Yeremi 27:14 - BII BILA

¹⁴ La yaŋ vanaa-tɛɛngaa-diom Hala-a co niaa dimullo maa la tosalnin masaa Babilɔn baala le-a lani le. Còòlan fúú nda co niaa dimullo ni, lelan la yaŋnun nda le.

Yeremi 27:14 Referans Kwoze

Yeremi 14:14

Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.

Yeremi 23:21

I vim vanaa-tɛɛngaa-diom Hala-a kan te, ma va kɔlan a kiltan. I dimul nda ɲɛ-ɲɛ le, ma va kɔlan sɔɛi a diola nilan o sondo.

1Nsaŋ 4:1

Caaŋaa nia hɛnan ya-a, la laalan kɔltan kpow le, kɛ la soli lan kɔlɔ mì la sina te Hala o ba la fula ni, kani vanaa-tɛɛngaa-diom Hala-a bɔɔ-bɔɔ a hin o ceendo coo.

Filipea 3:2

La mandan a tunaa kan, la mandan a vanaa baalaa vɔɔnda, la mandan a faleŋaa fondoa kan.

Matie 7:15

«La mandan a vanaa-tɛɛngaa-diom Hala-a lacòòvaa. A co hunɔɔ o niaa lo maa n'saa, kɛ lenin ndaa tunaa yondoa vɔɔn-vɔɔnda nda co ni.

Misee 2:11

Vanaa caa còòlan bɛɛndiaa, má va lan keiyo saŋɔɔ o hoeiye nin-nda cɛn pɛ a dimul nda aa: ‹La co hunɔɔ mɔiyan sɔla, mɔima nɛyaa-nɛyan pɛɛn.› Vanaa-tɛɛngaa-diom Hala-a vaa lende a bɛnda le vannda ha ni.»

Yeremi 28:15

O kon mí Yeremi dimul vɛlɛ Hanania vana-tɛɛngaa-diom Hala-o aa: «Yaŋnun ɲɛkɛndɛi Hanania! Mɛlɛka vim nɔm te, ɲɛ fondoo fúú n co vannda ha vomɔɔ laalanndo ni.

Yeremi 23:25

Ya Mɛlɛka, i tuei ɲɛ vanaa-tɛɛngaa-diom Hala-a co dimio-o. A co dimio maa o diola nilan nda co sɔɛi ni, kɛ còòlan fúú. A co dimio aa: ‹I sɔl lɔan, i ce vundulen.›

Yeremi 37:19

Ɔ́ɔ̀ ba vanaa-tɛɛngaa-diom Hala-a niaa co-o? A va niaa kan dimullo aa: «Masaa Babilɔn hinulnin niaa o lɛŋnden nden nin a cɔwvo le-a pɛɛn.»

Yeremi 38:22

a kɔanin a vanlaandua co vɔ o cɛi lemasaa Yuda nin-nda kpow o simlacia masaa Babilɔn-ndo, o kon mà solul nɔm condei aa: «Bàà lekɛ́ndɛi nda bii nɔm o mɛnndan nin ni, caaŋaa nɔmaa kan pɛɛn. Nɔm óò ciiyo pelon lueiyo o loolio nin, má kialun nɔm kɔɔli.»

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.