Yeremi 27:4 - BII BILA

⁴ Mà dimul nda, mà kɔ hivul sɔɔn ya co vanaa ndaa bɛndua suu-on aa: ‹O Mɛlɛka-Nɔ-Kpaayaa-Kpow-vo dimi-o co hoo ni, Hala Israɛl-lo pɛɛn aa:

Yeremi 27:4 Referans Kwoze

Yeremi 51:19

Kɛ vana bɛndu Yakɔb-o co maa piɔmaa kan te. Ndu cɔw ɲɔɔn kpow-vo ni. Ndu nɔ polama Israɛlla ni. Diola ndɔlan aa Mɛlɛka-Nɔ-Kpaayaa-Kpow-vo.›»

Yeremi 25:27

Mí Mɛlɛka dimul-la le nda dimullo aa: «Mɛlɛka-Nɔ-Kpaayaa-Kpow-vo, Hala Israɛl-lo dimi aa: «La kol mì ma bii niaa, mì la kuisi man. La deli lɛŋ a man mì la bumba le cɔnɔnndo telen niaa canin vanvílɛ́iya cɛɛlɔnndo o mɔɛi cɔwve bɛngu-o.»

Yeremi 10:16

Hala co le Yakɔb-o co maa nda le, kani ndu toosiaa ɲɔɔn kpow ni, Israɛlla co polale co kɛ́ ndɔɔ len ni, diola ndɔlan aa Mɛlɛka-Nɔ-Kpaayaa-Kpow-vo.

Yeremi 10:10

Kɛ Mɛlɛka, Hala kpeekpeiyo o co ni, Hala nɔ yoomoo o ba-o, masa co le lɔ́ɔ́-lɔ́ɔ̀-o. Te o tambu pɛ kɔllo, lɛŋnden le ɲiiya, vanndacieea nɔla kɔl ndɔ tuwvo simullo le.

Fulaa 5:1

O kon kɔɔli, mí Moise nda Aarɔn a kɔa o Faraɔnnɔɔ lo, má dimul ndu aa: «Mɛlɛka, o co Hala Israɛlla-o dimi aa nɔm mal cuavaa ndɔa mà kɔ tosa kafoo o lɛŋnde veselɛilen nin le ndu biiloo.»

Yeremi 27:3

O kon kɔɔli, mà yoo ndi masaa Edɔm, masaa Moab, masa Amɔnnda, masaa Tir a masaa Sidɔn. Vanaa co hɔlte lɛŋii ken ma va calle Yerusalɛm o ba Sedekia masaa Yuda-o bɛngu-a pɛɛn.

Yeremi 27:5

Ya toosiaa lɛŋnden ni, vanndacieea a visia kɛ́-kɛ̀ co o lɛŋnden coo a kpaaya ni bɛndoo a á yoomuma nima bɛnduan. Vana ya yeema pɛ, i ke ndu len.

Yeremi 28:14

Kani ɲɛ Mɛlɛka-Nɔ-Kpaayaa-Kpow-vo, o Hala Israɛl-lo dimi-o co hoo ni aa: ‹I co yɔm lebol icilin-ndo handɔɔ vanaa-mangalaa-isɔɔa kpow o n'kɛsu, haliko ma tosal Nebukanɛsar, masaa Babilɔn baalaa. A tosalnin ndu baalaa lekɛ́ndɛi, hali visia yondoa, i malnin nda ndu o ba.›»