Yeremi 28:16 - BII BILA

¹⁶ Ɲɛ Mɛlɛka dimi-o co hoo ni aa: «I co nɔm tovɔɔ o lɛŋnden nden nin, nanndee n co vu ni, kani a tosa mí vannda simul Mɛlɛka.»

Yeremi 28:16 Referans Kwoze

Yeremi 29:32

ɲɛ Mɛlɛka dimi-o co hoo ni aa: ‹I co Semaya fula Nehelam-ndo a cuavaa ndɔa imamaa kuel, vanndo pilɛ bɛɛ lonin icali o yungu ndɔɔ nin, mò ce dɛnɛ kɛndɛ ya tosalnin vanaa nia-o le›. Sɔɛi fula Mɛlɛka o sondo-e co ken ni. Kani ndu tosa ni mì vanaa niaa simul-la, Mɛlɛka dimi lende ni.›»

O Kandɔɔ 7:4

Kani o lo palɛi ndii ŋɔmmɛw mì tuisi piɔɔ bɛndu-bɛndoo o lɛŋnden coo, mò lo siaa háá palɛi belehiɔɔlu a malɔ belehiɔɔlu, mì tɛɛmbuu ɲɛ-ɲɛ co ɲɛ yoomaa.»

Yeremi 20:6

Nduyɛ nɔm Pasur a vanaa co o nɔm ndo cɛinin-nda kpow, la kɔanin o biyɔɔ nin. A tiiya pɛ Babilɔn, lon n co lakɔ vu ni, mà kumbu nɔm lon, lende koni ya tosanin vɛlɛ a caaŋaa nɔmaa n va diom hala lacòòva kon dimullo-a ni.›»

1Masaa 13:34

Haki yungu Yeroboam-ndo tosa-o yɔŋnun kon nin. Ɛ̀ɛ̀ nduyɛ, le ken kpeekpei yungu kon cuu o ceendo coo ni.

Tɔŋ miingua 6:15

Kani Mɛlɛka Hala niaa co niaa tɛɛn-ndo, Hala paŋalaa o co ni, yɔŋii kɔl ndɔ tuwvo tol niaa coo mò cii niaa diw o lɛŋnden coo.

Fulaa 32:12

Taa tɛɛmbuu nda pɛ, Esiptea co dimi aa ‹A yiyan vɔɔndo Hala ndaa soli nda Esipte ni, le nda kɔlan diwvo o lɛŋnde n'pembulen nin mì diola ndalan la faŋan o ceendo coo.› Lelan, ɲulul kɔl ma mal kpundɛ n tuu le vanaa nɔmnda tuisio coo-o.

Amɔs 9:8

La tofa vɔ, Maalii, o co Mɛlɛka-o, co masale lahakilen nden mɛɛndanndo a dimio aa: «I co lakɔ len tɛɛmbuu mì le faŋan o lɛŋnden coo, Kɛ o bɛnda mì tɛɛmbuu cɛi Yakɔb-o kpede le. Ya Mɛlɛka dimi lende ni.

Yeremi 28:3

Nanu a vɔsilan tan tiɔn, i co ɲɛm-laandun va le Cɛi-Hala-on mingi o fondaa ho, n masaa Nebukanɛsar ndóò soli, mó kɔannun a mun Babilɔn-ndon.

Kundalan 29:32

Paale ŋɔmmɛwndɔlen, la bɛnda mì la soli sálàá a navaa tovaa nda ŋɔmmɛw, saa kóndóa nda ŋiɔn a saa téndéa nɔ vɔsio pilɛ-a tɔ́ a à hiɔɔlu, cɔlua kan kpow a bɛnda mà nɔ lenamta le.

Kundalan 14:37

a soo kan sɔɔn vɔɔnndon a lɛŋnde len-nda, mí Mɛlɛka lɔaa nda, má cuu vu o lepilɔɔ kpede lon.

Yeremi 28:17

Lekɛ́ndɛi, mí Hanania vana-tɛɛngaa-diom Hala-o vu o paangii ŋɔmmɛwndɔɛi o vɔsi pilɛ kon nin.

Amɔs 7:17

Lelan, tuei-yɔ sɔɛi Mɛlɛka dimi-e: ‹Laa nɔm luɛinin o suundaa o kobio ho nin. Poaa nɔmnda a cuavaa nɔmaa laandua cɛɛlunnin a vílɛ́iya o mɔɛi cɔwve bɛngu. Yondola nɔmndan la piɔwnunnin a yoolen. Nɔm pila vunin o lɛŋnde nɔɔlɛilen coo. Vannda biinin cuavaa Israɛlla mà kɔɛ a nda o cɛlen nin lɛŋnde ndalen levil pɔ́-pɔ́!›»