Yeremi 27:7 - BII BILA

⁷ Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Yeremi 27:7 Referans Kwoze

Yeremi 52:31

Vɔsilan beleyaa a laŋɔmmɛw o kɔla nda kɔɛ a Yoakɛn masaa Yuda o biyɔɔ nin-ndan kɔɔli, mí Evil-Merodak sul masaa Babilɔn. Paangii tɔ́ a idiinndɔɛi va malɔ bidiin a leŋuɛɛnu o vɔsi kon nin, mó ca Yoakɛn masaa Yuda ɲia, mó soli ndu o kaasoo.

Dɛnnda cɔɔmuanndan 16:19

Mí kobi bɛndoo piɔwnun bungan mún yáá. Mí kobila vanaa-mangalaa-isɔɔa kpow la koombiaa, o kon mí Hala yiyan a Babilɔn bɛndoo, le ndu taala kólaa mɔima kɔl ndɔ tuw bɛndoo koesio.

Dɛnnda cɔɔmuanndan 14:8

Mí mɛlɛkanɔ celen, o diinndɔ hin o ó tasoo kɔɔli-o hiaw laci a dimio aa: «O del! O del! Babilɔn bɛndoo del! Ndu koesi vanaa-mangalaa-isɔɔa kpow mɔima kɔltuwma dɛnɛ nɔɔlɛi ndɔɔ ni.»

Habakuk 2:7

Vanaa niaa del coo-a hinulnin niaa maa mɛɛ vana kueo kɔa suukoo nuaa yɛ, mì nda bɛɛ poondiaa ɲɛm niaan.

Esai 21:9

Tofa vɔ, i co ɲɛ ɲaanan soa nan-ndo cɔu hunɔɔ, vanaa ɲaanun a soa-a co o soa coo a ŋiɔn-ŋiɔn! Vana co o ɲɛ ɲaanan kon coo-o cua sɔɛi mo va dimio aa: «O del fɔ, Babilɔn del! Tuuliaala ndalan a piɔmaa ndaa deli lɛŋ mà piɔsi!»

Esai 13:1

Sɔɛi dimin le Babilɔn-nde co hee ni, i Esai po Amɔt-o tuei-ye:

Condii lisai 37:13

Kɛ Maalii co vana kɔlvesɛi kon mamɔɔ, kani o co cɔu maa paale ndɔlen le co tiiyaa.

Yeremi 27:22

‹A kɔanin a mun Babilɔn, mì n lo lon háá telen ya cuanin sɔɛi ndɔɛi-yo, mì cua mun, mì mingi mun o fondaa ho.› » Sɔɛi fula Mɛlɛka o sondo-e co ken ni.

Yeremi 34:1

Nebukanɛsar va masaa Babilɔn, mó can nda vanaa ndɔa cɔwva kpow, vanaa cɔvaa masɛi a vanaa-mangalaa-isɔɔa va ndu o ba bɛngu-a kpow, má hun del Yerusalɛm a kobila co o tàndá Yuda-o nin-ndan coo a cɔwvo. O telen kon, mí Mɛlɛka soaa o Yeremi lo, mó dimul ndu aa:

Yeremi 44:30

Ɲɛ Mɛlɛka dimio co ho ni aa: «I co Hɔfra, masaa Esipte, malɔɔ yaamɔaa ndɔa yeema le ndu diyɔɔ-a o ba, mɛɛ ya mal Sedesia, masaa Yuda, Nebukanɛsar masaa Babilɔn o yɛ, yaamɔɔ ndɔ óò yeema kon le ndu diyɔɔ-o pɛɛn.» Sɔɛi fula ya Mɛlɛka o sondo-e co ken ni.

Yeremi 46:13

Mí Mɛlɛka soaa o Yeremi vana-tɛɛngaa-diom Hala-o lo, telen Nebukanɛsar masaa Babilɔn hin le lɛŋnde Esipte len delɔɔ coo a cɔwvo-o, mó dimul ndu aa:

Daniɛl 2:37

Òó masaa! Nɔm co masa hiow masaa-o ni, kani Hala co o halataala-o yɔngu nɔm masalen, yoomuan, kpaayaa a tɔ́ɔ́.

Daniɛl 4:22

A toawnunnin ma faŋan vanndacieea tɛɛn. Nɛɛ nɔmaa calaa vanin yondoo nin niaa visia latulu ni. A yɔngunin nɔm billo le dioo maa naw. A liwviaanin nɔm yɔ́-yɔ́ o kɛmndan nin, ma lo lende háá vɔsilan laŋɔmmɛw, háá ma sina maa Ó-Hiow-Ɲɔɔn-Kpow-vo nɔ masalen o ceendo coo o labɛngunin ni. Nduyɛ vana hɛnan ndu-o, ndu o sííngùù masaa ni.

Habakuk 2:8

Le tùú niaa poondiaa lɛŋii bɔɔ-bɔɔ ɲɔɔn o laba-o, niaa bɛɛ, lɛŋii tɔ̀ɛi poondiaanin ɲɛm niaan le vanaa niaa diw-va, le kafala niaa tosa o lɛŋnden nin-ndan a le delɔɔ niaa del kobio a vanaa co lenin-nda coo-o.

Esekiɛl 30:24

Kɛ i lueinin bala masaa Babilɔn-ndan yoomuan, mì sɔɔ mɔɛi nii cɔwve ndu o ba. O kon i yiminin Faraɔnnɔɔ balan, mò viiviin a caŋndo masaa Babilɔn o hɔl mɛɛ vana nda yɔŋ ɲɛm-kalan bɛndon-ndo viiviin le kɔllo malnɔnndo yɛ.