Yeremi 27:10 - BII BILA

¹⁰ Kɛ còòlan fúú nda co niaa dimullo lende ni, te la yaŋ pɛ nda nilan, la sɔlanin tovɔɔ, mì la kɔɛ lɛŋnde niaalen levil. A toɲa, i toawnin niaa ba-ba fee, mì la cuu.

Yeremi 27:10 Referans Kwoze

Yeremi 32:31

Kani kabi kobio ho kilan háá hun bii a paalen nden hau, kɔl tambɛiyo a kɔltuw bɛndoo tuŋ ya sɔla a ndu ni. Lelan maa i ca ndu bɛɛ a lehɔl te.

Cɛɛŋɔnnda Yeremi lan 2:14

Vunduma fondoan a còòlan daama vanaa-tɛɛngaa-diom Hala-a nɔmnda tɛɛngul nɔm ni. A cɔm nɔm haki nɔmndo vakpa haliko ma faŋa nɔm cɛlen kuee le. Còòlan sii nda pila toosiaa le nɔm huiyo ni.

Yeremi 28:16

Ɲɛ Mɛlɛka dimi-o co hoo ni aa: «I co nɔm tovɔɔ o lɛŋnden nden nin, nanndee n co vu ni, kani a tosa mí vannda simul Mɛlɛka.»

Yeremi 27:14

La yaŋ vanaa-tɛɛngaa-diom Hala-a co niaa dimullo maa la tosalnin masaa Babilɔn baala le-a lani le. Còòlan fúú nda co niaa dimullo ni, lelan la yaŋnun nda le.

Yeremi 23:25

Ya Mɛlɛka, i tuei ɲɛ vanaa-tɛɛngaa-diom Hala-a co dimio-o. A co dimio maa o diola nilan nda co sɔɛi ni, kɛ còòlan fúú. A co dimio aa: ‹I sɔl lɔan, i ce vundulen.›

Fulaa 22:18

Vana-vana hini pɛ a cɔloo, ndu bɛnda mò sɔla piɔ́mndo kangalan.

Tɔŋ miingua 18:10

O niaa tɛɛn, vana-vana bɛnda mò lom po ndɔɔ, te kon te cua ndɔɔ o yin te. Vana mangalaa, vana viamaa yavaa, vana soaa a loeon o kɔɔ-o, fuéinɔɔ,

Yeremi 8:19

Caŋnda vanaa nia la co sɔɛi o lɛŋnde levil-ten nin aa: «Vɛ̀ɛ̀ Mɛlɛka co lɛ Siɔn te? Vɛ̀ɛ̀ masa ndɔɔ co lɛ icali lon te?» «Le yɛɛ nda tɛɛmbuu yɛ ya kɔllo a piɔmaa ndaa, má tɛɛmbuu ya kɔllo a diɔmun mialla?»

Yeremi 14:14

Mí Mɛlɛka mulul-la aa: «Vanaa-tɛɛngaa-diom Hala-a kan co dimio aa o diola nilan nda co sɔɛi ni. Còòlan fúú. O co ya le vem nda le, i dimul nda ɲɛ-ɲɛ le, sɔɔn fondon fúú nda co dimio a siɔdii lacio o kɔɔ ni, sɔɔn nda pila toosiaa le vannda palaa-on daama ni.

Yeremi 23:16

O Mɛlɛka-Nɔ-Kpaayaa-Kpow-vo dimi-o co hoo ni aa: «La yaŋnun sɔɔn vanaa-tɛɛngaa-diom Hala-a kalaa le, huiyo fúú nda co niaa ni. Sɔɔn nda co niaa dimullo-on, nda pila co mun yiyanndo ni. O co ya Mɛlɛka o ba le n fula le.

Yeremi 27:15

Mɛlɛka dimi aa: ‹I vim nda le. A co dimio aa o diola nilan nda co sɔɛi ni, kɛ còòlan fúú nda co dimio ni. Te la yaŋ pɛ nda nilan, i co niaa tovɔɔ mì la kɔ vu niaa vana-tɛɛngaa-diom Hala-a co niaa kan sɔɔn vaa siɔdii dimullo-a latulu.›»

Yeremi 27:16

Mí dimul vanaa-solia-lasálàá a vannda kpow aa: «Mɛlɛka dimi aa: ‹La yaŋ vanaa-tɛɛngaa-diom halaa niaa co niaa diom halaa tɛɛngullo-a nilan te. A co niaa dimullo aa o lo cobe mà cua ɲɛm-laandun Cɛi-Hala-n ndáà yɛɛ Babilɔn-ndon, mà muungu a mun. Còòlan kposon sɔɔn mun co ni.

Yeremi 28:11

O kon kɔɔli, mó dimi vanaa va lon-nda kpede o hɔl aa: «Mɛlɛka dimi aa: ‹Lende koni i yɔŋnunin nanu a vɔsila tiɔn ni. I tuisinin vanaa-mangalaa-isɔɔa kpow sangala bɛndulan coo, sanga bɛndu Nebukanɛsar masaa Babilɔn mal nda nin-ndo pɛɛn.›» O kon, mí Yeremi vana-tɛɛngaa-diom Hala-o kɔannun.

Daniɛl 4:7

I va o kpele nuu coo, mí ca vunduan man: Yɔm bɛndu-bɛndoo va isisi o lɛŋnden tɛɛn.

Malasi 3:5

I sɔɔnguunin niaa ikɛi le yamɛi kiolɔɔ, i keleŋanin mì kɔ tɛndal vanaa viamaa yavaa a vanaa suundɛiya seilen. I tɛndalnin vanaa mɛɛnian mɛɛniannda fondolan-nda seilen, mì tɛndal vɛlɛ vanaa kɛɛ le sala vanaa baalaa yɔngoo-a seilen. Nda koni kuunan ɲɛm vííya a ɲɛm vanlaandua piandaa ndaa vi-a coo ni. Nda kan koni yii mialla dúmbú le nda palaa ni. A nɔ isiòòn a ya le. Ya Mɛlɛka-Nɔ-Kpaayaa-Kpow-vo dimi lende ni.»

Sakari 10:2

Kani piɔmaa tongoniŋaa niaa co piɛiyo-a co niaa mulullo a sɔɔn lacòòvan. Mandea co vannda vunduma lacòòvan dimullo, à co lɔma sɔlaama lacòòvan dimio, à co vannda ɲɔɔloo a kpaavɛi. Lelan vannda ha kɔɛnnun a laasianndo ni maa n'cɔlu, a co o mɔnɛi nin maa saa nɔ vana mandaa le-a.