Yeremi 27:5 - BII BILA

⁵ Ya toosiaa lɛŋnden ni, vanndacieea a visia kɛ́-kɛ̀ co o lɛŋnden coo a kpaaya ni bɛndoo a á yoomuma nima bɛnduan. Vana ya yeema pɛ, i ke ndu len.

Yeremi 27:5 Referans Kwoze

Yeremi 51:15

Mɛlɛka cɔw lɛŋnden a kpaaya ndɔɔ. O cɔw ceendo a taasi ndɔɔ. O tondu halataalaa a kɔlkalu ndɔɔ.

Yeremi 32:17

«Àá Maalii Hala, nɔm siɛndi ba nɔmndo ni, má soli halataalaa a lɛŋnden, a kpaaya nɔm bɛndoo. Ɲɛ-ɲɛ kindu a nɔm te.

Daniɛl 4:17

Yɔm bɛndu-bɛndu n ce hoo mó nɔ kpaayaa taw, mó tiiya bandei háá o halataala-o, o vanáà sim kon nɛɛ-nɛɛ ka o ceendo coo ma ce ndu-o,

Esai 45:12

Ya cɔw lɛŋnden ni, ya pila cɔw vɛlɛ vanacieo lecoo ni, ya ni, bala nilan la tondu halataalaa ni, ya pila toosiaa kpaayala co lenin-ndan kpow ni.

Kolɔsea 1:16

kani o ndu nin ɲɔɔn kpow n cɔwnun ni, mun o halataala a mun o lɛŋnden coo, ɲaa yoomaa vana ca-a ɲaa vana ci le-a, masɛi a vanaa lebolla, kpaayala maɲumndan a simlacia. Ndu o ba ɲɛm mun kpow n cɔwnun ni, le ndu n co ni.

Esai 42:5

O Hala dimi-o, Mɛlɛka pɛɛn, o cɔw halataala mó toandu ndu-o, o pɛngɛla lɛŋnden a ɲɛm co fulaa lenin-ndon kpow-vo, o yɔngu ɲɛ-ɲɛ yoomaa co o lɛŋnden coo yoomoo-o, o yɔngu ɲɛ-ɲɛ co kelaa lecoo hoeyii yoomuɛi-yo co hoo ni aa:

Dɛnnda cɔɔmuanndan 4:11

«Le nɔm biiloo, bɛɛlen a kpaayaa co ni Mɛlɛka Hala naa, kani nɔm cɔw ɲɔɔn kpow ni, nɔm cɛl ni mì n va, ɛɛ nduyɛ mì n cɔawnun.»

Hebreea 1:2

Kɛ sunsun, o palɛi mɛɛlɛi he nin, mó soaa o naa lo a sondo po ndɔɔ. A po ndɔ kon o cɔw ceendo ni, ndu Hala koni hɛli vɛlɛ ni mí ɲɔɔn kpow n va le ndu.

Dɛnnda kiilaa 17:24

Hala cɔw lɛŋnden a ɲɛm co lenin-ndon kpow-vo, ndu co Vana bɛndoo o halataalaa a o lɛŋnden coo ni, o cel o cɛila-halala vanndacieea cɔw lan nin te.

Dɛnnda kiilaa 14:15

«Le yɛɛ nɛ niaa co yɛ ho tosaa? Naa bɛɛ, vanndacieea daama naa n co maa niaa ni. Yoongu Kɛndɔɔ naa hin niaa tiiyallo ni, haliko mi la mal piɔmaa fondoa sooloo, mì la mulul Hala nɔ yoomoo o ba-o hɔlla, o cɔw halataalaa, lɛŋnden, mɛmma ihɛllan a ɲɛm co lenin-ndon kpow-vo.

Esai 51:13

Bàà ma pɔɛɛnun Mɛlɛka toosian nɔmndo, o tondu halataalaa mó kila lɛŋnden-ndo? Vɛ̀ɛ̀ ma lo ɲiiyaa a siòònde lepalaa-lepala le kɔltuw vana saangiaa n'vanndo maa mɛɛ o va o bɛɛndian le tɛɛmbuuo? Ɔ́ɔ̀ niko kɔltuw vana saangiaa n'vanndo?

Esai 48:13

Ba nuu kila lɛŋnden ni, ba ni kɛndɔɔ tondu halataalaa ni. I veelu dɔ́ɔ́ pɛ ɲɛm mun, n cɔmnun ya dɔ́ɔ́ vellaa-velle.

Esai 44:24

Nuaa Mɛlɛka, o co vana baŋaa niaa-o, o toosiaa niaa kabi o volɔn niaa-o dimi ni aa: «Ya Mɛlɛka, i tosa ɲɔɔn kpow. Ya pilɛ kpé tondu halataalaa ni. Ya pilɛ kpé pɛngɛla lɛŋnden ni.

Ɛsdras 1:2

«Nuaa Siris, masaa Pɛrse dimi ni aa: ‹Mɛlɛka, Hala co o halataala-o yɔngu ya masɛi co o lɛŋnden kpow coo-e. O vem ya le ndu Cɛiyo tengullo Yerusalɛm, o tàndá Yuda-o nin.

Tɔŋ miingua 2:7

Kani Mɛlɛka Hala niaa dɔw niaa duaa o kpekula niaalan kpow nin, mó manda niaa telen niaa va lɛŋnde veselɛile bɛndulen nden taŋɔɔ-o. La tofa vɔ, o co nin vɔsilan belehiɔɔlu, Mɛlɛka Hala niaa co latulu a niaa, ɲɛ-ɲɛ co niaa lepɛŋ te.›

Condii lisai 102:25

O kon, mí yonda aa: «Éé Hala nuu, kialu palɛi nii yoomuɛi tɛɛn te, nɔm Hala fɛɛn-fɛɛndo!»

Tɔŋ miingua 32:8

Tuma Hala-Hiow-Ɲɔɔn-Kpow-vo piɔw lɛŋnden vanndacieea tɛɛn-ndo, mó salu pɛɛngulan vanaa-mangalaa-isɔɔa tɛɛn mɛɛ cuavaa Israɛlla co sɛ́lɛ́ yɛ.

Tɔŋ miingua 9:29

Nduyɛ, vanaa nɔmnda vannda ha co ni, kɛ nɔmndo pɛɛn, a n soli Esipte a ba nɔm kpaaya bɛndoo-a.›»

Tɔŋ miingua 5:16

La ke fuɲaa niaa a kalaa niaa bɛɛlen maa mɛɛ Mɛlɛka Hala niaa dimul niaa le tosaa yɛ, haliko mi la viow yoomu, mì la sɔla dɛnɛ kɛndɔɔ o lɛŋnde Mɛlɛka Hala niaa co niaa yɔngu len nin.

Tɔŋ miingua 4:35

Hala cɔm niaa kon kpow haliko mi la sina maa Mɛlɛka ndu pilɛ kpé co Hala ni, Hala celen co o ndu kɔɔli le.

Tɔŋ miingua 4:32

«Niaa Israɛlla, la ɲuna vɔ le dɛnnda tosan sindɛ lan, la tosan telen niáà vilun-ndɔ loo lan, kandɔɔ a telen Hala cɔw vanacieo o lɛŋnden coo-o. Kandɔɔ nɛɛ halataala kandun-nda, kɔ bii nɛɛ o mɛɛlu-a, vɛ̀ɛ̀ dɛnɛ kaamaa bɛndu vaa nuaa tosan nin? Vɛ̀ɛ̀ vana tueinin dɛnɛ vaa nuaa?

Tɔŋ miingua 4:25

Lelan, lɔ́ɔ́ niaa viawnin taw o lɛŋnde len nin-ndo, lɔ́ɔ́ niaa vialunin cuawva mì cuavaa niaa kan velu cuawva-o, te la laasian pɛ mì la cɔw piɔmnda, mì la tuula ɲɛ-ɲɛ, te la tosa pɛ ɲɛ hɛnan Mɛlɛka Hala niaa loo, mì la tuulu ndu kɔl,

Tɔŋ miingua 4:17

La tuula ɲɛ-ɲɛ a velan visi oo visi yoomaa co o lɛŋnden coo le, la tuula ɲɛ a velan yow oo yow co kelaa coocoo le,

Tɔŋ miingua 2:21

Vanaa kpaayaa, sɛ́lɛ́ bɛndoo a vanaa bandu taw-va vanaa kan va ni maa cuavaa-imamaa Anak-a. Kɛ mí Mɛlɛka ke poaa Amɔn-nda yoomuan, má diw vanaa kan, má hialu lɛŋnde ndalen, má cal o fonda ndaa.

Tɔŋ miingua 2:19

La tiiyanin poaa Amɔn-nda macɛlu, kɛ la del nda coo a cɔw le, la tiŋ nda a sɔngɔ le. Kani i yɔngu niaa ɲɛ-ɲɛ o lɛŋnde poaa Amɔn-nda nin te, polale Lɔt len ya yɔngu len ni. Kɛ́ ndaa co kon ni.›

Tɔŋ miingua 2:9

O kon, mí Mɛlɛka kanalan ya aa: ‹La cá Moabua yaamɔaa niaa le, la del nda coo a cɔw le. Kani i yɔngunin niaa ɲɛ-ɲɛ o lɛŋnde ndalen nin te. Kani cuavaa-imamaa Lɔt-a ya yɔngu lɛŋnde Ar len ni, kɛ́ ndaa co kon ni.›

Fulaa 20:11

Kani o palɛi ndii ŋɔmpum bɛngu, mí Mɛlɛka cɔaw halataalaa, lɛŋnden, mɛmma ihɛllan a ɲɛm co lenin-ndon kpow, kɛ o paale ŋɔmmɛwndɔlen coo, mó pɛngi. Lelan ndu Mɛlɛka dɔw paale pɛngiaale len duaa ni mó dindi len.

O Kandɔɔ 9:6

Kani vana soli pɛ vanacieo koovan, ndu bɛɛ vanacieo sòli ndu koovan. Bau a velan ya Hala-o ya cɔw vanacieo ni.

Dɛnnda kiilaa 17:26

O soli vanaa-mangalaa-isɔɔa kpow vana pilɛ o ipulu, haliko ma tiw o lɛŋnden kpow coo. Mó kialu telenndan, mó hendul nda vɛlɛ pɛɛngula fondala ndáà bɛnda le calle lan.

O Kandɔɔ 1:25

Mí Hala toosiaa visia yondoa mɛɛ nda co a súúlan yɛ, mó toosiaa cɔlua cieeninnda mɛɛ nda co a súúlan yɛ, mó toosiaa visia pɔmbɔa kela lɛŋ-nda mɛɛ nda co a súúlan yɛ. Mó ca maa a naŋ.

Condii lisai 96:5

Piɔmnda halaa vanaa-mangalaa-isɔɔa kpede co ni, kɛ Mɛlɛka cɔw halataalaa ni.

Yeremi 27:4

Mà dimul nda, mà kɔ hivul sɔɔn ya co vanaa ndaa bɛndua suu-on aa: ‹O Mɛlɛka-Nɔ-Kpaayaa-Kpow-vo dimi-o co hoo ni, Hala Israɛl-lo pɛɛn aa:

Daniɛl 4:25

Mí sɔɔn mun kpow n peelun masaa Nebukanɛsar coo.

Daniɛl 5:18

Òó masaa! Mí Hala-Hiow-Ɲɔɔn-Kpow-vo yɔngu Nebukanɛsar fuɲa nɔm masalen, vanabɛnduyɛi, bɔɔbɔɔyɛi a biiloo.

Fulaa 6:6

Lelan, dimul nda aa: ‹Ya co Mɛlɛka ni. I co niaa soli o baala lepɔtɔllo nin Esipte. I co niaa soli o cɛle ndalen nin. I co niaa baŋa a kpaaya ni bɛndoo, mì tuisi nda sangaa coo.

1Masaa 8:42

kani vannda tuɛinin diola nɔmnda bɛndulan, kpaaya nɔmndo a yoomuma nɔmndan tɔ́ɔ́, te o hin pɛ mò hun piɛi nɔm o Cɛiyo ho nin,

Nehemi 9:22

Má mal masɛi a vanaa súúla celennda nda o ba, má ke nda lɛŋii balu nda-e kɛ́ɔ, lɛŋnde Sihon masaa Hɛsbɔn-nden a lɛŋnde Ɔk masaa Basan-nden.

Daniɛl 2:38

Vanndacieea, visia yondoo nin a yowva coocoo, nɛɛ-nɛɛ nda co, mó luei nda nɔm o ba bɛngu. Mó siinguu nɔm vana bɛndoo nda kpow coo. Nɔm co bolle n'sianile piɔm kon ni.

Daniɛl 4:14

Sɔɛi fula mɛlɛkaa Hala-a o sondo-e i co hee ni, ɲaa yoomaa diandaa pɛɛn, haliko mi vanndacieea kpow a sina maa Ó-Hiow-Ɲɔɔn-Kpow-vo masalen o ceendo coo le co o labɛngunin ni. Vana o yeema pɛ le masalen yɔngoo, o yɔngu ndu. O tiwba mò heelu vana hiow dɔɔnanndo vannda o hɔl-lo.»

Daniɛl 4:22

A toawnunnin ma faŋan vanndacieea tɛɛn. Nɛɛ nɔmaa calaa vanin yondoo nin niaa visia latulu ni. A yɔngunin nɔm billo le dioo maa naw. A liwviaanin nɔm yɔ́-yɔ́ o kɛmndan nin, ma lo lende háá vɔsilan laŋɔmmɛw, háá ma sina maa Ó-Hiow-Ɲɔɔn-Kpow-vo nɔ masalen o ceendo coo o labɛngunin ni. Nduyɛ vana hɛnan ndu-o, ndu o sííngùù masaa ni.