Yeremi 27:18 - BII BILA

¹⁸ Te vanaa-tɛɛngaa-diom Hala-a kpeekpei nda co ni, te Hala soo o nda lo lekɛ́ndɛi ni, mɛɛ a tɛɛlun ndɔ Mɛlɛka-Nɔ-Kpaayaa-Kpow-vo, mì ɲɛm-laandun tɔ̀un lo o Cɛi-Mɛlɛka-o nin, mì n lo o cɛi masaa Yuda-o nin a o kobio Yerusalɛm nin, a kɔa a mun Babilɔn te.

Yeremi 27:18 Referans Kwoze

1Samiɛl 7:8

Má dimul Samiɛl aa: «Mal naa le. Piɛi Mɛlɛka Hala naa le naa le, haliko mo baŋa naa, mì n fula Filistia o ba bɛngu.»

Yeremi 18:20

Vɛ̀ɛ̀ vana mingi dɛnɛ vɔɔndo le dɛnɛ kɛndɔɔ? Kani a co ya soondo tuwvo. Loonun maa i sim nɔm o hɔl, mí soaa le nda, haliko mi nɔm óò mal kɔngɔlan nɔm óò kɔngɔlan nda-o.

1Masaa 18:24

Mà piɛi hala ndaa, mì ya bɛɛ piɛi Mɛlɛka. Hala mulinin piɛilen, mò tuisi yinnden-ndo, mɛɛ ndu co Hala kpeekpeiyo ni.» Mí vannda kpow a cɛl aa: «Ava, o naŋ lende.»

1Samiɛl 12:23

Le ya yɛ, sɔɛi vɔɔŋii bɛnduei o co le hakio cuaa a Mɛlɛka ni, te i pɛngi pɛ piɛilen le niaa. I vanin vɛlɛ niaa nɛi kɛndɔɔ a nɛi sandaa cɔmndo.

1Samiɛl 12:19

Mí nda kpow a dimul Samiɛl aa: «Tɛɛlun Mɛlɛka Hala nɔmndo le naa, yɔŋii naa n vu. Kani n handu haki celen o hakila naala paandulan coo, le tùú naa pila n ɲuna le masa celen sɔlaa-o.»

Malasi 1:9

Mbɔ̀ la piɛi ya Mɛlɛka, mì ɲulul kɔl a niaa! Niaa ca ko aa mì ce niaa ɲia a laasiaa niaa co kon-ndo kpow? Ya Mɛlɛka-Nɔ-Kpaayaa-Kpow-vo ɲuna nuaa ni.

Esekiɛl 22:30

I co vanndo nuwviaa o nda tɛɛn, le o nɔla mò cɔw kpakio, mò sim o tɛɛngei nin coocoo ya o hɔl le sɔɛi le lɛŋnden-ndo, yɔŋii lɛŋnden le tambu, mì le piɔl, kɛ i seelun-ndɔ vana vaa lende le.

Esekiɛl 14:14

te vanaa yáá-a ha: Noe, Daniɛl a Yɔb a va pɛ nda tɛɛn, nda pila kínɛí baŋanin yoomula ndalan le dɛnɛ nda sandaa ni. Ya Maalii, ya co Mɛlɛka-o soo nuaa ni.

Yeremi 42:2

má dimul Yeremi aa: «Yaŋnun tɛɛlɔnnda naa n co nɔm-ndan, piɛi Mɛlɛka, Hala nɔmndo, le naa a le vanaa tɔ̀a lo-a kpow, kani n va sɛ́lɛ́ taw, kɛ n co lɛ hau a bɔɔ le, maa mɛɛ nɔm pila co cɔu nuaa yɛ koni.

Yeremi 15:1

Mí Mɛlɛka dimul-la aa: «Hali Moise nda Samiɛl a tɛɛlun bɛɛ ya le nda, i cɛlnin mì tuinun vannda iɲíí le. Tow nda mà faŋa nda ya o hɔl, a kɔ!

Yeremi 7:16

«Nɔm Yeremi yɛ, piɛi le vannda ha le, soli diom le nda le, piɛi le nda le, tɛɛlun ya o lepiɛi nin le nda le, kani i yeŋnin nɔm lani le.

2Dɛnnda lemasalan 32:20

O kon mí masaa Esekia nda Esai vana-tɛɛngaa-diom Hala-o, po Amɔt-o a piɛi Hala le sɔɛi ken.

1Masaa 18:26

Má bii naw tova ndáà cɔm nda-o, má toosiaa ndu. Kandɔɔ idiiyo háá a paale kálàlen, a va huuloo a yolan balɔɔ o fonda-loamaa-lasálà ndaa cɔwvo, má va Baal piɛiyo a dimio aa: «Baal mulul naa!» Kɛ kpɛkɛlɛ bɛɛ a tui le, a sɔla muli le.

O Kandɔɔ 20:17

Mí Abraham piɛi Hala, mí Hala singi Abimelɛk, laa ndɔ a buɛyaa ndɔa laandua. Mí vanlaandua kan vialu cuawva.