Yeremi 27:6 - BII BILA

⁶ I co niko lɛŋii ken kpow malɔɔ vana ni baalaa o ba, Nebukanɛsar masaa Babilɔn pɛɛn. Hali visia yondoa, a tosalnin ndu baalaa.

Yeremi 27:6 Referans Kwoze

Yeremi 28:14

Kani ɲɛ Mɛlɛka-Nɔ-Kpaayaa-Kpow-vo, o Hala Israɛl-lo dimi-o co hoo ni aa: ‹I co yɔm lebol icilin-ndo handɔɔ vanaa-mangalaa-isɔɔa kpow o n'kɛsu, haliko ma tosal Nebukanɛsar, masaa Babilɔn baalaa. A tosalnin ndu baalaa lekɛ́ndɛi, hali visia yondoa, i malnin nda ndu o ba.›»

Yeremi 25:9

i co tosa mì vanaa co ba luaŋ-ndo-a kpede a mɔɔsian, mì veelu Nebukanɛsar vana ni baala, o co masaa Babilɔn-ndo. Mì cuu nda, mà hinul lɛŋnden nden a vanaa co lenin-nda, mà hinul vanaa-mangalaa-isɔaa balu vɛlɛ nda-a kpede. I diwnin niaa, niaa ndaa latulu, mì mingi lɛŋnden nden bémbélan le fɛɛn a fɛɛn. Vannda kpinganin nden mà hɔŋ hùíyé a mɔnɛi. Ya Mɛlɛka dimi lende ni.

Yeremi 43:10

O kon mà dimul Yuifia aa: «Diom Mɛlɛka-Nɔ-Kpaayaa-Kpow-vo, Hala Israɛlla dimi-o co hoo ni aa: ‹I co vannda vomɔɔ Nebukanɛsar masaa Babilɔn vana ni baalaa kɔɔli, mì kɛsi kpɛŋɛ ndɔ lemasaa o powta ya kumbu lan-ndan coo. O fondaa ho o toandunin cɛi-kola-toandaa ndɔɔ ni.

Esai 44:28

Mí dimi a Siris o kɔɔ aa: ‹Vana mandaa n'cɔlu nuu o co ni, nduyɛ o peelunin hɛnan nuu kpow›. Ndu Siris diminin aa: ‹A muungu mà tangul Yerusalɛm›. O diminin aa: ‹Cɛi-Hala-o baŋnun vɛlɛ›.

Yeremi 24:1

Mí Mɛlɛka cɔm ya kambɛila tiɔnnda n'voosulan, la va lakɛsiaalan o Cɛi-Hala-o hɔl-ndɔ. Nebukanɛsar masaa Babilɔn ndóò bii nin Yekoniahu po Yehoyakim, masaa Yuda-o, simlacia Yuda, sumnda a vanaa caa baalala laba súú-súù ka-a, mó kɔa a nda Babilɔn.

Yeremi 21:7

Mɛlɛka dimi maa o kon kɔɔli, o malnin Sedekia masaa Yuda, a simlacia ndɔa masaa Babilɔn o ba. Mò mal ndu vanaa nàà n'kɔnyaa mɛinin-nda o ba, a vanaa cɔwvo a yima fofolan ma mɛinin yoomu o kobio nin-nda o ba. I malnin nda yaamɔaa ndaa o ba, a yeema le nda diwvo-a pɛɛn. Nebukanɛsar diwnin nda. O tosalnin nda ikɛndɛ le, o mɛinin vɛlɛ vana-vana yoomu le, iɲíí bɛɛ biinin ndu le.›»

Yeremi 22:25

I mal nɔm yaamɔaa nɔmnda o ba, vanaa n nɔ siòòŋii ndɛi-ya, Nebukanɛsar masaa Babilɔn a vanaa ndɔa cɔwva pɛɛn.

Yeremi 49:30

Mɛlɛka dimi aa: Vannda Hatsɔr, la ɲaanun mì la keleŋa lakɔ, mì la vennun o buululan nin. Kani Nebukanɛsar masaa Babilɔn tuu dɛnɛ vɔɔndo le niaa, o yiyan le isɔɔ tosa.»

Esekiɛl 29:12

I siinguunin lɛŋnde Esipte len lɛŋnde piɔlɛilen o lɛŋii piɔlɛiye tɛɛn, mì siinguu kobila ndɔlan kobila pɔmndan o kobila piɔl tan tɛɛn o vɔsilan belehiɔɔlu bɛngu. I saŋnin Esiptea vanaa-mangalaa-isɔɔa tɛɛn, mì sɛŋi nda o lɛŋii yɛ́-yɛ́i nin.»

Daniɛl 4:12

Kɛ mì la mɛi ciiye a puundon yondoo nin, mì la yii ndi a yɔlɔn n'cilinndon a á yɔlɔn n'daɲan. Màá i liva o kɛmndan nin, mì i de billo maa visi!

Daniɛl 4:22

A toawnunnin ma faŋan vanndacieea tɛɛn. Nɛɛ nɔmaa calaa vanin yondoo nin niaa visia latulu ni. A yɔngunin nɔm billo le dioo maa naw. A liwviaanin nɔm yɔ́-yɔ́ o kɛmndan nin, ma lo lende háá vɔsilan laŋɔmmɛw, háá ma sina maa Ó-Hiow-Ɲɔɔn-Kpow-vo nɔ masalen o ceendo coo o labɛngunin ni. Nduyɛ vana hɛnan ndu-o, ndu o sííngùù masaa ni.

2Masaa 25:28

Mó dimul ndu sɔɔn kɛndɔn, mó ke ndu fonda bɛndoo hiovɔɔ masaa va ndu ikɛi o masalen coo Babilɔn-nda coo.

2Dɛnnda lemasalan 36:23

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin. Lelan, vanaa co vanaa ndɔa o niaa tɛɛn-nda, a hèèlú Yerusalɛm. Màá Mɛlɛka Hala ndaa va nda ikɛi!›»

Esekiɛl 30:24

Kɛ i lueinin bala masaa Babilɔn-ndan yoomuan, mì sɔɔ mɔɛi nii cɔwve ndu o ba. O kon i yiminin Faraɔnnɔɔ balan, mò viiviin a caŋndo masaa Babilɔn o hɔl mɛɛ vana nda yɔŋ ɲɛm-kalan bɛndon-ndo viiviin le kɔllo malnɔnndo yɛ.