Yeremi 27:11 - BII BILA

¹¹ Kɛ vanaa cɛlnin mà tosal masaa Babilɔn baala o baŋnin nda tosaa-o-a, i kenin nda pɛngio o lɛŋnde ndalen nin, haliko ma va vàá, mà cal lon. Sɔɛi fula Mɛlɛka o sondo-e co ken ni.»

Yeremi 27:11 Referans Kwoze

Yeremi 27:8

Mɛlɛka dimi aa: «Vanaa-mangalaa-isɔɔa te kon te masale kɛɛ pɛ le tuisinndo Nebukanɛsar masaa Babilɔn o labɛngunin, mà kɛɛ le sanga masaa Babilɔn tuisinin nda coo-o siilɔnndo, i kuelnin vanaa kan a mɔɛi cɔwve, a yima fofolan, mì kuel nda a nàà n'kɔnyaa. I viamnin masaa Babilɔn le nda ciiyo kpede.

Yeremi 27:2

«Ya Mɛlɛka co sɔɛi he dimio ni: toosiaa yoei a yɔmii lebolle, mà yiinun ndi o ikɛsu.

Yeremi 21:9

Vana-vana lo pɛ o kobio ho nin nanu, ndu vunin o cɔwvo nin, te kon te a yima fofolan, te kon te vɛlɛ a nàà n'kɔnyaa. Kɛ vana-vana fula pɛ mò kɔ yɔngun Babilɔŋaa co niaa haa hinullo a cɔwvo-a, ndu lonin yoomu.

Yeremi 38:2

«Diom Mɛlɛka dimi-o co hoo ni aa: vana-vana lo pɛ o kobio ho nin, ndu vunin o mɔɛi cɔwve bɛngu, a yima fofolan, te kon te a nàà n'kɔnyaa. Kɛ vana-vana fula pɛ, mò kɔ yɔngun Babilɔn-nda, ndu lonin yoomu, hali mò sɔla lɛ ɲɛ celen o kon kɔɔli le.

Yeremi 27:12

Sɔɛi pilɛi ken koni ya dimul Sedekia masaa Yuda ni aa: «La cɛl sanga masaa Babilɔn co niaa tuisi coo-o, la tosal ndu baalaa a vanaa ndɔa, mì la baŋa yoomu niaa.

Esekiɛl 28:25

Tuei-yɔ diom Maalii Hala dimi-o aa: «Lɔ́ɔ́ ya solinin cuavaa Israɛlla nɛɛ nda co a sɛŋiannda vanaa súúla celennda tɛɛn, mì mɔɔsiaa nda nɛɛ pilɛ-o, i cɔmnin diondɔɔ nuu vanaa-mangalaa-isɔɔa o hɔl a nda o kɔɔ. O kon, a calnin o lɛŋnde ndalen nin, lɛŋnde ya yɔngu sindɛ vana baalaa nuu len, Yakɔb pɛɛn.