Yeremi 27:9 - BII BILA

⁹ Lelan niaa, la yaŋ vanaa-tɛɛngaa-diom Hala-a niaa lani le, la yaŋ vanaa niaa dimi siɔdii lacio-a, vanaa tɛɛsiaa lɔma sɔlaan-nda, vanaa sina loeon kɔlɔ-a a vanaa mangalaa nilan te. Nda kpede a co niaa dimullo aa la delnin masaa Babilɔn o ba le.

Yeremi 27:9 Referans Kwoze

Yeremi 14:14

Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Yeremi 29:8

O Mɛlɛka-Nɔ-Kpaayaa-Kpow-vo, Hala Israɛl-lo dimi-o co hoo ni aa: «La cɛl mì vanaa-tɛɛngaa-diom Hala-a co niaa tɛɛn-nda, vanaa dimi siɔdii lacio-a hiŋ niaa hɔlla le. La lúɛì lɔma niaa co sɔllo-an yii le.

Esai 8:19

Taa dimul niaa pɛ aa: ‹La kɔ ɲuna vanaa suukan a vanvílɛ́iya-a, vanaa viamaa yavaa, vanaa soaa tootoo a ciŋndon sɔsaa-a, mà dimi aa hala vannda nɔ pɛ o co hala kon te nda piɛi le, o va bɛɛ aa o vanvílɛ́iya lo nda soaa le dɛnɛ kɛndɛ vanaa co yoomu-a ni›, la mulul nda aa:

Dɛnnda cɔɔmuanndan 22:15

Kɛ nduyɛ vanaa tosaa dɛnnda vɔɔnda, vanaa mangalaa, vanaa tosaa dɛnnda nɔɔlɛiya, vanaa diuvaa n'vannda, vanaa soolaa n'piɔmnda a vana-vana kaola còòlan mo co lan dimio, nda lueinin te few.

Dɛnnda cɔɔmuanndan 21:8

Kɛ vanaa isiòònda, vanaa laalan te-a, vanaa tosa mààlan-nda, vanaa diw vannda-a, vanaa tosa dɛnnda laasiɛilan-nda, vanaa mangalaa, vanaa soolaa n'piɔmnda a vanaa lacòòvaa kpede, o dala bɛndu leyin fungoo vanin ŋɔu nin-ndo nin fonda ndaa vanin ni, piɔ́m diinndɔɔ co kon ni.»

Dɛnnda cɔɔmuanndan 18:23

Vana ci lɛnin ɲɛ-tengaa fitina lon te, diom vana cua lanɔɔ sɛnɛi-yo te kon te vana cal o nɔu sɛnɛi-yo tuinun ndɛnin ndon te. Kani yulaa ndɔa va vanaa bɛndua o lɛŋnden coo ni, mí vanaa-mangalaa-isɔɔa kpow a luɛi o pɔwlan nin a kueile nɔmnden.

Dɛnnda cɔɔmuanndan 9:21

A mangalan mà mal vanndacieea diwvo le, a mel kueilen fulaa le, a mel laasian ndaa a vuile nda va tosaa len te.

Dɛnnda kiilaa 8:11

Le tùú o va nda kɔndɔfillo dɔvɔɔ a mangaliala ndɔla lan kabi lɔ́ɔ́ levil-lo nda va ndu bɛɛle bɛndu-bɛndu le len keo ni.

Misee 3:7

Vanaa dimi sɔɔn vaa siɔdii-a kpow a viannin hɔlla, mì siɛmbulan la bii vanaa viamaa yavaa. Kani Hala mulul lɛnin nda le.

Yeremi 23:32

I co vanaa co kan vunduma fondoan cɔu-va ciŋilan.» Sɔɛi fula Mɛlɛka o sondo-e co hee ni. O còòla lan tombolaa nda luei vanaa nia o pɔwlan nin ni. Nduyɛ, i vim nda lekiila kɛ́-kɛ̀ le. I dimul nda ɲɛ-ɲɛ le. A co vanaa nia mako kɛ́-kɛ̀ soli le.» Mɛlɛka soo lende ni.

Yeremi 23:25

Ya Mɛlɛka, i tuei ɲɛ vanaa-tɛɛngaa-diom Hala-a co dimio-o. A co dimio maa o diola nilan nda co sɔɛi ni, kɛ còòlan fúú. A co dimio aa: ‹I sɔl lɔan, i ce vundulen.›

Yeremi 23:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

Yosue 13:22

Balaam, vana viamaa yavaa, po Beɔr-o bɛɛ va vana pilɛ o vanaa Israɛlla diw-va tɛɛn.

Tɔŋ miingua 18:14

Kani vanaa-mangalaa-isɔaa niaa co kan kɔlan lɛŋnden hiɔlɔɔ o ba-a co vanaa viamaa yavaa a mandea nilan yaŋɔɔ. Kɛ niaa, Mɛlɛka Hala niaa yeema mi la tosa dɛnɛ vaa lende le.

Fulaa 7:11

Mɛɛ Faraɔnnɔɔ ce dɛnɛ kon, mí ndu bɛɛ veelu vanaa ndɔa mangalaa. Mɛɛ nda hin, mí nda bɛɛ tosa lende a kpaaya nda mangalaa.

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.

Efɛsea 5:6

La cɛl mì vana-vana hui niaa a sɔɔn fondon te, kani le tɛɛmbuula vaa lende kɔltuw Hala-o toalnin vanaa co ndu simullo-a coo ni.

Fulaa 22:18

Vana-vana hini pɛ a cɔloo, ndu bɛnda mò sɔla piɔ́mndo kangalan.

Talelan 19:27

Po nuu, taa ve lɛ silaa tueyɔɔ le, mɛɛ a sinà lɛnin dɛnɛ le.

Esekiɛl 21:29

Le hee, la tuei-yɔ diom Maalii dimi-o, Mɛlɛka pɛɛn: ‹Le tùú niaa yiyalan ya tɛɛmbuu niaa, mí la soli hakila niaalan ceen-ndo, le tùú niaa cɔm yɔŋnda vɔɔnda niaalan kpendekele o dɛnnda niaalan kpow nin-ndo, le tùú niaa pila yɔngu vannda yiyanndo a hakila lan o kɔɔ-o, la co ndu delɔɔ o ba mò bii niaa.

Daniɛl 4:7

I va o kpele nuu coo, mí ca vunduan man: Yɔm bɛndu-bɛndoo va isisi o lɛŋnden tɛɛn.

Tɔŋ miingua 13:2

«Te vana-tɛɛngaa-diom Hala-o pum, te kon te vana sina kɔlɔ lɔma sɔlaan-ndo pum hun cɔmnun pɛ niaa tɛɛn, te o tosa pɛ dɛnɛ kaamaa pum, te kon te mò dimi sɔɛi co hunɔɔ yɔnnɔn-nde,