Yeremi 26:9 - BII BILA

⁹ Le yɛɛ n tɔɔndan yɛ dimio aa Mɛlɛka dimul nɔm aa: Cɛi-Hala-o ho co hunɔɔ itambu maa hoo Silo, mì kobio ho hun tambu, mì vannda piow ndu?» O kon mí vanaa va o Cɛi-Hala-o nin-nda sɔɔnguu, má tiila Yeremi.

Yeremi 26:9 Referans Kwoze

Dɛnnda kiilaa 22:22

Haa mí Pol cii diomndan ndan dimi, sɛ́lɔ́ɔ́ va ndu yaŋnɔnndo. O kon kɔɔli, má can yondaa aa: «La dii langbanɔɔ ho, la dii ndu! O bɛnda mò lo yoomu le.»

Dɛnnda kiilaa 21:30

Mí vɔkɔ-vɔkɔɔ tiw o kobio nin kpow, vannda va kɔlan ba-ba fee. Má bii Pol, má soli ndu o Cɛi-Hala-o nin. Fɔ́ɔ́fɔ̀, má kindiaa diolan.

Dɛnnda kiilaa 13:50

Kɛ mí Yuifia luei vanlaandua lebɛaa nɔ siòòŋii Hala-e-a a vanpiaandua va vannda simndan laci o kobi kon nin-nda sɔɔn nin. Má luɛi Pol nda Barnabas yɛlen tollo, má toaw nda o bungɛi ken nin.

Dɛnnda kiilaa 6:14

N tuei ndu dimio maa Yeesu fula Nasarɛt-o tɛɛmbuunin Cɛi-Hala-o ho, mò mangala vɛlɛ naamula Moise tɛɛngul naa lan.»

Dɛnnda kiilaa 5:28

«N kuuna niaa ndi pɛ́-pɛ́ maa la pɛɛku lɛ vannda o diola Yeesu lan te. Kɛ la tofa vɔ mɛɛ niaa pei Yerusalɛmnda pɛɛkula niaala lan nin yɛ. La yeema vɛlɛ mì la mingi naa kooma piɔ́m langbanɔ kon o lebol.»

Nsaŋ 8:59

O kon, má cua powtan le ndu viiyo. Kɛ mí Yeesu viannun, mó fula o Cɛi-Hala-o nin.

Nsaŋ 8:20

Telen Yeesu va vannda pɛɛkoo o Cɛi-Hala-o nin-ndo o dimi sɔɔn mun ni, nɛɛ nda vow bolofaa-a. Vana-vana bii ndu le, kani telen ndɔɔ ndóò tiiya vɔ le.

Marke 15:11

Kɛ mí simlacia vanaa-solia-lasálàá pei vannda sɔɔn niŋ le Pilate dimullo maa o co fisa mò mel nda Barabas.

Matie 27:20

Kɛ mí bolii vanaa-solia-lasálàá a simlacia pei vannda sɔɔn niŋ le Barabas malɔɔ, mà dii Yeesu.

Matie 21:23

Mí Yeesu kɔa o Cɛi-Hala-o nin. O lo pɛɛkoo, mí bolii vanaa-solia-lasálàá a kaasoŋaa kɔlkalua lelɛŋnda hun ɲuna ndu aa: «Nɛ̀ɛ́-nɛ̀ vem yɛ nɔm dɛnndan ndan tosaa? Nɛ̀ɛ́ ke yɛ nɔm di kon?»

Misee 2:6

«Vannda pum a co ya dimullo aa: ‹Pɛngi tombola fondoo ho! Diɔmnde i co ni le dimio aa n nɔla siɛmbula ndan kpakpalaa le.›

Amɔs 5:10

La co nɛyɔnndo tosaa a vana co sɔɛi le dɛnɛ sandaa o kɔɔsɔɔ nin-ndo, mì la va nɛyɔnndo a vana dimi toɲaa-o.

Yeremi 9:11

Ɔ́ɔ̀ vana nɔ kɔlkaloo le dɛnndan ndan bilaa biyɔɔ-o? Vana sondo Mɛlɛka-o dimul sɔɔn mun-ndo, o yonda mun! Le yɛɛ lɛŋnden le tambu yɛ, mí le ŋɔa maa lɛŋnde veselɛile vana-vana kei nin te len?

Esai 29:21

Vanaa va caanda yaalaa o nɛɛ kialaa n'yamaa-a, a va vanaa va dɛnɛ sandaa solio ceen o dio luɛyaa-a yaŋɔɔlan miingullo-a, a va vanaa sandaa faŋaa o fondala ndalan fondo fúú-a kpow a ve lɛnin te.

2Dɛnnda lemasalan 25:16

O lo sɔɛi lende, mí Amasia hialu ndu sɔɛi o sondo aa: «Vɛ̀ɛ̀ naa n hɛli nɔm le siŋnɔnndo vana silaa masaa ni? Taa yeema ma sɔla lɔɔ le mɛɛ o mɛɛlu nuaa dɛ!» O kon, mí vana-tɛɛngaa-diom Hala-o mei sɔɛi. Kɛ telen o va faŋanndo-o, mó dimi aa: «I sina nihau maa Hala cii kiolɔɔ le nɔm diyɔɔ, le tùú n tosa dɛnɔɔ ho-o a le kɛɛ n kɛɛ le sila nuu biyɔɔ-o.»

Dɛnnda kiilaa 3:11

Le tùú langbanɔɔ ve lɛ Piɛr nda Nsaŋ faŋan kɔɔli loo, mí vannda kpow a dɔawnun kɔndɔfili, má hun a kiltan nɛɛ nda va o falii Cɛi-Hala-o nin, o tongo Salomɔn-ndo bɛngu-a.

Dɛnnda kiilaa 5:12

Dɛnnda kaamaalan a dɛnnda kɔndɔfiltan taw kiilaa tosa vannda tɛɛn ni. Vanaa laalannda va cuungianndo o tongo Salomɔn-ndo bɛngu lɔ́ɔ́-lɔ́ɔ̀.

Yosue 18:1

Mí Israɛlla kpow a cuungian Silo, má baŋ cɛi-kola-toandaa-labɔɔŋianndo lon. Lɛŋnden kpow le va nda o ba bɛngu.

Yeremi 32:3

Sedekia masaa Yuda ndóò mal ndu o kaasoo ni, kani mó cɛɛŋun a vana-tɛɛngaa-diom Hala-o o kɔɔ aa o dimi o diola Mɛlɛka lan maa o co kobio ho malɔɔ masaa Babilɔn o ba, mò bii ndu.

Yeremi 33:10

Diom Mɛlɛka dimi-o co hoo ni aa: «Niaa vannda Yuda, la co dimio aa: ‹Lɛŋnden nden le vesa, vanaciee co lɛ lenin te, visia co lɛ lenin te.›» A toɲa, vanndacieea a visia co lɛ o tàndá Yuda-o a o nɛila Yerusalɛm-ndan coo le. Kɛ nduyɛ, vana hun tuɛinin vɛlɛ

Yeremi 36:29

Diom Mɛlɛka dimi le Yehoyakim masaa Yuda-o co hoo ni, ndu Yeremi sɛva ni aa: Lekɛ́ndɛi, masaa Babilɔn hunnin mò tɛɛmbuu lɛŋnden nden, mò diw vanndacieea a cɔlua. Kɛ má tambu kɔllo a ndu Yeremi, má loam sɛbɛ sɔɔn mun va coo-o.

Cɛɛŋɔnnda Yeremi lan 4:13

Dɛnɛ palaa kon yɔŋnun le hakila vanaa-tɛɛngaa-diom Hala-a a dɛnnda vɔɔnnda vanaa-solia-lasálàá tosa lan. Nda diw vanaa sandaa o kobi kon nin ni.