛ la caŋ taw le vana co kɔnndan-ndo, masaa Salum pɛɛn! Kani o muungu lɛnin te, o ci lɛnin lɛŋnde ndɔle o velun nin-nden te.

Yeremi 2:20

Mí Mɛlɛka dimi aa: «Israɛl, o co lɛhau le n luɛi nila kalulan a ya le, má tɛɛmbuu nɔu naa ŋiɔn tɛɛn, o kon má dimi aa a yeema lɛ ma va o lecɛ nin te. Kani a co keiyo piɔmnda sooloo o pembon kpow coo a o yɔmii puiyɛi kpow bɛngu.

Esai 9:4

Bau samtala vana vownun o cɔwvo lan kpow, a volɔɔla cuɛinannda lekuubala lɔngɔlian a koovan-ndan, la viawnunnin o yinnden nin mì la ŋɔɛ selemenden.

O Kandɔɔ 27:40

Mɔɛi nɔmnde tosanin ni ma va yoomu. A siŋnunnin buɛi pɔmbɔ nɔm-ndo. Kɛ a venin icali o pumbu le. A cuiŋinin volɔɔla lusula o handunin nɔm o lebol-tan, mà soli bolle nɔmnden lebɛngu.»

Yeremi 27:8

Mɛlɛka dimi aa: «Vanaa-mangalaa-isɔɔa te kon te masale kɛɛ pɛ le tuisinndo Nebukanɛsar masaa Babilɔn o labɛngunin, mà kɛɛ le sanga masaa Babilɔn tuisinin nda coo-o siilɔnndo, i kuelnin vanaa kan a mɔɛi cɔwve, a yima fofolan, mì kuel nda a nàà n'kɔnyaa. I viamnin masaa Babilɔn le nda ciiyo kpede.

Tɔŋ lasálàá 26:13

Ya co Mɛlɛka ni, Hala niaa pɛɛn. Ya soli niaa o lɛŋnde Esipte len nin ni, haliko la va cɛa Esiptea le. Ya yem yɔm kpòndò lecɛ ndáà handu niaa coo-o ni, mì la va kelaa a bolle iheelaa tema.»

2Masaa 24:14

Mó kɔannun a vannda Yerusalɛm kpow o biyɔɔ nin: vanaa bɛndua kpow a vanaa sɔvɛa kpow. Vanaa nda kɔɛ kan o biyɔɔ nin-nda va faw-faw vannda vaalan tɔ́. Mó kɔannun vɛlɛ a sumnda kpow a á vanaa toosiaa lakpooloa kpow. Vanaa bala fondo-fondoa daama o mɛi ni.

Yeremi 13:19

Kobilan a ba too la cuu kindan, vana-vana co lɛ le lan kumbi le, kani a kɔɛ a vannda Yuda kpow o biyɔɔ nin, a kɔɛ a nda kpow.

Yeremi 29:1

Yeremi lo Yerusalɛm, mó sɛval van bɛndua lo o vanaa ndáà kɔɛ o biyɔɔ nin-nda tɛɛn-nda sɛbɔɔ: vanaa-solia-lasálàá, vanaa-tɛɛngaa-diom Hala-a a vanaa tɔ̀a Nebukanɛsar ndóò bii Yerusalɛm, mó kɔa a nda o biyɔɔ nin Babilɔn-nda.

Yeremi 29:2

Telen o sɛva sɛbɛ kon-ndo komal nin masaa Yekonia, kalaa masaa, simlacia, van bɛndua Yuda a haa Yerusalɛm, vanaa caa valta labalan-nda a sumnda kpow ndáà faŋan nin Yerusalɛm.