Yeremi 27:8 - BII BILA

⁸ Mɛlɛka dimi aa: «Vanaa-mangalaa-isɔɔa te kon te masale kɛɛ pɛ le tuisinndo Nebukanɛsar masaa Babilɔn o labɛngunin, mà kɛɛ le sanga masaa Babilɔn tuisinin nda coo-o siilɔnndo, i kuelnin vanaa kan a mɔɛi cɔwve, a yima fofolan, mì kuel nda a nàà n'kɔnyaa. I viamnin masaa Babilɔn le nda ciiyo kpede.

Yeremi 27:8 Referans Kwoze

Esekiɛl 14:21

A toɲa, nuaa Maalii o co Mɛlɛka-o dimi ni aa: «Maa lekɛ́ndɛi, i tuisinin sangala hiɔɔlula kálà-kálàlan ndan Yerusalɛm coo: cɔwvo, yima fofolan, visia biyaa a nàà n'kɔnyaa le vanndacieea a cɔlua ciiyo diwvo.

Yeremi 24:10

I tuisinin nda cɔwvo coo, yima fofolan a nàà n'kɔnyaa háá mà cuu o lɛŋnde ya yɔngu nda len nin, le ya yɔngu fuɲaa ndaa mamaa a nda pila len pɛɛn.»

Yeremi 40:9

Mí Kedalia po Ahikam-ndo, po imama Safan-ndo mɛnalan nda a poaa va nda kɔɔli-a kpow, mó dimul nda aa: «Siòòŋii bii niaa le Babilɔn-nda baalaa tosallo le. La cal o lɛŋnden nin mì la va masaa Babilɔn o ba bɛngu, o kon mì la vannun a kɔlɲulu.

Yeremi 27:11

Kɛ vanaa cɛlnin mà tosal masaa Babilɔn baala o baŋnin nda tosaa-o-a, i kenin nda pɛngio o lɛŋnde ndalen nin, haliko ma va vàá, mà cal lon. Sɔɛi fula Mɛlɛka o sondo-e co ken ni.»

Yeremi 27:13

Le yɛɛ niaa cɛl-lɛnin mì la cuu o mɔɛi cɔwve bɛngu, a yima fofolan a á nàà n'kɔnyaa, maa mɛɛ Mɛlɛka dimi le tosaa a vanaa kɛɛnin le masaa Babilɔn baalaa tosallo-a yɛ?

Yeremi 28:4

I co vɛlɛ Yekonia po Yehoyakim masaa Yuda-o a vanaa-vanaa ndáà bii Yuda, má kɔa a nda Babilɔn mingi nanu, kani i co sanga bɛndu co masaa Babilɔn coo-o faŋa.› »

Yeremi 28:14

Kani ɲɛ Mɛlɛka-Nɔ-Kpaayaa-Kpow-vo, o Hala Israɛl-lo dimi-o co hoo ni aa: ‹I co yɔm lebol icilin-ndo handɔɔ vanaa-mangalaa-isɔɔa kpow o n'kɛsu, haliko ma tosal Nebukanɛsar, masaa Babilɔn baalaa. A tosalnin ndu baalaa lekɛ́ndɛi, hali visia yondoa, i malnin nda ndu o ba.›»

Yeremi 29:17

O Mɛlɛka-Nɔ-Kpaayaa-Kpow-vo dimi-o co hoo ni aa: ‹I co nda kuel a cɔwvo a á yima fofolan, mì kuel nda vɛlɛ a nàà n'kɔnyaa. Mì mingi nda maa voosun siovɛi, n vana nɔla dioo loon, le tambii bɛndui n tambu-e.

Yeremi 29:18

I toalnin nda kɔɔli a cɔwvo, yima fofolan, mì tol nda vɛlɛ kɔɔli a nàà n'kɔnyaa. I co mɔnɛ soli a nda, mì siòòŋii bɛnduei bii masɛi co o ceendo coo-e kpow. O lɛŋii kɛ́-kɛ̀ ya toawnin nda nin, nda vanin tɔɔmasele vannda vanin cuaa le mɛnaa a le sɔɛi vɔɔn-vɔɔnde, te kon te sɔɛi lasiɛmbuei pum tuuvo ni.

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.