Yeremi 27:22 - BII BILA

²² ‹A kɔanin a mun Babilɔn, mì n lo lon háá telen ya cuanin sɔɛi ndɔɛi-yo, mì cua mun, mì mingi mun o fondaa ho.› » Sɔɛi fula Mɛlɛka o sondo-e co ken ni.

Yeremi 27:22 Referans Kwoze

Yeremi 29:10

O Mɛlɛka dimi-o co hoo ni aa: «La cii dɔ́ɔ́ pɛ vɔsila belaŋɔmmɛwlan Babilɔn o ba bɛngu, i cannin mì soo le niaa, o kon mì peelu kpema yáà yiilu niaa le niaa mingio Yerusalɛm-ndo.»

Yeremi 32:5

A kɔanin a Sedekia Babilɔn, lon o lonin ni háá mi cɛn le ndu vali tosa. Te la tɔɔndan pɛ le Babilɔnnda simullo, la tiwnin nda ba le. Sɔɛi fula Mɛlɛka o sondo-e co ken ni.

Ɛsdras 7:19

Ma mingi ɲɛm diandan lekaaŋun yɔngun nɔm-ndon kɛsi Hala nɔm co Yerusalɛm-ndo o hɔl le vali lekaando tosaa a mun.

Ɛsdras 1:11

Ɲɛm-laandun va n'cɔavaa a sianion a á volion-ndon va faw-faw vàála ŋuɛɛnu a kɛmɛ lehiɔɔlu (5 400). Tuma vanaa va o biyɔɔ nin-nda va faŋanndo Babilɔn le muungoo Yerusalɛm-ndo, mí Sɛsbasar cua ɲɛm mun kpow le mun mingio Yerusalɛm.

Talelan 21:30

Kɔlkalu co le, dɛnɛ sinaa co le, taasi co le, o sim Mɛlɛka o hɔllo.

Daniɛl 9:2

ya Daniɛl, mí nuwviaa o sɛbɛla diandaalan nin, mí sina sɔɛi vɔsila peelunnin le tambii Yerusalɛm-nde lan. Vɔsila belaŋɔmmɛwla Mɛlɛka dimul Yeremi vana-tɛɛngaa-diom Hala-o sɔɛi ndɔɛi lan pɛɛn.

Daniɛl 5:23

Má simul Maalii co o halataala-o, má cua ɲɛm diandan va o cɛi ndɔɔ nin-ndon, má kol mɔiyan lenin niaa vanaa bɛndua nɔmnda, laandaa nɔmnda a sámáá nɔmnda. Mí la lisa piɔmaa cɔwnun a sianion, a volin humbon, a daɲan, a cilinndon, a yɔmnde a á powtan-nda. Piɔmaa niaa kan yɛ, a ci le, a tui le, a bii ɲɛ-ɲɛ bila le. Kɛ, má sooluu nda, má kɛɛ Hala nɔ yoomu nɔmndo a siɔdii nɔmndo o ba-o biiloo.

Yeremi 34:5

A vunin o kɔlɲuloo nin, mì biisi nɔmndo tosan mɛɛ nda tosa la fuɲaa nɔmaa mamaa kei sindɛ o masalen nɔm laci lan-nda yɛ. A loamnin ansan, mà soli nɔm condun biision coo aa: «Kpòkóó dɛnɛ pala naa fɔ́! Masa naa vinnun!» Sɔɛi fula Mɛlɛka o sondo-e co ken ni.

Ɛsdras 7:9

Mó yam lɔ́ɔ́ le cɔnɔnndo Babilɔn o paale taselen coo o paangii tasei nin. Mó tiiya Yerusalɛm o paale taselen coo o paangii ŋuɛɛnundɔɛi nin, ba ikɛndɛ Hala ndɔɔ va ndu coo.

2Dɛnnda lemasalan 36:21

Kon tosan haliko mi sɔɛi Mɛlɛka ndóò dimi a sondo Yeremi, vana-tɛɛngaa-diom Hala-o-e i peelun. Sɔɛi ken yɔŋnun hee ni: «O vɔsilan belaŋɔmmɛw bɛngu, lɛŋnden le malnunnin mì le sɔla pɛngio háá mì telen léè bɛnda le pɛngi kalaa sɔlaa o vɔsila lan bɛngu-o cuu.»

2Masaa 25:13

Mí Babilɔŋaa kan a pesipesi sungbuma n'daɲama va o Cɛi-Mɛlɛka-o nin-ndan, ɲɛla ɲaanannda soa nan-ndan a fɛngɛ bɛndu n'daɲa va o Cɛi-Mɛlɛka-o nin-ndo, má cua daɲan mun, má kɔannun a mun Babilɔn.

Yeremi 20:5

I tɛɛmbuunin bolofaa co Yerusalɛm-ndo kpow, ɲɛm nda sɔla o baala ndaa nin-ndon, ɲɛm ndan sɔvɛɔn kpow a bolofaa masaa Yuda kpede, mì yɔngu yaamɔaa ndaa ɲɛm mun kpow, mà cuungiaa mun, mà cua mun, mà kɔɛnnun a mun Babilɔn.

Yeremi 27:7

Vanaa-mangalaa-isɔɔa kpow a tosalnin ndu baalaa. O ndu kɔɔli, mà tosal po ndɔɔ a po ndɔ imamaa baalaa, háá mì telen vanaa-mangalaa-isɔɔa mayoomua a masaa bɛndua cannin, mà lueinun lɛŋnde ndɔlen o ba bɛngu-o tiiya.

Yeremi 27:21

Kani nuaa Mɛlɛka-Nɔ-Kpaayaa-Kpow-vo, Hala Israɛlla dimi le ɲɛm lo o Cɛi-Hala-o, o cɛi masaa Yuda-o a o kobio Yerusalɛm nin-ndon ni aa:

Yeremi 34:2

«Ya Mɛlɛka Hala Israɛlla vem nɔm ni, kɔ mà kɔ tɛɛngul Sedekia masaa Yuda sɔɛi he aa: I co kobio ho malɔɔ masaa Babilɔn o ba mò lom ndu.

Yeremi 34:3

Kɛ nɔm a helunnin ndu le. A co nɔm biyɔɔ mà mal nɔm ndu o ba. A canin ndu a lehɔl ciŋ, mì nɔm pila soo o ndu lo. O kon kɔɔli, a kɔanin a nɔm Babilɔn.