Biblia Todo Logo
Bib sou entènèt

- Piblisite -




Yeremi 28:1 - BII BILA

1 O vɔsi pilɛ kon nin, vɔsi hiɔɔlundɔ Sedekia va masalen tosaa Yuda-o, o paangii ŋuɛɛnundɔɛi nin, mí Hanania po Asur vana-tɛɛngaa-diom Hala-o Kabaɔn dimul-la o Cɛi-Hala-o nin vanaa-solia-lasálàá a vannda kpow o hɔl aa:

Gade chapit la Kopi




Yeremi 28:1
22 Referans Kwoze  

O masale Yehoyakim po Yosia masaa Yuda len kandɔnndo, mí Mɛlɛka dimul Yeremi sɔɛi he aa:


Mɛɛ vannda Kabaɔn bɛɛ a tuei mɛɛ Yosue tosa a kobio Yeriko a kobio Ai yɛ,


Kɛ telen o tiiya o dio Bɛnyamɛn-ndo-o, mó komal bolle kpalilla diolan Yiria, po Selemia-o, po imama Hanania-o. Mí ndu Yiria bii Yeremi vana-tɛɛngaa-diom Hala-o, mó dimul ndu aa: «O Babilɔn-nda lo n co hiovɔɔ nuaa ni.»


mó toal o cɛi lemasaa nin, mó kɔa o cɛi vana sɛvaa nin di. Simlacia kpede a va o bɔŋanndo coo lon, Elisama vana sɛvaa va lon, Delaya po Semaya-o, Ɛlnatan po Akbɔr-o, Kemaria po Safan-ndo, Sedekia po Hanania-o a simlacia tɔ̀a kpow.


O kon kɔɔli, mó dimi vanaa va lon-nda kpede o hɔl aa: «Mɛlɛka dimi aa: ‹Lende koni i yɔŋnunin nanu a vɔsila tiɔn ni. I tuisinin vanaa-mangalaa-isɔɔa kpow sangala bɛndulan coo, sanga bɛndu Nebukanɛsar masaa Babilɔn mal nda nin-ndo pɛɛn.›» O kon, mí Yeremi vana-tɛɛngaa-diom Hala-o kɔannun.


Sɔɛi pilɛi ken koni ya dimul Sedekia masaa Yuda ni aa: «La cɛl sanga masaa Babilɔn co niaa tuisi coo-o, la tosal ndu baalaa a vanaa ndɔa, mì la baŋa yoomu niaa.


O kon kɔɔli, mà yoo ndi masaa Edɔm, masaa Moab, masa Amɔnnda, masaa Tir a masaa Sidɔn. Vanaa co hɔlte lɛŋii ken ma va calle Yerusalɛm o ba Sedekia masaa Yuda-o bɛngu-a pɛɛn.


Vana-tɛɛngaa-diom Hala sɔl pɛ lɔma ndɔ, ndu cɔm vannda lɔma o sɔl-lan! Kɛ te i yɔngu ndu pɛ yoongoo pum, o bɛnda mò tɛɛnguu ndu lende kpafii!» Vana tuu billo a kullon te. Mɛlɛka dimi lende ni.


Vanaa co vanaa Hala-a simndan laci-a co nda lueiyo o pɔwlan nin, vanaa co yɛ cɛlɔɔ mi vannda va nda simndan laci-a co nda pila laasianndo.


Paale Mɛlɛka mal ten Amoriia Israɛlla o ba len, mí Yosue piɛi Mɛlɛka Israɛlla kpow o hɔl le ndu isɔɔ tosal, mó dimi aa: «Nɔm paalen, sim o kobio Kabaɔn coo! Nɔm paangei, lo isisi o bóllo Ayalɔn coo!»


Paale pum, mí masaa Salomɔn kɔa Kabaɔn le sálàlan solio lon, kani lon sooluula leboltan la va ni. Mó soli sálàla loamaalan vàá pilɛ o fonda-loamaa-lasálàá coo o sooluula lan.


Sedekia ndóò nɔ vɔsilan bidiin a ò pilɛ, mó siŋnun masaa, mó tosa masalen vɔsilan tɔ́ a ò pilɛ. Hamutal cua Yeremi fula Libna-o va kala ndɔ ni.


Sedekia ndóò nɔ vɔsilan bidiin a ò pilɛ, mó siŋnun masaa. Mó tosa masalen Yerusalɛm vɔsilan tɔ́ a ò pilɛ.


Mí Yeremi mulul Hanania vana-tɛɛngaa-diom Hala-o, vanaa-solia-lasálàá a vannda kpow o hɔl aa:


Lekɛ́ndɛi, mí Hanania vana-tɛɛngaa-diom Hala-o vu o paangii ŋɔmmɛwndɔɛi o vɔsi pilɛ kon nin.


Ɔ́ɔ̀ ba vanaa-tɛɛngaa-diom Hala-a niaa co-o? A va niaa kan dimullo aa: «Masaa Babilɔn hinulnin niaa o lɛŋnden nden nin a cɔwvo le-a pɛɛn.»


Diom Mɛlɛka dimulun Yeremi vana-tɛɛngaa-diom Hala-o, le vannda Elam tɛɛngullo-o. Sedekia ndóò hel-lɔ ko sɛnɛi o masalen Yuda kínɛí.


Seraya va po Neriya-o ni, po imama Maseya-o, mó kɔa Babilɔn nda Sedekia masaa Yuda o vɔsi hiɔɔlundɔ o va o masalen-ndo. Ndu Seraya kon va dɔ́ɔ́ngɔ́ɔ̀ kpow bollen ni.


A co masaa kɔllo nɛŋio a yɔŋ vɔɔn ndaa, mà va simlacia kɔllo nɛŋio a sɔɔn lacòòvan.


Hee kpow niaa cɔmndo kani la co yiyanndo maa Babilɔn Mɛlɛka soli vanaa-tɛɛngaa-diom Hala-a le niaa ni.


A co vunduma lacòòvan cɔu a yoongula palaa n'vanndan tɛɛnguuo, nda kpede a co dimio aa: ‹Diom Mɛlɛka soo-o co hoo ni›. Nduyɛ Mɛlɛka vim nda le. A co vannda tiindanndo yɔngoo maa sɔɔn nda dimi-on peelunnin.


Swiv nou:

Piblisite


Piblisite